Sharad Pawar Letter to Devendra Fadnavis: 'महाराष्ट्रात तत्काळ दुष्काळ जाहीर करा'; शरद पवारांचे मुख्यमंत्र्यांना पत्र, नेमकं काय-काय म्हणाले?

<p style="text-align: justify;"><strong>Sharad Pawar Letter to Devendra Fadnavis:</strong> राज्यात अपुऱ्या पावसामुळे (Rainfall) उद्भवलेल्या गंभीर परिस्थितीच्या पार्श्वभूमीवर राष्ट्रवादी काँग्रेस शरदचंद्र पवार पक्षाचे अध्यक्ष आणि माजी केंद्रीय कृषिमंत्री शरद पवार (Sharad Pawar) यांनी महाराष्ट्राचे मुख्यमंत्री देवेंद्र फडणवीस (Devendra Fadnavis) यांना पत्र लिहून तातडीने उपाययोजना करण्याची मागणी केली आहे. राज्यातील सोयाबीन, कापूस, बाजरी, मका, तूर, मूग, उडीद यांसारखी पिके पावसाअभावी करपून गेली असून शेतकरी, शेतमजूर आणि पशुधन मोठ्या संकटात सापडले आहे. यासंदर्भात शरद पवार यांनी देवेंद्र फडणवीस यांना 9 मागण्यांचे पत्र पाठवले आहे.&nbsp;</p> <h3 style="text-align: justify;"><strong>Sharad Pawar Letter to Devendra Fadnavis: शरद पवारांच्या प्रमुख मागण्या काय आहेत?</strong></h3> <p style="text-align: justify;">शरद पवार यांनी पोस्टद्वारे मांडलेल्या 9 प्रमुख मागण्या खालीलप्रमाणे:</p> <p style="text-align: justify;">1) राज्यातील परिस्थितीचे गांभीर्य लक्षात घेता, औपचारिक निकषांची प्रतीक्षा न करता तत्काळ दुष्काळ जाहीर करण्यात यावा. गंभीर परिस्थिती असलेल्या तालुक्यांना तातडीने दुष्काळसदृश परिस्थितीग्रस्त घोषित करून दुष्काळी सवलती लागू करण्यात याव्यात.</p> <p style="text-align: justify;">2) शेतकऱ्यांना हेक्टरी किमान 50 हजार रुपये मदत जाहीर करावी. तसेच, शेतमजूर कुटुंबांना देखील प्रत्येकी 25,000 रु. विशेष मदत देण्यात यावी.</p> <p style="text-align: justify;">3) आर्थिक संकटात सापडलेल्या शेतकऱ्यांना दिलासा देण्यासाठी कर्जमाफी योजनेची तातडीने अंमलबजावणी करून तत्काळ पीककर्ज उपलब्ध करून देण्यात यावे. नियमित कर्जफेड करणाऱ्या शेतकऱ्यांचे प्रोत्साहनपर अनुदान 50 हजारांवरून 1 लाख रुपये करण्यात यावे. तसेच, 2025-26 मध्ये पीककर्ज घेऊन यंदा थकीत झालेल्या शेतकऱ्यांचाही कर्जमाफी योजनेत समावेश करण्यात यावा.</p> <p style="text-align: justify;">4) एक रुपयात पीकविमा योजना पूर्वलक्षी प्रभावाने लागू करून शेतकरी हिताचे पूर्वी वगळलेले सर्व ट्रिगर पूर्वलक्षी प्रभावाने लागू करून शेतकऱ्यांना पीक विम्याचे संरक्षण द्यावे. तसेच, गेल्यावर्षी अवकाळी पावसामुळे झालेल्या नुकसानीसाठी जाहीर करण्यात आलेली हेक्टरी 17 हजार रुपयांची पीकविमा मदतही तत्काळ वितरित करावी.</p> <p style="text-align: justify;">5) दुष्काळसदृश परिस्थिती असलेल्या तालुक्यांमध्ये रोजगार हमी योजनेच्या माध्यमातून विशेष योजना राबवत शेतीसंबंधित, जलसंधारण संबंधित तसेच इतर कामे करून घ्यावीत. फळबागा वाचवण्यासाठी देखील टँकर व्यवस्था सुरू करण्यात यावी.</p> <p style="text-align: justify;">6) पिण्याच्या पाण्याची टंचाई निर्माण झालेल्या गावांचे तत्काळ सर्वेक्षण करून आवश्यकतेनुसार शासकीय टँकर सुरू करावेत. तसेच, या सर्व भागात मागणीनुसार तातडीने चारा छावण्या सुरू कराव्यात. पशुधनासाठी पिण्याचे पाणी आणि आवश्यक पशुवैद्यकीय सेवा उपलब्ध करून द्याव्यात.</p> <p style="text-align: justify;">7) दुष्काळात लोड शेडिंगच्या समस्या वाढत असल्याने विद्युत रोहित्र दुरुस्तीची कामे वेळेत पूर्ण करून घेण्यासाठी ऊर्जाविभागाच्या माध्यमातून विशेष मोहीम राबवण्यात यावी.</p> <blockquote class="twitter-tweet"> <p dir="ltr" lang="mr">अपुऱ्या पावसामुळे निर्माण झालेल्या गंभीर परिस्थितीच्या पार्श्वभूमीवर <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ातील शेतकऱ्यांच्या विविध प्रश्नांकडे लक्ष वेधत, मुख्यमंत्री मा. देवेंद्र फडणवीस यांना पत्राद्वारे तातडीच्या उपाययोजनांची मागणी केली.<br /><br />यंदा राज्यातील बहुतांश भागात पावसाने पाठ फिरवल्याने शेतकरी वर्ग&hellip; <a href="https://t.co/vVneKhV5VP">pic.twitter.com/vVneKhV5VP</a></p> &mdash; Sharad Pawar (@PawarSpeaks) <a href="https://x.com/PawarSpeaks/status/2100774309916778791?ref_src=twsrc%5Etfw">September 18, 2026</a></blockquote> <p style="text-align: justify;"> <script src="https://platform.x.com/widgets.js" async="" charset="utf-8"></script> </p> <p style="text-align: justify;">8) प्रत्येक जिल्ह्यातील पर्जन्यमान, पिकांची स्थिती, पाणीटंचाई, चारा उपलब्धता आणि पशुधनाची स्थिती यावर दररोज देखरेख ठेवण्यासाठी राज्यस्तरीय आणि जिल्हास्तरीय नियंत्रण कक्ष सुरू करावेत.</p> <p style="text-align: justify;">9) दुष्काळसदृश परिस्थितीग्रस्त तालुक्यांतील शाळा, महाविद्यालये आणि इतर शैक्षणिक संस्थांमध्ये दुष्काळ सवलतींमध्ये केवळ परीक्षा शुल्क माफ न करता, शिक्षण घेणाऱ्या विद्यार्थ्यांचे संपूर्ण शैक्षणिक शुल्क माफ करण्याचा निर्णय तातडीने घ्यावा.</p> <p style="text-align: justify;">शेतकरी, शेतमजूर, पशुधन आणि ग्रामीण जनजीवनावर निर्माण झालेल्या या गंभीर परिस्थितीचे गांभीर्य लक्षात घेऊन, वरील मागण्यांवर मुख्यमंत्री महोदय सकारात्मक निर्णय घेत तातडीने आवश्यक उपाययोजना करतील, अशी अपेक्षा शरद पवार यांनी व्यक्त केली आहे.</p> <p><iframe title="YouTube video player" src="https://www.youtube.com/embed/gmKOO7T3cpo?si=zRoe5qmX9XXMjD6s" width="560" height="315" frameborder="0" allowfullscreen="allowfullscreen"></iframe></p> <p style="text-align: justify;"><strong>आणखी वाचा&nbsp;</strong></p> <p class="abp-article-title" style="text-align: justify;"><strong><a href="https://marathi.abplive.com/news/politics/devendra-fadnavis-marathwada-mukti-sangram-din-speech-drought-farmers-30-tmc-water-70-tmc-godavari-river-linking-project-chhatrapati-sambhajinagar-marathi-news-1439371">Devendra Fadnavis: सरकार कुठल्याही परिस्थितीत शेतकऱ्यांना वाऱ्यावर सोडणार नाही, 5 ऑक्टोबरनंतरचे सर्व पंचनामे करू; मराठवाडा मुक्तिसंग्राम दिनी देवेंद्र फडणवीसांचं मोठं आश्वासन</a></strong></p>