<p style="text-align: justify;">जालना : मराठा आरक्षण आंदोलनासाठी मुंबईला जाण्यासाठी मनोज जरांगे पाटील (Manoj Jarange Patil) यांनी मार्ग जाहीर केला आहे. आपला पहिला मुक्काम बीड जिल्ह्यातील पाटोद्यात होणार आहे. 16 सप्टेंबरचा दुसरा मुक्काम अहिल्यानगरमधील श्रीगोंद्यात होणार आहे. तिसरा मुक्काम पुण्यातील हडपसरमध्ये होणार आहे. पुण्यातून कोणत्याही रस्त्यानं गेल्यानं मुंबईला जावं लागतं. चौथा मुक्काम खोपोलीमध्ये होणार आहे, ते रायगड जिल्ह्यात आहे. खोपोली किंवा कोपरखैरणे यात चर्चा सुरु आहे. मात्र, खोपोली फायनल धरा, त्यानंतर आझाद मैदानात आमरण उपोषण केलं जाईल.(Manoj Jarange Patil)</p>
<h2 style="text-align: justify;"><strong>Manoj Jarange Patil: मनोज जरांगे कोणत्या मार्गाने मुंबईत पोहोचणार?</strong></h2>
<p style="text-align: justify;">पहिला मुक्काम बीड जिल्ह्यातील पाटोदा येथे आहे, तिथल्या सगळ्या मराठ्यांनी कामाला लागावं.श्रीगोंदा तालुक्यातील सगळ्या मराठा समाजानं, हडपसर आणि <a title="पुणे" href="https://marathi.abplive.com/news/pune" data-type="interlinkingkeywords">पुणे</a> शहर पूर्ण यांनी सगळ्यांनी हडपसरच्या तयारीला लागावं. रायगड जिल्ह्यातील आणि <a title="नवी मुंबई" href="https://marathi.abplive.com/navi-mumbai" data-type="interlinkingkeywords">नवी मुंबई</a>तील खोपोली आणि कोपरखैरणे येथील बांधवांनी कामाला लागावं. पाचव्या दिवशी सकाळी 10 वाजता आझाद मैदानला आमरण उपोषण सुरु करतोय.</p>
<p style="text-align: justify;">आपण ज्या मार्गानं जाणार आहे त्या मार्गावर म्हणजेच अंतरवाली- शहागड- गेवराई -<a title="बीड" href="https://marathi.abplive.com/beed" data-type="interlinkingkeywords">बीड</a>-मांजरसुभा- लिंबा गणेश मार्गे पाटोदा या रस्त्यावरुन जे मराठा बांधव मुंबईसाठी चाललेत ते मराठा समाजाच्या अस्तित्वासाठी चालले आहेत. आम्ही ज्या रस्त्यावरुन मुंबईला चाललोय, त्या मार्गावर जे मुंबईला येणार नाहीत त्यांनी आशीर्वाद द्यायला, वाटेला लावण्यासाठी यावं. समाजासाठी एक दिवस काढून आम्हाला आशीर्वाद देऊन माघारी घरी जावं.</p>
<h2 style="text-align: justify;"><strong>Manoj Jarange Patil: चिखलानं पाय भरले असले तरी शेतातून पळत या</strong></h2>
<p style="text-align: justify;">जी तारीख सांगणारे त्या तारखेला रस्त्यावर या. जी तारीख सांगितली त्या तारखेला काम बंद, नोकरी व्यवसाय बंद, तुमच्या अंगात मराठ्यांचं रक्त खेळतंय असं वागा. चिखलानं पाय भरले असले तरी शेतातून पळत या, आम्ही चाललेल्या मार्गावर आपल्या मुंबईला जाणाऱ्या लेकराला आशीर्वाद द्यायला रस्त्यावर या.</p>
<h2 style="text-align: justify;"><strong> Manoj Jarange Patil: गेल्यावेळी मराठे शांततेत मुंबईत आले होते आणि परत गेले होते</strong></h2>
<p style="text-align: justify;"><a title="देवेंद्र फडणवीस" href="https://marathi.abplive.com/topic/devendra-fadnavis" data-type="interlinkingkeywords">देवेंद्र फडणवीस</a> साहेब मराठ्यांना आडवू नका आणि ते अडवणार नाहीत, मला खात्री आहे. त्यांना माहिती आहे, गेल्यावेळी मराठे शांततेत <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a>त आले होते आणि परत गेले होते. ते मराठ्यांच्या रोष अंगावर घेणार नाहीत. त्यांनी अडवलं तर त्यांना माहिती आहे, मराठ्यांचं अख्खं मतदान तुटेल आणि ते मतदान तुटलं तर सरकार पडलं. ते रस्त्यावर पोलिसांना अडवायला सांगणार नाहीत आणि आझाद मैदानातील उपोषणही रोखणार नाहीत. एखाद्या पोलिसाने शहाणपणा केला तर.. काहीतरी कलेक्टर सरकारपेक्षा मोठे असतात. त्यांना मी नंतर फासा टाकतो नंतर. माघारी आल्यावर टाकतो.</p>
<p><iframe title="YouTube video player" src="https://www.youtube.com/embed/L1V3mdvPuAI?si=iXkGN2GySQ7Ujqds" width="560" height="315" frameborder="0" allowfullscreen="allowfullscreen"></iframe></p>
1 month ago
4 
