<p style="text-align: justify;">मुंबई : मराठा आरक्षणासाठी गेल्या 19 दिवसांपासून मनोज जरांगे (Manoj Jarange) यांनी उपोषण सुरू केले आहे. सरकार आणि जरांगे यांच्या चर्चेच्या अनेक फेऱ्या झाल्या, परंतु तोडगा निघू शकला नाही. 12 सप्टेंबर रोजी झालेल्या बैठकीत मुंबईत आझाद मैदानावर आंदोलन करण्याचा निर्णय झाला. त्याप्रमाणे काल (मंगळवारी, ता 15) मनोज जरांगे यांनी सकाळी 11 वाजता आंतरवालीतून मुंबईकडे प्रस्थान केले. आंतरवालीतून निघताना मनोज जरांगे (Manoj Jarange) यांना अश्रू अनावर झाले. जरांगे यांची पत्नी, मुलगा आणि मुलीलाही यावेळी भावना अनावर झाल्या. तर अंतरवाली सराटी येथून मुंबईच्या दिशेने रवाना झाले आहेत. अंतरवालीतून निघताना त्यांचा परिवार अत्यंत भावूक झाल्याचे पाहायला मिळाले. निरोप घेताना जरांगे यांच्या पत्नीने त्यांना अश्रू अनावर होऊन मिठी मारली. या अत्यंत भावूक क्षणाचा व्हिडिओ सध्या सोशल मीडियावर तुफान व्हायरल झाला आहे.(Manoj Jarange) </p>
<p style="text-align: justify;">आज जरांगेंच्या उपोषणाचा 19 वा दिवस आहे. दिवसांच्या उपोषणामुळे मनोज जरांगे यांची प्रकृती खालावली आहे. छत्रपती शिवाजी महाराज, ग्रामदेवतेचे दर्शन घेतल्यानंतर महिलांनी औक्षण करून मनोज जरांगे यांना निरोप दिला. सर्व मागण्या जोपर्यंत मान्य होत नाहीत, तोपर्यंत माघार नाही. मराठा समाजासाठी एकवेळ मरण पत्करेन, पण सरकारला शरण जाणार नाही, अशी स्पष्ट भूमिका यावेळी जरांगे यांनी व्यक्त केली. तर जरांगेंना निरोप देण्यासाठी मराठा समाज आणि समर्थक एकवटले होते, त्यावेळी जमलेल्या महिलांना देखील अश्रू अनावर झाले.(Manoj Jarange) </p>
<h2 style="text-align: justify;"><strong>Manoj Jarange Patil : बीडमध्ये रात्री 2 वाजता मनोज जरांगेंच्या सभेसाठी जमली गर्दी</strong></h2>
<p style="text-align: justify;"> मराठा आरक्षणाच्या मागणीसाठी उपोषण करत <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a>च्या दिशेने निघालेले मनोज जरांगे पाटील यांचा रात्रीचा मुक्काम <a title="बीड" href="https://marathi.abplive.com/beed" data-type="interlinkingkeywords">बीड</a> जिल्ह्यातील पाटोदा येथे झाला. नियोजित वेळेपेक्षा उशीर झाल्यानंतर ते रात्री साधारण दीड वाजण्याच्या सुमारास पाटोद्यात दाखल झाले. मात्र, उशीर होऊनही जरांगे पाटील यांना ऐकण्यासाठी पाटोदा परिसरातून हजारो मराठा बांधव आणि महिला मोठ्या संख्येने उपस्थित होत्या.</p>
<h2 style="text-align: justify;"><strong>Manoj Jarange Patil : माझा समाज कोणतेही सरकार पाडू शकतो. दुसरे सरकार आणू शकतो.</strong></h2>
<p style="text-align: justify;">ऐरवी तुमच्या समोर खाण खाण बोलत असतो पण आता बोलता येत नाहीये. आपल्यासाठी समाज फार महत्वाचा आहे. आपल्यासाठी कोणी नाही हे लक्षात ठेवा. आपला समाज आपल्याला मोठा करायचा आहे. माझी सगळ्यांना विनंती आहे. लढायचे शिका. बाकी सगळ्याचे लेकरं AC मध्ये बसले आहेत. मी चांगल्या चांगल्याला जेरीस आणतो. मी घाबरला नाही आणि खचलोही नाही. माझ्या समाजाच्या लेकरा बाळासाठी लढताना शरीर थकले असेल, पण तुमच्यासाठी मी सरकारला अंगावर घेतले आहे. आपण कधीच कोणापुढे हतबल होऊ शकत नाही. सरकारला वाटते, मी त्यांना शरण यावे. पण मागणी सोडून देऊ? सरकार पेक्षा माझा समाज बाप मोठा आहे. माझा समाज कोणतेही सरकार पाडू शकतो. दुसरे सरकार आणू शकतो. मी मरेल पण तुम्हाला मान खाली घालू देणार नाही. असा एल्गार देखील मनोज जरांगे यांनी यावेळी बोलताना व्यक्त केला.</p>
<p style="text-align: justify;"> </p>
<p style="text-align: justify;"> </p>
<p><iframe title="YouTube video player" src="https://www.youtube.com/embed/6TTdrXo-2zA?si=XauTmUUdbfr-ZaPs" width="560" height="315" frameborder="0" allowfullscreen="allowfullscreen"></iframe></p>
1 month ago
4 
