<p style="text-align: justify;"><strong>Jitendra Awhad on Gyanesh Kumar:</strong> केंद्रीय निवडणूक आयोगात (Election Commission of India) मुख्य निवडणूक आयुक्त ज्ञानेश कुमार (Gyanesh Kumar) आणि त्यांचे सहकारी निवडणूक आयुक्त सुखबीर सिंग संधू (Sukhbir Singh Sandhu) व विवेक जोशी (Vivek Joshi) यांच्यातील अंतर्गत मतभेदांमुळे नवा वाद निर्माण झाला आहे. गेल्या दहा महिन्यांत दोन्ही आयुक्तांनी ज्ञानेश कुमार यांच्या काही निर्णयांवर तब्बल 14 वेळा लेखी आक्षेप नोंदवले असल्याची माहिती समोर आली असून नवीन मतदारांची नोंदणी, मतदार यादीतून नावे वगळणे आणि ती पुन्हा समाविष्ट करण्याच्या प्रक्रियेवर तसेच एसआरएच्या (SRA) मुद्द्यावरून फॉर्म-6 मधील सुधारणांवर विरोध दर्शवण्यात आला आहे. या संपूर्ण प्रकारानंतर विरोधी पक्ष आक्रमक झाले असून राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड (Jitendra Awhad) यांनी मुख्य निवडणूक आयुक्त ज्ञानेश कुमार यांच्यावर घणाघाती टीका करत त्यांचा थेट निषेध नोंदवला आहे.</p>
<p style="text-align: justify;">पत्रकार परिषदेत बोलताना आमदार जितेंद्र आव्हाड म्हणाले की, "ज्ञानेश कुमार हे चपला उचलणारे आयुक्त झाले नसते... राष्ट्रद्रोह केला आहे, ज्ञानेश कुमार यांनी केला. <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ातला सत्ता बदल राजीव कुमार यांनी केला. एसआयआर हा स्कॅम (Scam) आहे. निवडणूक आयोग हा चोर आहे. चोर समोर दिसतोय पुढच्या चोऱ्या थांबण्यासाठी चोर पकडणं गरजेचे आहे. फॉर्म नंबर 6 मध्ये बदल करण्यात आले. लोकशाही जिवंत ठेवायला जनतेने आवाज उठवावा. ज्ञानेश कुमार यांना हाकलून देण्यात यावे. तृतीय पंथीयांची नावेच नोंदवली जात नाही, त्यांना मतदानाचा अधिकार नाही. ज्ञानेश कुमार यांना कोणी तरी दुसरंच ऑपरेट करतंय, असा आरोप त्यांनी केला. </p>
<p style="text-align: justify;">जितेंद्र आव्हाड पुढे म्हणाले की, एसआयआर फॉर्मबाबत सर्वांनी अशीच भूमिका घ्यावी. रस्त्यावरती उतरावे. ज्ञानेश कुमार हा हलकट, लोचट अधिकारी आहे. राजीव कुमार हा लोचट अधिकारी नसता तर शरद पवार यांच्या हातून राष्ट्रवादी पक्ष गेला नसता. पक्षाचं नाव लावून तसेच क्लार्क म्हणून काम करतात. आयटी डिपार्टमेंटमध्ये येतेच कशी? निवडणूक आयोग कोणाच्या हाताच खेळणं झालंय हे दुर्भाग्य आहे," अशी टीका त्यांनी केली. </p>
<p style="text-align: justify;">आपला संताप व्यक्त करताना आमदार जितेंद्र आव्हाड यांनी थेट फॉर्म नंबर 6 (Form Number 6) फाडून केंद्रीय निवडणूक आयोगाचा आणि मुख्य निवडणूक आयुक्त ज्ञानेश कुमार यांचा जोरदार निषेध नोंदवला. मुख्य निवडणूक आयुक्त कोणाच्या तरी दबावाखाली काम करत असल्याचा आरोप करत त्यांनी लोकशाही वाचवण्यासाठी जनतेने रस्त्यावर उतरावे असे आवाहन केले आहे. या अंतर्गत वादानंतर आणि विरोधी पक्षांच्या आक्रमक भूमिकेनंतर आता मुख्य निवडणूक आयुक्तांवर महाभियोग चालवण्याची मागणी जोर धरू लागली आहे.</p>
<h3 style="text-align: justify;"><strong>राज्य आणि देश-विदेशातील महत्त्वाच्या बातम्या; पाहा व्हिडीओ</strong></h3>
<p><iframe title="YouTube video player" src="https://www.youtube.com/embed/a5B0FhXuLoY?si=MsmZ4Ga56splxC0K" width="560" height="315" frameborder="0" allowfullscreen="allowfullscreen"></iframe></p>
<p style="text-align: justify;"><strong>आणखी वाचा </strong></p>
<p class="abp-article-title"><strong><a href="https://marathi.abplive.com/news/politics/raj-thackeray-stated-election-commissioner-gyanesh-kumar-should-resign-from-the-election-commission-of-india-marathi-news-1440071">Raj Thackeray On ECI Gyanesh Kumar: ज्ञानेशकुमारांच्या राजीनाम्याशिवाय आता पर्याय नाहीच; राज ठाकरेंची धडधडीत पोस्ट, शेवटच्या वाक्याने लक्ष वेधलं!</a></strong></p>
1 month ago
3 
