<p>गेल्या अनेक दिवसांपासून राज्यात पावसाने दडी मारली आणि त्यामुळे शेतकऱ्यांच्या पिकांचे मोठे नुकसान झाले. शेतकरी मोठ्या प्रमाणात अडचणीत सापडला, त्यापार्श्वभूमीवर आता सरकारने आज महत्वाचा निर्णय घेतला. राज्यात दुष्काळ जाहीर करण्यात आला. पण आता शेतकऱ्यांना याचा काय फायदा होणार, किती तालुक्यांमध्ये हा दुष्काळ जाहीर झाला? हे आपण जाणून घेणार आहोत..</p>
<p>राज्य सरकारने आज राज्यातील 358 पैकी 265 तालुक्यात दुष्काळ जाहीर केलाय. 26 सप्टेंबरला काढण्यात आलेल्या या जीआरनुसार 265 तालुक्यांमध्ये Trigger-1 लागू झालाय... राज्य सरकारच्या या जीआरमुळे दुष्काळाच्या पार्श्वभूमीवर योग्य त्या उपाययोजना देखील तात्काळ सुरु करण्यात येतील... </p>
<p>यासोबतच शेतकऱ्यांच्या खात्यावर तात्काळ मदत जमा करण्याचा मार्ग मोकळा झालाय... यामध्ये शेतीशी निगडित कर्जाच्या वसुलीला स्थगिती, पीक कर्जाचे पुनर्गठन, कृषीपंपाच्या चालू वीजबिलात सूट, शेतीपंपाची वीजजोडणी खंडित होणार नाही यासारख्या प्रमुख उपाययोजनांचा समावेश आहे. </p>
1 month ago
3 
