<p><strong>Pune Santosh Pandit Marathi News:</strong> पुण्यातील यू-ट्युबर संतोष पंडित (Pune Santosh Pandit) यांची जामीनावर सुटका झाल्यानंतर त्यांनी इथुन पुढेही लोकांच्या समस्या मांडत राहणार असल्याचं म्हटलं. मात्र आपल्या भाषेमध्ये आपण बदल करायला तयार आहोत, असंही संतोष पंडित यांनी एबीपी माझाशी बोलताना सांगितलं. आपण वापरलेल्या अपशब्दांमुळे जर कोणाच्या भावना दुखावल्या गेल्या असतील तर आपण मी जाहीर माफी मागतो. त्याचवेळी तुरुंगात असतानाच्या काळात तुरुंगांची भीषण अवस्थाही निदर्शनास आल्याचं संतोष पंडित म्हणाले.</p>
<p>मी कोठडीत असताना मी पुढे हे सगळं सोडून द्यायचा विचार करत होतो. परंतु मी जेव्हा कारागृहातून बाहेर आलो, तेव्हा सगळ्यांचा प्रतिसाद पाहून मी खूप आनंदी झालो. त्यामुळे आता थांबणार नाही, असं बोलताना संतोष पंडित भावूक झाले. जनतेची साथ जोपर्यंत आहे, तोपर्यंत मी कधीच मागे हटणार नाही, असंही संतोष पंडित यांनी सांगितले. माझ्याकडून काही अपशब्द आले असतील, कोणाचं मन दुखावलं असेल, तर मी मनापासून माफी मागतो, असंही संतोष पंडित यांनी स्पष्ट केलं. मी कोणत्याही राजकीय पक्षाचा नाही. माझा कोणताही राजकीय अजेंडा नाही. मी एक कॉमन मॅन आहे. हातावर मोजण्याइतकी माणसं जर पुढे येऊन समस्यांवर बोलत असतील. त्यांना तुम्ही त्यांना अशा पद्धीतीने दबाव टाकणार असाल, तर हे चुकीचे आहे, असं संतोष पंडित यांनी सांगितले. (Pune Santosh Pandit)</p>
<h2>संतोष पंडित यांनी लॉकअपबाबत महत्वाची गोष्ट सांगितली- (Pune Santosh Pandit Marathi News)</h2>
<p>कारागृहात गेल्यानंतर मला जाणवलं की, अशाच पद्धतीच्या कारवाईने अनेक लोक तुरुंगात सडताय. अनेकजणांनी त्यांच्या व्यवस्था सांगितल्या. येरवडा तुरुंगाची क्षमता दोन ते अडीच हजार लोकांनी आहे. मात्र सध्या जवळपास सात हजार आरोपी त्या तुरुंगात आहेत. तसेच तुम्हाला एक आतली गोष्ट सांगतो. कोथरुड पोलीस स्थानकात माझ्यावर गुन्हा दाखल झाला. परंतु कोथरुड पोलीस स्थानकामध्ये लॉकअप नाहीय. माझ्यासारख्या येवढ्या मोठ्या आरोपीला पोलीस स्थानकमध्ये ठेवण्यासाठी जागा नव्हती. पोलिसांनी पहिल्या दिवशी मला येरवडा तुरुंगात ठेवलं. मग दुसऱ्या दिवशी खडकीमध्ये, तिसऱ्या दिवशी पुन्हा येरवडामध्ये, चौथ्या दिवशी पुन्हा खडकी पोलीस स्थानकातील लॉकअपमध्ये मला ठेवण्यात आले, अशी माहिती संतोष पंडित यांनी एबीपी माझाशी बोलताना सांगितली. </p>
<h2>संतोष पंडित यांच्यावर गुन्हा दाखल का झाला, नेमकं प्रकरण काय? (Santosh Pandit Marathi News)</h2>
<p>संतोष पंडित हे सातत्याने <a title="पुणे" href="https://marathi.abplive.com/news/pune" data-type="interlinkingkeywords">पुणे</a> महानगरपालिकेच्या विकासकामांबाबत, त्यामधील असणाऱ्या त्रुटींबाबतचे व्हिडीओ सोशल मीडियावर पोस्ट करत असतात. काही दिवसांपूर्वी पंडित यांनी राज्याचे उच्च व तंत्रशिक्षण मंत्री चंद्रकांत पाटील यांच्याविरोधात सोशल मीडियावर आक्षेपार्ह आणि शिवराळ मजकूर असलेली व्हिडिओ क्लिप पोस्ट केली होती. मंत्र्यांची जाहीर बदनामी केल्याप्रकरणी डेक्कन पोलिसांनी दोन संशयितांविरोधात विविध कलमांखाली गुन्हा दाखल केला होता. भाजपचे स्थानिक माजी नगरसेवक सुनील पांडे यांनी संतोष पंडित यांच्याविरोधात तक्रार दाखल केली होती. लोकप्रतिनिधी जनतेच्या प्रश्नांना बगल देतात, अशा आशयाचा दावा करत या व्हिडीओमध्ये मंत्र्यांवर थेट टीका करण्यात आली होती. मात्र, केवळ टीका न करता त्यात अत्यंत खालच्या पातळीवर जाऊन शिवीगाळ व असभ्य भाषेचा वापर केल्याचे फिर्यादीत नमूद करण्यात आले होते.</p>
<div id="title-row" class="style-scope ytd-watch-metadata">
<div id="title" class="style-scope ytd-watch-metadata">
<h2 class="style-scope ytd-watch-metadata">Vastav Santosh Pandit : आता नाही थांबणार...संतोष पंडितांना तुरुंगात काय अनुभव आला?, VIDEO:</h2>
<iframe title="YouTube video player" src="https://www.youtube.com/embed/AVIf4upGrbU?si=8qk_1TXX26jpH-pT" width="560" height="315" frameborder="0" allowfullscreen="allowfullscreen"></iframe>
<h2>संबंधित बातमी:</h2>
</div>
</div>
<div id="top-row" class="style-scope ytd-watch-metadata">
<div id="owner" class="item style-scope ytd-watch-metadata">
<p class="abp-article-title"><strong><a href="https://marathi.abplive.com/crime/pune-santosh-pandit-said-i-have-faith-in-the-judicial-system-after-released-on-bail-santosh-pandit-marathi-news-1439480">Pune Santosh Pandit Marathi News: पुण्यातील यू-ट्युबवर संतोष पंडित यांची जामीनावर सुटका; कारागृहातून बाहेर येताच म्हणाले...</a></strong></p>
</div>
</div>
1 month ago
4 
