<p class="PlaygroundEditorTheme__paragraph" style="text-align: justify;"><strong>ED Actions: </strong>अंमलबजावणी संचालनालयाच्या (ED) मुंबई विभागीय पथकाने बँक ऑफ बडोदाची कोट्यवधी रुपयांची फसवणूक केल्याप्रकरणी मोठी कारवाई केली आहे. ‘मनी लाँडरिंग प्रतिबंधक कायद्या’ (PMLA) अंतर्गत कारवाई करत <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> आणि दिल्लीतील 11 ठिकाणी ईडीचे छापे (ED Raids) टाकले <span class="transliteration">आहेत</span>. ‘अल फारा इन्फ्राप्रोजेक्ट्स प्रायव्हेट लिमिटेडशी’ (Al Fara’a Infraprojects Private Limited), संबंधित ठिकाणी कारवाई<span class="transliteration">चा</span> <span class="transliteration">बडगा</span> <span class="transliteration">उगारण्यात</span> <span class="transliteration">आला</span> <span class="transliteration">आहे</span>. <span class="transliteration">या</span> <span class="transliteration">कारवाईत</span> <span class="transliteration">तब्बल</span> 18 लाख रोकड, 9,567 अमेरिकी डॉलर आणि जाम्बियाई 860 क्वाचा जप्त <span class="transliteration">केल्या</span> <span class="transliteration">आहे</span><span class="transliteration">त</span>. <span class="transliteration">शिवाय</span> 1.02 कोटींच्या एफडीसह जपानी येन आणि अमेरिकी डॉलरच्या ठेवी <span class="transliteration">देखील</span> गोठवल्या <span class="transliteration">आहेत</span>. 2012 मध्ये 103 कोटींचे कर्ज, 2015 मध्ये कर्जमर्यादा 360.50 कोटी <span class="transliteration">तर</span> 2018 मध्ये खाते NPA त्यावेळी 255.74 कोटी<span class="transliteration">चं</span> <span class="transliteration">कर्ज</span> थकीत <span class="transliteration">असल्यामूळे</span> <span class="transliteration">ही</span> <span class="transliteration">कारवाई</span> <span class="transliteration">करण्यात</span> <span class="transliteration">आली</span> <span class="transliteration">असल्याची</span> <span class="transliteration">माहिती</span> <span class="transliteration">आहे</span>. मनी लाँड्रिंग प्रतिबंधक कायदा (पीएमएलए), २००२ अंतर्गत सुरू असलेल्या तपासाचा भाग म्हणून ही कारवाई करण्यात आली.</p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, बनावट निर्यात व्यवहारातून पैसा परदेशात वळवल्याचा ईडीचा आरोप <span class="transliteration">असून</span> सिंगापूर आणि हाँगकाँगमधील संस्थांमार्फत निधी फिरवल्याचा तपास <span class="transliteration">यंत्रणाच</span> <span class="transliteration">आरोप</span> <span class="transliteration">आहे</span>. CBI <span class="transliteration">ने</span> गुन्ह्याच्या आधारे PMLA अंतर्गत ईडीचा तपास सुरू <span class="transliteration">केला</span> <span class="transliteration">असून</span> <span class="transliteration">पुढील</span> <span class="transliteration">कारवाई</span> <span class="transliteration">सुरु</span> <span class="transliteration">करण्यात</span> <span class="transliteration">आली</span> <span class="transliteration">आहे</span>.</p>
<p class="PlaygroundEditorTheme__paragraph" style="text-align: justify;"><strong>ED Raids: सीबीआयच्या आर्थिक गुन्हे शाखेने चेन्नईमध्ये दाखल केलेल्या एफआयआरच्या आधारे हा तपास</strong></p>
<p class="PlaygroundEditorTheme__paragraph" style="text-align: justify;">ईडीच्या म्हणण्यानुसार, बँक ऑफ बडोदाच्या तक्रारीवरून सीबीआयच्या आर्थिक गुन्हे शाखेने चेन्नईमध्ये दाखल केलेल्या एफआयआरच्या आधारे हा तपास सुरू करण्यात आला होता. तपासात असे उघड झाले की, नागरी बांधकाम कंपनी एआयपीएलने 2012 मध्ये बँक ऑफ बडोदाकडून 103 कोटी रुपयांची कर्ज सुविधा घेतली होती, जी 2015 मध्ये वाढवून 360.50 कोटी रुपये करण्यात आली. 18 जून 2018 रोजी हे खाते अनुत्पादक मालमत्ता (NPA) म्हणून घोषित करण्यात आले. त्यावेळी थकबाकीची रक्कम 2.55.74 कोटी रुपये होती.</p>
<p class="PlaygroundEditorTheme__paragraph" style="text-align: justify;"><strong>ED: पैशाचा खरा स्रोत लपवण्याच्या उद्देशाने पैशांचा माग काढला</strong></p>
<p class="PlaygroundEditorTheme__paragraph" style="text-align: justify;">प्राथमिक तपासात असे उघड झाले आहे की, कंपनीची सुमारे 75.02 कोटी रुपयांची लेटर ऑफ क्रेडिटची देणी बँकांना परत करण्यात आली, तर सुमारे 164.59 कोटी रुपयांच्या बँक गॅरंटीसुद्धा वटवण्यात आल्या. ईडीचा आरोप आहे की, यातून गुन्हेगारी स्वरूपाचा पैसा निर्माण झाला, जो विविध स्तरांवरील विविध लाभार्थी आणि मध्यस्थांमार्फत वळवण्यात आला आणि नंतर एआयपीएल (AIPL) व तिच्या समूह कंपन्यांकडे परत पाठवण्यात आला. या प्रक्रियेचा उद्देश निधीचा खरा स्रोत लपवणे हा होता. ईडीच्या अधिकाऱ्यांच्या मते, ग्लेज्ड टाईल्सची निर्यात झाली नसतानाही, काही परदेशी बँक गॅरंटी निर्यातीच्या नावाखाली उघडण्यात आल्या होत्या.</p>
<p class="PlaygroundEditorTheme__paragraph"><strong>इतर महत्वाच्या बातम्या </strong></p>
<ul>
<li class="abp-article-title"><strong><a href="https://marathi.abplive.com/crime/nagpur-crime-news-serious-allegations-leveled-against-police-by-ganesh-mandal-activists-in-nagpur-8000-and-a-mobile-phone-forcibly-snatched-from-pockets-five-youths-brutally-beaten-marathi-news-1439240">Nagpur Crime: खिशातून बळजबरीने 8 हजार अन् मोबाईल हिसकावले, नियमबाह्य पद्धतीने पाच तरुणांना बेदम मारहाण; नागपुरात गणेश मंडळाच्या कार्यकर्त्यांचा पोलिसांवर गंभीर आरोप</a></strong></li>
</ul>
1 month ago
4 
