<p class="PlaygroundEditorTheme__paragraph" style="text-align: justify;"><strong>Shivsena Uddhav Thackeray UBT Dasara Melava 2026 :</strong> शिवसेना उद्धव बाळासाहेब ठाकरे पक्षाचा (Shivsena UBT) दसरा मेळावा यंदाही दादर येथील ऐतिहासिक शिवाजी महाराज मैदानावर (Chatrapati Shivaji Maharaj Park) <span class="transliteration">अर्थात</span> शिवाजी पार्कवर (Shivaji Maharaj Park) पार पडणार आहे. 20 ऑक्टोबरला होणाऱ्या या मेळाव्यासाठी महापालिकेकडून परवानगी देण्यात आली आहे. त्यामुळे आता लवकरच या मेळाव्याच्या तयारीला सुरुवात होणार <span class="transliteration">असून</span> यंदाच्या पारंपरिक दसरा मेळाव्यासाठी (Dasara Melava 2026) शिवसेना (उद्धव बाळासाहेब ठाकरे) गटाचा मार्ग मोकळा झाला आहे. महापालिकेच्या ‘जी-उत्तर’ विभागाने ठाकरेंच्या (Uddhav Thackeray) सेनेला मेळाव्यासाठी परवानगी दिली आहे. विशेष म्हणजे, यंदा या मैदानासाठी ठाकरेंच्या सेने व्यतिरिक्त इतर कोणत्याही राजकीय पक्षाचा किंवा संघटनेचा अर्ज आला नसल्याने महापालिकेने तत्काळ ही मंजुरी दिली आहे.</p>
<p class="PlaygroundEditorTheme__paragraph" style="text-align: justify;"><strong>Dasara Melava 2026: दसरा मेळाव्यासाठी अन्य कोणताही दावा किंवा अर्ज न आल्यामुळे परवानगी </strong></p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, महापालिकेच्या ‘जी-उत्तर’ विभागाने ठाकरेंच्या सेनेला मेळाव्यासाठी परवानगी दिली आहे. विशेष म्हणजे, यंदा या मैदानासाठी ठाकरेंच्या सेने व्यतिरिक्त इतर कोणत्याही राजकीय पक्षाचा किंवा संघटनेचा अर्ज आला नसल्याने महापालिकेने तत्काळ ही मंजुरी दिली आहे. शिवसेनेच्या स्थापनेपासून शिवाजी पार्कवर दसरा मेळावा घेण्याची प्रदीर्घ परंपरा आहे. यंदाच्या मेळाव्यासाठी ठाकरेंच्या सेनेकडून सुमारे दोन महिन्यांपूर्वीच महापालिकेच्या जी-उत्तर विभागाकडे <span class="transliteration">रि</span>तसर अर्ज दाखल केला होता. दसरा मेळाव्यासाठी अन्य कोणताही दावा किंवा अर्ज न आल्यामुळे प्रशासकीय नियमांनुसार ठाकरेंच्या सेनेला शिवाजी पार्क मैदान वापरण्याची परवानगी देण्यात आली आहे.</p>
<p class="PlaygroundEditorTheme__paragraph" style="text-align: justify;"><strong>Dasara Melava 2026: शिवाजी पार्क मैदानावरील दसरा मेळाव्यावरून प्रचंड राजकीय हायव्होल्टेज ड्रामा</strong></p>
<p class="PlaygroundEditorTheme__paragraph" style="text-align: justify;"><span class="transliteration">तर</span> शिवसेनेत पडलेल्या फुटीनंतर शिवाजी पार्क मैदानावरील दसरा मेळाव्यावरून प्रचंड राजकीय हायव्होल्टेज ड्रामा पाहायला मिळाला होता. <span class="transliteration">परिणामी</span>, दोन्ही गटांकडून मैदानावर दावा सांगण्यात येत असल्याने वाद न्यायालयापर्यंत गेला होता. तसेच इतर काही संघटनाही अर्ज करत असल्याने राजकीय वातावरण चांगलेच ताप<span class="transliteration">लं</span> <span class="transliteration">होतं</span>. मात्र, यंदा कोणताही राजकीय कलगीतुरा न रंगता शांततेत आणि थेट ठाकरेंच्या सेनेला ही परवानगी मिळाली आहे. या मंजुरीमुळे येत्या २० ऑक्टोबर रोजी होणाऱ्या दसरा मेळाव्यात शिवाजी पार्कवर होणार आहे. </p>
<p class="PlaygroundEditorTheme__paragraph" style="text-align: justify;"><strong>इतर महत्वाच्या बातम्या</strong></p>
<p class="abp-article-title"><strong><a href="https://marathi.abplive.com/news/politics/forest-minister-ganesh-naik-indirect-attack-on-eknath-shinde-manoj-jarange-patil-mumbai-maratha-agitation-maharashtra-politics-marathi-news-1438920">Ganesh Naik : बाटलीतली भुतं बाहेर काढल्याने ती आता अंगाशी येतायत, ज्याच्यात ताकद त्यांनीच....; गणेश नाईकांचा एकनाथ शिंदेंवर अप्रत्यक्ष निशाणा</a></strong></p>
<p><iframe title="YouTube video player" src="https://www.youtube.com/embed/u6qFwz9ds8o?si=_YKqY-H9i1TdBcld" width="560" height="315" frameborder="0" allowfullscreen="allowfullscreen"></iframe></p>
1 month ago
4 
