<p class="PlaygroundEditorTheme__paragraph" style="text-align: justify;"><strong><span class="transliteration">Nagpur Crime News: </span></strong>मुलींचे खास करून लहान शाळकरी मुलींचे शिक्षण अबाधितपणे व्हावे, त्यांना शिक्षणासाठी सुरक्षित वातावरण मिळावे, यासाठी शासन - प्रशासनाकडून प्रयत्न केले जातात. मात्र नागपुरात एका 10 वर्षीय चिमुकलीचे शिक्षण गेल्या एक महिन्यापासून फक्त यामुळे थांबले आहे, कारण शिकवणी वर्गातून येता जाता तिची छेड काढणाऱ्या आणि विरोध केल्यास तिला व तिच्या 8 वर्षीय भावाला मारहाण करणाऱ्या टवाळखोरांना पकडून ठोस कारवाई करण्यात नागपूर पोलीस अपयशी ठरले आहे. या धक्कादायक घटनेची माहिती मिळाल्यानंतर एबीपी माझाने पीडित कुटुंबियांचे म्हणणे जाणून घेतले. शिवाय नागपूर पोलिसांना ही संपर्क <span class="transliteration">केला</span>. <span class="transliteration">या</span> घटनेनंतर आम्हाला पीडित कुटुंबाकडून जेवढी तक्रार मिळाली, तेवढी कारवाई आम्ही केल्याचे नागपूर पोलिसांचे म्हणणे आहे.</p>
<p class="PlaygroundEditorTheme__paragraph" style="text-align: justify;"><strong><span class="transliteration">Nagpur Crime News: नागपुरात</span> <span class="transliteration">नेमकं</span> <span class="transliteration">काय</span> <span class="transliteration">घडलं</span>?</strong></p>
<p class="PlaygroundEditorTheme__paragraph" style="text-align: justify;"><a title="नागपूर" href="https://marathi.abplive.com/news/nagpur" data-type="interlinkingkeywords">नागपूर</a>च्या पाचपावली परिसरात अवघ्या 10 वर्ष वयाची चिमुकली आपल्या लहान भावासोबत संध्याकाळी शिकवणी वर्गातून परत येताना शिकवणी वर्गाच्या परिसरातील चार टवाळखोर मुलं छेड काढायचे. दोघे ही भाऊ बहीण काही ही विरोध करत नाही, हे पाहून हळू हळू हिंमत वाढलेले टवाळखोर मुलीला अंधारात घेऊन जाऊन शरीरावर नको ते स्पर्श करायचे, तिने ओरडण्याचे प्रयत्न केल्यास तोंडात खोलवर हाताची बोटे कोंबून त्रास द्यायचे, मारण्याची धमकी देऊन कोणाला काहीही न सांगण्याची ताकीद द्यायचे. <span class="transliteration">अशातच</span>, ऑगस्ट महिन्यात अनेक दिवस सतत हेच सुरू असल्यामुळे चिमुकलीचे मन शिक्षणातून विचलित होऊ लागले.. ती शिकवणी वर्गाला जाण्यास नकार देऊ लागली.</p>
<p class="PlaygroundEditorTheme__paragraph" style="text-align: justify;"><strong>Nagpur Crime News: लोखंडी पाईप सारख्या काठीने चिमुकली<span class="transliteration">वर</span> <span class="transliteration">हल्ला</span>, पोलीस स्टेशनमध्ये तक्रार, <span class="transliteration">पण</span>...</strong></p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, ऑगस्ट महिन्याच्या दुसऱ्या आठवड्यात शिकवणी वर्गातून परत येताना टवाळखोरांनी पुन्हा तिला अंधारातील गल्लीत नेले, तेव्हा चिमुकलीने विरोध केले. रागाच्या भरात एका टवाळखोराने लोखंडी पाईप सारख्या काठीने चिमुकलीच्या पायावर, कमरेवर <span class="transliteration">आणि</span> <span class="transliteration">इतर</span> <span class="transliteration">ठिकाणी</span> अनेक वार केले. पिडेने विव्हळत चिमुकली कशीतरी घरी पोहोचली. रात्री उशिरा तिच्या शरीरावर मारहाणीचे अनेक व्रण पाहिल्यानंतर तिच्या आईने प्रश्न विचारले. तेव्हा चिमुकली आणि तिच्या भावाने गेल्या अनेक दिवसांपासून सुरू असलेले प्रकार आपल्या आई-वडिलांना सांगितले. पालकांनी घटनेचे गांभीर्य ओळखत त्वरित पोलीस स्टेशनमध्ये तक्रार दिली. पोलिसांनी गुन्हा तर दाखल केला. मात्र, चार पैकी फक्त एका आरोपीलाच अटक केल्याचा पालकांचा आरोप आहे. गेले महिनाभर इतर तीन आरोपी मोकाट असल्यामुळे आणि ते त्याच परिसरात फिरताना दिसत असल्यामुळे पीडित मुलगी आणि तिच्या भावाने महिन्याभरापासून शाळेत जाणेच सोडले आहे.</p>
<p class="PlaygroundEditorTheme__paragraph" style="text-align: justify;"><strong><span class="transliteration">Nagpur Police : पोलिसांचं</span> <span class="transliteration">म्हणणं</span> <span class="transliteration">काय</span>?</strong></p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, पालकांनी धीर दिल्यानंतर 4 सप्टेंबरला पीडित चिमुकली शाळेत गेली असता, शाळेजवळही मोकाट असलेला एक आरोपी फिरताना दिसला. तेव्हा पासून घाबरलेल्या चिमुकलीने पुन्हा शाळेत जाण्यास नकार दिले आहे. त्यामुळे छेडखानीच्या प्रकरणात पोलिसांकडून ठोस कारवाई होत नसल्यामुळे एका चिमुकलीचे शिक्षण सुटल्याची दुर्दैवी घटना नागपुरात समोर आली आहे. याप्रकरणी एबीपी माझा ने पाचपावली पोलिस स्टेशनच्या अधिकाऱ्यांना संपर्क साध<span class="transliteration">ला</span>. पोलिसांनी बाईट देण्यास नकार दिले. पीडित मुलगी आरोपींना ओळखण्यास समर्थ नसल्यामुळे सर्व आरोपींविरोधात कारवाई झाली नाही. घटनेनंतर 14 ऑगस्ट रोजी तक्रार नोंदवताना पीडित मुलगी आणि तिच्या पालकांनी जेवढी माहिती पोलिसांना दिली होती, त्याप्रमाणे कारवाई करण्यात आल्याचे पोलीस अधिकाऱ्यांचे म्हणणे आहे.</p>
<p class="PlaygroundEditorTheme__paragraph" style="text-align: justify;"><strong>इतर महत्वाच्या बातम्या </strong></p>
<p class="abp-article-title"><strong><a href="https://marathi.abplive.com/news/politics/shivsena-mla-sanjay-gaikwads-controversial-remark-on-shweta-mahale-baap-to-baap-rahega-sparks-outrage-case-registered-at-buldhana-city-police-station-on-a-womans-complaint-marathi-news-1438923">Sanjay Gaikwad: 'बाप तो बाप रहेगा, पण बाई बापासारखं शरीर कुठून आणणार?' असं विधान करणे आमदार संजय गायकवाडांना भोवलं; महिलेच्या तक्रारीवरून बुलढाणा शहर पोलिसात गुन्हा दाखल</a></strong></p>
<p><iframe title="YouTube video player" src="https://www.youtube.com/embed/D9ED4EXKW8g?si=tOtqsEyits2scx8X" width="560" height="315" frameborder="0" allowfullscreen="allowfullscreen"></iframe></p>
1 month ago
4 
