<p style="text-align: justify;"><a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> : विधान परिषदेच्या पदवीधक आणि शिक्षक निवडणुकीचे निकाल जाहीर झाले, तेव्हापासून महायुतीमधील अंतर्गत संघर्ष समोर येऊ लागला आहे. खासकरुन एकनाथ शिंदे शिवसेना (Eknath Shinde) आणि भाजपमध्ये (BJP) आरोप-प्रत्यारोपाच्या फैरी झाडल्या जात आहेत. दिवसेंदिवस भाजपचे प्रवक्ते नवनाथ बन आणि शिवसेनेचे नेते रवींद्र धंगेकर यांची एकमेकांवरील टीकेची पातळी घसरत चालली आहे. नवनाथ बन विरुद्ध एकनाथ शिंदे शिवसेना (Eknath Shinde) असा हा सामना सुरु आहे. एकट्या नवनाथ बन यांच्यावर शिंदे सेनेचे नेते बोलू लागले आहेत. आधी निलेश राणे यांनी नवनाथ बन यांची लायकी काढली. त्यानंतर आता <a title="पुणे" href="https://marathi.abplive.com/news/pune" data-type="interlinkingkeywords">पुणे</a> शिवसेना नेते रवींद्र धंगेकर यांनी त्यापेक्षा खालची पातळी गाठणारी पोस्ट केली आहे. रवींद्र धंगेकर यांनी एक फोटो पोस्ट केला आहे. कार्टुन स्टाइलमधला हा फोटो आहे. मागे भाजपं कार्यालय आणि भाजपचं निवडणूक चिन्ह कमळ आहे. एक नेता दारातच कु्त्र्याला पाव खाऊ घालतोय अशी ती पोस्ट आहे. या शाब्दिक आणि सोशल मिडीयावर सुरू असलेल्या कोल्ड वॉर दरम्यान एक मोठी बातमी समोर आली आहे. रवींद्र धंगेकर यांना उपमुख्यमंत्री एकनाथ शिंदे यांनी सबुरीचा सल्ला दिला आहे.(Eknath Shinde) <br /> <br /><a title="एकनाथ शिंदे" href="https://marathi.abplive.com/topic/eknath-shinde" data-type="interlinkingkeywords">एकनाथ शिंदे</a>ंनी रवींद्र धंगेकर यांना सबुरीचा सल्ला देत, महायुतीत वितुष्ट येईल अशी विधानं करू नका असं म्हटलं आहे. विधान परिषदेच्या निवडणुकांनंतर भाजप आणि शिवसेनेत सुरू असलेल्या आरोप प्रत्यारोपांमुळे महायुतीत दोस्ती कुस्तीची परिस्थिती निर्माण झाली होती. मात्र शिंदेंकडून आता धंगेकर यांच्यासह इतर नेत्यांना सबुरीचा सल्ला देत दुष्काळी भागात मदतीसाठी कामाला लागण्याच्या सूचना दिल्याची सूत्रांची माहिती समोर आली आहे. </p>
<h2 style="text-align: justify;"><strong>BJP VS Shivsena: रवींद्र धंगेकर अन् नवनाथ बन यांच्या सोशल मिडीया पोस्ट चर्चेत</strong></h2>
<p style="text-align: justify;">रवींद्र धंगेकर यांनी सोशल मिडीयावरती एक पोस्ट शेअर केली आहे, त्यामध्ये कार्टुन स्टाइलमधला एक फोटो आहे. मागे भाजपं कार्यालय आणि भाजपचं निवडणूक चिन्ह कमळ आहे. एक नेता दारातच श्वानाला पाव खाऊ घालतोय अशी ती पोस्ट आहे. त्यावरती धंगेकरांनी लिहलंय, "हि याची लायकी आणि चालला धंगेकरांशी पंगा घ्यायला चालला....!! अरे बेट्या तुझे मालक लोक पण वाकड्यात जात नाही आमच्या, कधी तुझी नसबंदी होईल कळणार सुद्धा नाही तुला." तर दुसरीकडे नवनाथ बन यांनी रवींद्र धंगेकरांचा चेहरा असलेला रंग बदलणारा सरडा दाखवणारा फोटो लावला आहे, त्यावरती धंगेकर आधी गेलेल्या काँग्रेस, मनसे आणि शिवसेनेच्या पक्षाचे चिन्हा आणि झेंडा अंगावरती लावलेला दिसत आहे.</p>
<blockquote class="twitter-tweet">
<p dir="ltr" lang="mr">काय म्हणतात पुणेकर रंग बदलू धंगेकर! https://t.co/l0N3fBqcog</p>
— Navnath Kamal Uttamrao Ban (@NavnathBanBJP) <a href="https://x.com/NavnathBanBJP/status/2116437573338067397?ref_src=twsrc%5Etfw">October 31, 2026</a></blockquote>
<script src="https://platform.x.com/widgets.js" async="" charset="utf-8"></script>
<p><iframe title="YouTube video player" src="https://www.youtube.com/embed/a5B0FhXuLoY?si=Uouaqv221ATnHDXI" width="560" height="315" frameborder="0" allowfullscreen="allowfullscreen"></iframe></p>
1 hour ago
1 
