<p><strong>Drought In Maharashtra Marathi News :</strong> राज्यात दुष्काळी परिस्थितीच्या पार्श्वभूमीवर सरकार अॅक्शन मोडवर (Drought In Maharashtra) आले आहे. मुख्यमंत्री देवेंद्र फडणवीस (Devendra Fadnavis) आज लातूर, धाराशिव, सोलापूरमध्ये शेतकऱ्यांच्या बांधावर जात पिकांची पहाणी करणार आहेत. देवेंद्र फडणवीस सुरुवातीला <a title="लातूर" href="https://marathi.abplive.com/latur" data-type="interlinkingkeywords">लातूर</a> जिल्ह्यात दोन ठिकाणी पाहणी करतील. यानंतर ते धाराशिवच्या कळंबमधील एरमाळा आणि तुळजापूर इथं पाहणी करणार आहेत. यासोबतच देवेंद्र फडणवीस <a title="सोलापूर" href="https://marathi.abplive.com/solapur" data-type="interlinkingkeywords">सोलापूर</a> जिल्ह्यात देखील तीन ठिकाणी पाहणी करणार आहेत.</p>
<p>दुष्काळासंदर्भातली पहिली अधिसूचना शनिवारपूर्वी काढणार असल्याचं मुख्यमंत्री देवेंद्र फडणवीस यांनी स्पष्ट केलं आहे. माहिती आलेल्या ठिकाणी दुष्काळाची उपाययोजना सुरू केली असल्याचंही देवेंद्र फडणवीस म्हणाले. माहिती आलेल्या ठिकाणांची सध्या अधिसूचना काढली जाणार आहे. माहिती येत राहील त्यानुसार इतरही भाग समाविष्ट केला जाईल असं देवेंद्र फडणवीसांनी सांगितले. केंद्राकडे आर्थिक मदत मागितली जाईल, प्रस्ताव तयार करणार असल्याचं देवेंद्र फडणवीस म्हणाले. मात्र केंद्राच्या मदतीसाठी थांबणार नाही, राज्य सरकारची मदत सुरूच राहील असंही देवेंद्र फडणवीसांनी स्पष्ट केलं. </p>
<p><strong>उपमुख्यमंत्री एकनाथ शिंदेही आज दुष्काळी भागाचा पाहणी दौरा करणार- (Eknath Shinde Visit Drought District)</strong></p>
<p>उपमुख्यमंत्री एकनाथ शिंदेही आज दुष्काळी भागाचा पाहणी दौरा करणार आहेत. एकनाथ शिंदे अमरावती, <a title="अकोला" href="https://marathi.abplive.com/news/akola" data-type="interlinkingkeywords">अकोला</a> आणि बुलढाण्यात दुष्काळी परिस्थितीची पहाणी करणार आहेत. एकनाथ शिंदेंनी आपल्या सर्व मंत्र्यांना महत्त्वाच्या सूचना दिल्या आहेत. शेतकऱ्यांच्या बांधावर जाऊन पंचनामे आणि पाहणी करा, गावागावात जनता दरबार घ्या असे आदेश त्यांनी दिलेत. शिवसेनेचा प्रत्येक मंत्री ग्राऊंड झिरोवर उतरला पाहिजे, उद्यापासूनच कामाला लागा अशा स्पष्ट सूचना एकनाथ शिंदे यांनी दिल्या आहेत. दरम्यान सरकार शेतकऱ्यांच्या पाठीशी असून शेतकऱ्यांचे अश्रू पुसण्याची आता वेळ असल्याची प्रतिक्रिया <a title="एकनाथ शिंदे" href="https://marathi.abplive.com/topic/eknath-shinde" data-type="interlinkingkeywords">एकनाथ शिंदे</a>ंनी दिली.</p>
<p><strong>सुनेत्रा पवारांनी वरूड-मोर्शी तालुक्यात दुष्काळी परिस्थितीचा घेतला आढावा- (Sunetra Pawar Visit Drought District)</strong></p>
<p>अमरावती जिल्ह्यातील वरूड-मोर्शी तालुक्यात निर्माण झालेल्या दुष्काळी परिस्थितीच्या पार्श्वभूमीवर उपमुख्यमंत्री सुनेत्रा पवार यांनी जिल्ह्यातील परिस्थितीचा आढावा घेतला. काल <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> येथे मोर्शी विधानसभा मतदारसंघाचे माजी आमदार देवेंद्र भुयार यांनी उपमुख्यमंत्री श्रीमती सुनेत्रा पवार यांची भेट घेऊन वरूड-मोर्शी तालुक्यातील दुष्काळी परिस्थिती, शेतकरी आणि नागरिकांच्या समस्या तसेच पाणीटंचाईबाबत सविस्तर माहिती दिली. यानंतर उपमुख्यमंत्री सुनेत्रा पवारांनी तत्काळ <a title="अमरावती" href="https://marathi.abplive.com/news/https://marathi.abplive.com/news/amravati" data-type="interlinkingkeywords">अमरावती</a>च्या जिल्हाधिकाऱ्यांना संपर्क साधत परिस्थितीचा आढावा घेतला.</p>
<p><strong>दुष्काळ निवारण मंत्रिमंडळ उपसमिती जाहीर- (Drought In Maharashtra Marathi News)</strong></p>
<p>मुख्यमंत्री <a title="देवेंद्र फडणवीस" href="https://marathi.abplive.com/topic/devendra-fadnavis" data-type="interlinkingkeywords">देवेंद्र फडणवीस</a>ांच्या अध्यक्षतेखाली काल मंत्रिमंडळ बैठक पार पडली. या बैठकीत प्रामुख्याने शेतकरी आणि दुष्काळजन्य परिस्थितीबाबत निर्णय घेण्यात आले. राज्य सरकारने दुष्काळ निवारण मंत्रिमंडळ उपसमिती जाहीर केली आहे. महसूल मंत्री चंद्रशेखर बावनकुळे यांच्या अध्यक्षतेखाली ही समिती स्थापन करण्यात आली आहे. या समितीत गिरीश महाजन, गुलाबराव पाटील, पंकजा मुंडे, दत्तात्रय भरणे, जयकुमार गोरे, संजय राठोड, प्रताप सरनाईक, बाबासाहेब पाटील आणि मकरंद पाटील यांचा सदस्य म्हणून समावेश आहे, तर मुख्य सचिव राजेश अग्रवाल हे सदस्य सचिव असतील. ही समिती दुष्काळ संदर्भात सूचना देणार असून लहान-सहान तक्रारी दूर करण्याचे अधिकार तिला देण्यात आले आहेत. या समितीच्या अहवालावरून मुख्यमंत्री आणि दोन्ही उपमुख्यमंत्री वरिष्ठ पातळीवर निर्णय घेणार आहेत.</p>
<p><strong>हे ही वाचा -</strong></p>
<p><a href="https://marathi.abplive.com/news/politics/jaykumar-gore-on-ranjitsinh-mohite-patil-news-guardian-minister-jaykumar-gore-criticizes-ranjitsinh-mohite-patil-1439913"><strong>पावसाळा आला की छत्र्या उगवतात, मंत्री गोरेंचा मोहिते पाटलांना खोचक टोला, धैर्यशील म्हणाले जलनायकाच्या मतदारसंघात 34 टँकर</strong></a></p>
<p><iframe title="YouTube video player" src="https://www.youtube.com/embed/a5B0FhXuLoY?si=Jz62Oa6rnJdVDbbe" width="560" height="315" frameborder="0" allowfullscreen="allowfullscreen"></iframe></p>
1 month ago
3 
