<p style="text-align: justify;"><strong>Rohit Pawar :</strong> महाराष्ट्र लोकसेवा आयोगाचे अध्यक्ष विवेक भीमनवार यांच्या राजीनाम्याच्या मागणीच्या मुद्यावरुन राज्यातील वातावरण चांगलच तापल्याचं चित्र पाहायला मिळत आहे. या प्रकरणावरुन राष्ट्रवादी शरद पवार गटाचे आमदार रोहित पवार चांगलेच आक्रमक झाल्याचं पाहायला मिळत आहे. MPSC आयोगाच्या अध्यक्षांच्या राजीनाम्यासाठी रोहित पवाराकडून आंदोलनाची घोषणा करण्यात आली आहे. येत्या 26 तारखेला पुण्यात विद्यार्थ्याचं आंदोलन होणार आहे. दरम्यान, गणेशोत्सवाचे कारण देत 26 तारखेला होणाऱ्या आंदोलनाला पुणे पोलिसांनी परवानगी नाकारली आहे. कोणालाही आंदोलन आणि मोर्चे काढण्याची परवानगी देत नसल्याची माहिती पुणे पोलिसांनी दिली आहे. दरम्यान, यानंतर रोहित पवारांनी देखील प्रतिक्रिया जिली आहे. </p>
<p style="text-align: justify;">आंदोलनाचे स्थळ हे गर्दीचे असल्यामुळे आम्ही परवानगी देऊ शकत नाही असे स्पष्टीकरण पुणे पोलिसांनी रोहित पवारांना दिल आहे. पुण्यातील शास्त्री रोडवर आंदोलन करण्याची परवानगी मिळावी, अशी मागणी रोहित पवारांनी केली होती. मात्र, शास्त्री रोड परिसरात कलम 163 लागू असल्यामुळे परवानगी देता येणार नाही असे सांगण्यात आले. एमपीएससी आयोगाच्या अध्यक्षांच्या राजीनाम्यासाठी रोहित पवारांकडून आंदोलनाची घोषणा करण्यात आली आहे. </p>
<h2 style="text-align: justify;"><strong>नेमकं काय म्हणाले रोहित पवार? </strong></h2>
<p style="text-align: justify;">26 तारखेला विद्यार्थी आंदोलन करणार होते. एमपीएससी आयोगाच्या अध्यक्षांचा राजीनामा ही विद्यार्थ्यांची मागणी आहे. तुकाराम मुंढे आणि सुनील गेडाम यांना आयोगाचे अध्यक्ष करा अशी विद्यार्थ्यांची मागणी असल्याचे पवार म्हणाले. ऑफलाईन परीक्षा घेण्याची मागणी देखील विद्यार्थ्यांनी केली आहे. गणेशोत्सव काळात आंदोलन करायला नको अशी विद्यार्थ्यांची भूमिका आहे. 26 तारखेला आंदोलन करता येणार नाही असं पुणे पोलिसांनी आज सांगितल्याचे पवार म्हणाले. <a title="पुणे" href="https://marathi.abplive.com/news/pune" data-type="interlinkingkeywords">पुणे</a> पोलिसांनी आंदोलनाला अजून परवानगी दिली नाही. आम्ही 27 तारखेला सकाळी दहा वाजता गरवारे रोडवर आंदोलन करणार म्हणजे करणार अशी भूमिका रोहत पवारांनी घेतली आहे. मात्र त्यापूर्वी सरकारला जर वाटलं, आमच्या 15 विद्यार्थ्यांच्या शिष्टमंडळासोबत चर्चा करावी तर ते करु शकतात. <br />विद्यार्थ्यांमध्ये कुठलाही गट पडलेला नाही असेही पवार म्हणाले. </p>
<h2 style="text-align: justify;"><strong>आंदोलन दडपण्याचा प्रयत्न केला जातोय</strong></h2>
<p style="text-align: justify;">मुख्यमंत्र्यांसोबत जे शिष्टमंडळ चर्चेला गेले होते त्यामध्ये क्लासवाले होते, फसवून त्यांना घेऊन गेले आहेत असेही रोहित पवार म्हणाले. 70 ते 80 विद्यार्थ्यांना नोटीसा गेल्या आहेत. आंदोलन दडपण्याचा प्रयत्न केला जात असल्याचे रोहित पवार म्हणाले. आमचं आंदोलन असणार आहे ती किती दिवस चालेल हे माहित नाही, ठिय्या आंदोलन असणार आहे असं रोहित पवार म्हणाले. काही विद्यार्थी उपोषण करण्याच्या तयारीत आहेत. सरकारने आंदोलनाआधी विद्यार्थ्यांशी चर्चा करावी असेही ते म्हणाले. </p>
<h2 style="text-align: justify;"><strong>महाराष्ट्र लोकसेवा आयोगाचे अध्यक्षांविरोधातील पुरावे आम्ही मुख्यमंत्र्यांना देणार </strong></h2>
<p style="text-align: justify;"><a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> लोकसेवा आयोगाचे अध्यक्ष विवेक भीमनवार यांच्या विरोधातली पुरावे आम्ही मुख्यमंत्र्यांना देणार असल्याचे रोहित पवारम्हणाले. आमच्या पाचही मागण्या मान्य केल्या तर तुमचा जाहीर सत्कार आम्ही करु असे ते म्हणाले. पेपर फुटीच्या आधी राधा समिती स्थापन झाली आहे, राधा मॅडम बोलत असतील टप्प्याटप्प्याने आम्ही ऑनलाईन परीक्षा घेणार, यावर विद्यार्थी चिडले आहेत. 70 हजारांची भरती प्रक्रिया सुरू करा अशी विद्यार्थ्यांची मागणी आहे. राहुल गांधी यांना आंदोलनात सहभागी होण्यासाठी आम्ही विनंती करणार आहोत. ते देखील आंदोलनाला येऊ शकतील. त्यामुळं आंदोलन होण्यापूर्वी सरकारने निर्णय घ्यावा असे रोहित पवार म्हणाले. </p>
<p style="text-align: justify;"> </p>
1 month ago
3 
