<p class="PlaygroundEditorTheme__paragraph" style="text-align: justify;"><strong>Gadchiroli Crime News : </strong>गडचिरोली जिल्ह्यात नात्याला काळिमा फासणारी आणि माणुसकी सुन्न करणारी धक्कादायक घटना समोर आली आहे. पैशांच्या कारणावरून झालेला वाद इतका विकोपाला गेला की, मद्यधुंद मुलाने चक्क आपल्या जन्मदात्या वडिलांचीच निर्घृण हत्या (Crime News) केली<span class="transliteration">य</span>. घराच्या अंगणात शेकोटी पेटवून संपूर्ण कुटुंब जेवायला बसलेलं असतानाच हा रक्तरंजित प्रकार घडला<span class="transliteration">य</span>. (Gadchiroli Crime News) शेकोटीतील जळतं लाकूड उचलून मुलाने थेट वडिलांच्या डोक्यावर प्रहार केला आणि यात वडिलांचा जागीच मृत्यू झाला. ही घटना कुरखेडा तालुक्यातील चारभट्टीच्या बिरसा नगरमध्ये घडली. (Gadchiroli Crime News)</p>
<p class="PlaygroundEditorTheme__paragraph" style="text-align: justify;"><span class="transliteration">मिळालेल्या</span> <span class="transliteration">माहिती</span><span class="transliteration">नुसार</span>, मनोहर गोटा (वय 51) असे मृत पित्याचे नाव असून नागेश गोटा (वय 29) असे आरोपी मुलाचे नाव आहे. पुराडा पोलिसांनी घटनास्थळी धाव घेत पंचनामा केला. आरोपी मुलगा नागेश गोटा याला पोलिसांनी अटक केली असून तपास सुरू आहे. <span class="transliteration">मात्र</span> <span class="transliteration">या</span> <span class="transliteration">घटनेनं</span> <span class="transliteration">परिसरात</span> <span class="transliteration">मोठी</span> <span class="transliteration">खळबळ</span> <span class="transliteration">उडाली</span> <span class="transliteration">आहे</span>.</p>
<div class="QpPSMb" style="text-align: justify;">
<div id="RFXOnf" class="DoxwDb">
<div class="PZPZlf ssJ7i B5dxMb" role="heading" aria-level="2" data-attrid="title"><strong>Gadchiroli Crime News : दारू तस्करी करताना दोन चारचाकीसह 27 लाखांचा मुद्देमाल जप्त, सहा जणांना अटक</strong></div>
</div>
</div>
<p class="PlaygroundEditorTheme__paragraph" style="text-align: justify;"><a title="गडचिरोली" href="https://marathi.abplive.com/topic/gadchiroli" data-type="interlinkingkeywords">गडचिरोली</a>च्या एटापल्ली पोलिसांनी दारू तस्करांविरोधात मोठी कारवाई करत दारू तस्करीचं रॅकेट उघडकीस आणलं. दोन स्कॉर्पिओ वाहनांमधून देशी दारूची वाहतूक आणि विक्री करण्याचा डाव पोलिसांनी हाणून पाडत या कारवाईत तब्बल 27 लाख 70 हजार रुपयांचा मुद्देमाल जप्त करण्यात आला आहे. तर, सहा आरोपींना अटक करण्यात आली आहे. जीवनगट्टा ते बारसेवाडा मार्गावर पोलिसांनी सापळा रचून ही कारवाई केली. पोलिसांनी दोन्ही वाहनांना घेराव घातला असता, आरोपींनी वाहनांसह पळून जाण्याचा प्रयत्न केला, मात्र पोलिसांच्या सतर्कतेमुळे त्यांचा डाव फसला. या कारवाईत 40 पेट्या देशी दारू, दोन स्कॉर्पिओ वाहने आणि सात मोबाईल फोन असा मुद्देमाल जप्त करण्यात आला. या प्रकरणात एकूण नऊ जणांविरोधात गुन्हा दाखल करण्यात आला असून, सहा आरोपींना अटक करण्यात आली आहे.</p>
<p style="text-align: justify;"><strong>Bhandara Crime: पत्रकाराला मारहाण प्रकरणी भाजयुमोच्या भंडारा तालुकाध्यक्षासह 7 जणांविरुद्ध गुन्हा दाखल</strong></p>
<p style="text-align: justify;">दुर्गोत्सव दरम्यान प्रकाशित केलेल्या वृत्तावरून मंडळाच्या पदाधिकाऱ्यांनी भंडाऱ्याच्या ठाणा पेट्रोलपंप इथं 21 ऑक्टोबरला साप्ताहिकाच्या संपादकाला जबर मारहाण करण्यात आली होती. या प्रकरणी आता जवाहरनगर पोलिसांनी 7 जणांविरुद्ध गुन्हा दाखल केला आहे. गुन्हा दाखल केलेल्यांमध्ये भारतीय जनता युवा मोर्चाचा <a title="भंडारा" href="https://marathi.abplive.com/topic/bhandara" data-type="interlinkingkeywords">भंडारा</a> तालुकाध्यक्ष रुपेश दुरुगकर याचा या 7 जणांमध्ये समावेश आहे. अजयकुमार भारतीय असं मारहाण झालेल्या साप्ताहिकाच्या संपादकाचं नावं असून ते अधिस्वीकृतीधारक पत्रकार आहेत. त्यांनी मंडळाची बदनामीकारक वृत्त प्रकाशित केले असा आरोप करून ही मारहाण करण्यात आली होती. जवाहरनगर पोलिसांनी गुन्हा दाखल केला असून प्रकरणाचा पुढील तपास सुरू आहे.</p>
<p><iframe title="YouTube video player" src="https://www.youtube.com/embed/wLUeukgf7Yw?si=7150gzwWYzGgnLxH" width="560" height="315" frameborder="0" allowfullscreen="allowfullscreen"></iframe></p>
1 hour ago
1 
