Israel Election 2026 :इस्रायल सत्तासंग्राम: 'नेतान्याहू विरोधकांची आघाडी की पुन्हा राजकीय पेच? इस्रायलमध्ये नव्या समीकरणांची नांदी

<p class="PlaygroundEditorTheme__paragraph" style="text-align: justify;"><strong>Israel Election 2026 :</strong> मध्य पूर्वेतील अत्यंत संवेदनशील देश असलेल्या इस्रायलमध्ये राजकीय (Israel Election 2026) रणधुमाळी अंतिम टप्प्यात पोहोचली असून प्रत्यक्ष मतदानाची आणि निकालांची तयारी पूर्ण झाली आहे. दीर्घकाळ सत्तेवर राहिलेले 76 वर्षीय बेंजामिन नेतान्याहू&nbsp; (Benjamin Netanyahu) आपले स्थान टिकवून ठेवणार की इस्रायल नवा नेता निवडणार, या एकाच मध्यवर्ती मुद्द्याभोवती संपूर्ण निवडणूक केंद्रित झाली आहे. इस्रायलमधील सध्याचे राजकीय वातावरण पूर्णपणे 'नेतान्याहू समर्थक विरुद्ध नेतान्याहू विरोधक' अशा थेट ध्रुवीकरणात विभागले गेले असून आता प्रत्यक्ष सत्तास्थापनेत नेमके काय घडणार, याकडे संपूर्ण जगाचे लक्ष लागले आहे.</p> <p class="PlaygroundEditorTheme__paragraph" style="text-align: justify;"><strong>Israel Election 2026 : संसदेचे गणित: बहुमतासाठी 31 चा जादुई आकडा</strong></p> <p class="PlaygroundEditorTheme__paragraph" style="text-align: justify;">इस्रायलच्या १२० जागांच्या संसदेत (नेसेट) सत्ता स्थापनेसाठी ६१ जागांची गरज असते. इस्रायलमध्ये संपूर्ण देश हाच एक मतदारसंघ मानला जातो आणि मतदार उमेदवारांऐवजी पक्षाला मतदान करतात. संसदेत प्रतिनिधित्व मिळवण्यासाठी किमान 3.25% ते 3.5% मतांचा कोटा पार करणे बंधनकारक असते.</p> <p class="PlaygroundEditorTheme__paragraph" style="text-align: justify;">1948 पासून आजवर एकाही पक्षाला स्वबळावर स्पष्ट बहुमत मिळालेले नाही, त्यामुळे निकालांनंतर कोणती आघाडी 61 चा आकडा गाठणार, यावरच पुढील सरकारचे भविष्य अवलंबून आहे.</p> <p class="PlaygroundEditorTheme__paragraph" style="text-align: justify;">सद्यस्थितीतील संभाव्य बलाबल (ओपिनियन पोल्स अंदाज)</p> <p class="PlaygroundEditorTheme__paragraph" style="text-align: justify;">पक्ष / आघाडी संभाव्य जागा राजकीय भूमिका</p> <p class="PlaygroundEditorTheme__paragraph" style="text-align: justify;">गादी आयझनकोट गट २१ नेतान्याहू विरोधी / सुरक्षा व प्रशासकीय सुधारणा</p> <p class="PlaygroundEditorTheme__paragraph" style="text-align: justify;">लिकुड (बेंजामिन नेतान्याहू) १९ सत्ताधारी उजवी आघाडी / नेतान्याहूंचे नेतृत्व</p> <p class="PlaygroundEditorTheme__paragraph" style="text-align: justify;">बी अख्खाद (बेनेट + लापिड युती) तिसऱ्या क्रमांकावर मध्यमार्गी व उजवी आघाडी (नेतान्याहू विरोधी)</p> <p class="PlaygroundEditorTheme__paragraph" style="text-align: justify;">धार्मिक ज्यू पक्ष (हारेदी घटक) १५ पारंपरिक उजवे / नेतान्याहूंचे संभाव्य सहकारी</p> <p class="PlaygroundEditorTheme__paragraph" style="text-align: justify;">अरब पक्ष (राम पक्षासह) १३ निर्णायक किंगमेकर भूमिका</p> <p class="PlaygroundEditorTheme__paragraph" style="text-align: justify;">इतर (द डेमोक्रॅट्स - १०, इस्रायल बेतेन्यू - ८) १८ प्रामुख्याने नेतान्याहू विरोधी भूमिका</p> <p class="PlaygroundEditorTheme__paragraph" style="text-align: justify;">आता पुढे काय होणार? संभाव्य राजकीय समीकरणे</p> <p class="PlaygroundEditorTheme__paragraph" style="text-align: justify;">1. नेतान्याहूंचा गड धोक्यात, विरोधकांचे पारडे जड निवडणूक पूर्व कलांनुसार नेतान्याहू यांच्या 'लिकुड' पक्षाला केवळ १९ जागा मिळण्याचा अंदाज असून माजी लष्करप्रमुख गादी आयझनकोट यांचा गट २१ जागांसह आघाडीवर दिसतो आहे. नफ्ताली बेनेट आणि याईर लापिड यांच्या 'बी अख्खाद' युतीने कडवे आव्हान उभे केल्याने नेतान्याहू विरोधी गटाला स्पष्ट आघाडी मिळण्याची शक्यता निर्माण झाली आहे.</p> <p class="PlaygroundEditorTheme__paragraph" style="text-align: justify;">2. दोन्ही आघाड्यांमध्ये ५०-५२ जागांची चुरस, सत्तास्थापनेचा तिढा अटळ नेतान्याहू समर्थक आणि नेतान्याहू विरोधी या दोन्ही प्रमुख आघाड्या ५० ते ५२ जागांच्या आसपास अडकण्याचा अंदाज आहे. त्यामुळे कोणत्याही एका आघाडीला थेट ६१ जागा मिळणे कठीण दिसते.</p> <p class="PlaygroundEditorTheme__paragraph" style="text-align: justify;">3. अरब आणि लहान पक्ष ठरणार 'किंगमेकर' सुमारे १३ जागा जिंकण्याची क्षमता असलेले अरब पक्ष (ज्यात 'राम' पक्षाचा समावेश आहे) आणि अविगदोर लिबरमन यांचा 'इस्रायल बेतेन्यू' पक्ष सरकार स्थापनेत निर्णायक ठरतील. अरब पक्षांचा पाठिंबा कोणाला मिळतो किंवा ते तटस्थ राहून कोणाचा मार्ग सुकर करतात, यावर सरकारचे अस्तित्व ठरेल.</p> <p class="PlaygroundEditorTheme__paragraph" style="text-align: justify;">4. निकालानंतर १ ते २ महिन्यांचे वाटाघाटी पर्व मतदान पार पडल्यानंतर प्रत्यक्षात नवे सरकार अस्तित्वात येण्यासाठी किमान १ ते २ महिन्यांचा कालावधी लागू शकतो. आघाडी तोडणे, मंत्रिपदांची वाटणी आणि अंतर्गत अटी यांवरून तीव्र राजकीय सौदेबाजी पाहायला मिळेल.</p> <p class="PlaygroundEditorTheme__paragraph" style="text-align: justify;"><strong>निवडणुकीचे कळीचे मुद्दे आणि अंतिम परीक्षा</strong></p> <p class="PlaygroundEditorTheme__paragraph" style="text-align: justify;"><strong>सुरक्षा आणि युद्धाचे सावट:</strong> ७ ऑक्टोबर २०२३ च्या हमास हल्ल्यानंतर भडकलेले युद्ध, सक्तीची लष्करी सेवा, राखीव सैनिकांचे (Reservists) योगदान आणि बंधकांची सुटका हे मतदारांच्या मनातील सर्वात मोठे भावनिक मुद्दे आहेत.</p> <p class="PlaygroundEditorTheme__paragraph" style="text-align: justify;">आर्थिक स्थैर्य: युद्धाच्या झळा सोसूनही इस्रायलची अर्थव्यवस्था मजबूत राहिली असून दरडोई उत्पन्न ५० ते ७० हजार डॉलर्सच्या घरात टिकून आहे. मात्र अंतर्गत राजकीय स्थैर्यासाठी जनतेला नवा चेहरा हवा की जुनाच अनुभवी नेता, हा खरा पेच आहे.</p> <p class="PlaygroundEditorTheme__paragraph" style="text-align: justify;">नेतान्याहू यांच्या संपूर्ण राजकीय कारकिर्दीची ही अंतिम परीक्षा ठरणार असून, इस्रायलची जनता त्यांना पुन्हा संधी देणार की गादी आयझनकोट-बेनेट-लापिड यांच्या हाती देशाची सूत्रे सोपवणार, याचा फैसला आता काही दिवसांतच होणार आहे.</p> <p class="PlaygroundEditorTheme__paragraph"><strong>इतर महत्वाच्या बातम्या</strong></p> <ul> <li class="abp-article-title"><strong><a href="https://marathi.abplive.com/news/world/israel-elections-2026-free-travel-including-on-israel-railways-on-election-day-how-are-elections-conducted-in-israel-using-ballots-all-details-in-marathi-1443650">Israel Elections 2026: निवडणुकीच्या दिवशी इस्रायल रेल्वेसह मोफत प्रवास; मतपत्रिकांवर कशी पार पडते इस्रायलची निवडणूक? जाणून घ्या संपूर्ण प्रक्रिया</a></strong></li> </ul>