Manoj Jarange Beed: मनोज जरांगे मुंबईत येणार नाहीत; डंके की चोट पे! एक गुपित सांगतो...; मनोज जरांगेंच्या मुंबई दौऱ्यावर सदावर्तेंची प्रतिक्रिया, नेमकं काय म्हणाले?

<p style="text-align: justify;">Manoj Jarange Beed: मराठा आरक्षणाच्या आंदोलनासाठी मुंबईच्या दिशेने निघालेल्या मनोज जरांगे पाटील यांच्या उपोषणाचा 19वा दिवस आहे. उपोषणामुळे मनोज जरांगेंची (Manoj Jarange Patil) प्रकृती प्रचंड खालावली आहे. मनोज जरांगे पाटील आज (बुधवारी सकाळी 11 वाजता) पाटोद्याहून पुढच्या मुक्कामाला म्हणजे श्रीगोंद्याला रवाना होणार होते. मात्र, आज सकाळपासून मनोज जरांगे यांची प्रकृती प्रचंड खालावली आहे. त्यामुळे मनोज जरांगे पाटील अजूनही झोपून आहेत. त्यांना जागेवरुन हलणेही अशक्य झाले आहे. त्यामुळे आज मनोज जरांगे पाटील पुढच्या मुक्कामला निघणार की <a title="बीड" href="https://marathi.abplive.com/beed" data-type="interlinkingkeywords">बीड</a>च्या (Beed news) पाटोद्यातच आराम करणार, याबाबत संभ्रम निर्माण झाला आहे. (Maratha Reservation) तर दुसरीकडे पोलिसांनी अद्याप मनोज जरांगेंच्या आझाद मैदानावरील आंदोलनाला परवानगी दिलेली नाही, अशातच जरांगे मुंबईत येणार नाहीत असं वक्तव्य अ&zwj;ॅड. गुणरत्न सदावर्ते यांनी केलं आहे.</p> <p style="text-align: justify;">मनोज जरांगेंच्या मुंबई दौऱ्याबाबत बोलताना गुणरत्न सदावर्ते बोलताना म्हणाले की, "जरांगे मुंबईत येणार नाहीत, डंके की चोट पे! एक गुपित सांगतो... जरांगे खूप शहाणा आहे. माल मोजून झाला की मुंबईला यायचंच नाही! आजारपण हे तर फक्त एक निमित्त आहे. रियॅलिटी शोच्या डायरेक्टर आणि प्रोड्युसरने आता हात वर केले आहेत. हा तर जनतेच्या सेन्सॉरचा आणि सदावर्तेंच्या हंटरचा करिश्मा आहे. गुपित सांगतो... जरांगेला कोर्टात यायचं नाहीये, फक्त न्यूज मीडियामध्ये बातम्या पसरावयाच्या आहेत. एक गुपित सांगतो... जरांगेंना मुंबईला यायचंच नाहीये, असंही पुढे सदावर्तेंनी म्हटलं आहे.</p> <h2 style="text-align: justify;"><strong>Manoj Jarange Beed: मनोज जरांगेंची प्रकृती खालावली</strong></h2> <p style="text-align: justify;">काही वेळापूर्वीच पाटोद्यात डॉक्टरांनी मनोज जरांगे पाटील यांची तपासणी केली. जरांगे यांनी उपचार न घेतल्यास परिस्थिती गंभीर होऊ शकते, असे डॉक्टरांनी म्हटले. आम्ही उपचार घेण्याची विनंती केली. पण मनोज जरांगे ऐकायला तयार नाहीत. मनोज जरांगे यांनी उपचार घ्यायला हवेत, असे &nbsp;जिल्हा शल्य चिकित्सक डॉ. सतीश सोळंके यांनी म्हटले. मनोज जरांगे यांची प्रकृती आम्ही तपासली. त्यांचा रक्तदाब आणि शुगरची पातळी खालवाली आहे. आम्ही आता जरांगेंना सलाईन लावली आहे. मनोज जरांगे यांच्या शरीरात आणखी डिडायड्रेशन झाले तर गंभीर परिणाम होऊ शकतात. त्यांचा युरिन रिपोर्ट पाहून पुढचा निर्णय घेतला जाईल. त्यांना रुग्णालयात दाखल करण्याची गरज आहे. आम्ही त्यांना विनंती करुन बघू. त्यांना फक्त सलाईन लावून <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a>पर्यंत जाता येणार नाही. ते गंभीर डिहायड्रेशनच्या लेव्हलच्या जवळ पोहोचले होते, असेही डॉक्टरांनी सांगितले.</p> <h2 style="text-align: justify;"><strong>Manoj Jarange Beed: आंदोलन करणाऱ्या मराठा आंदोलकांची पोलिसांनी माहिती मागितली</strong></h2> <p style="text-align: justify;">आझाद मैदानात आंदोलन करणाऱ्या मराठा आंदोलकांची पोलिसांनी माहिती मागितली आहे. जे 50 आंदोलक आंदोलन करणार आहे, त्यांचे कॉन्टॅक्ट नंबर आणि डिटेल्स पोलिसांनी मागवले आहेत. त्याचबरोबर हे ५० आंदोलक हे कोणत्या वाहनातून येणार आहे, त्या वाहनांची डिटेल्स ही पोलिसांनी मागितली आहे. आंदोलनाला कोण पन्नास लोक असणार हे मनोज जरांगे पाटील ठरवणार आहेत, त्यानंतर आझाद मैदान पोलीस स्टेशनला ही सर्व माहिती दिली जाणार, &nbsp;ही माहिती दिल्यानंतर पोलीस आंदोलनाला परवानगी देणार की नाही याकडे सर्वांचे लक्ष लागलं आहे.</p> <p><iframe title="YouTube video player" src="https://www.youtube.com/embed/19bDAJ622Vo?si=FX7BxY-rnrWJaPeh" width="560" height="315" frameborder="0" allowfullscreen="allowfullscreen"></iframe></p>