<p><strong>Eknath Shinde In London:</strong> महाराष्ट्राच्या विकासाची क्षमता, गुंतवणुकीच्या संधी आणि जगभरातील मराठी उद्योजकांची ताकद या तीनही बाबींचा संगम घडवून आणण्याची गरज असल्याचे प्रतिपादन उपमुख्यमंत्री एकनाथ शिंदे (Eknath Shinde) यांनी लंडनमध्ये गुंतवणूकदारांशी बोलताना काल केले. महाराष्ट्राच्या विकासासाठी मुख्यमंत्री देवेंद्र फडणवीस यांच्यासमवेत समन्वयाने काम होत असल्याचा संदेश त्यांनी गुंतवणूकदारांसमोर ठेवला. महाराष्ट्रात गुंतवणूक करण्यासाठी जगभरातील उद्योगसमूहांनी पुढे यावे, असे आवाहन करतानाच महाराष्ट्राची वज्रमुठ दाखवा, जगभरातील मराठी माणसांची वज्रमुठ व्हावी, असा मनोदयही एकनाथ शिंदेंनी व्यक्त केला.</p>
<p>पर्यावरणाचे भान ठेऊनच नवा महाराष्ट्र घडविण्याचे काम सुरु असून ‘ग्रीन कॅपिटल’ आणि तंत्रज्ञान घेऊन महाराष्ट्रात गुंतवणूक करा. महाराष्ट्राकडे असलेली मोठी बाजारपेठ, कुशल मनुष्यबळ आणि पायाभूत सुविधांची ताकद यांची सांगड घालून आपण पर्यावरणपूरक विकासाची नवी भागीदारी उभारूया, असे आवाहन याप्रसंगी केले. राज्याचे मुख्यमंत्री देवेंद्र फडणवीस आणि मी महाराष्ट्राला नव्या उंचीवर नेण्यासाठी एक टीम म्हणून काम करत आहोत. देशाच्या जीडीपी आणि निर्यातीत महाराष्ट्राचा मोठा वाटा असून महाराष्ट्राला दक्षिण आशियाची तंत्रज्ञानाची राजधानी बनवण्याच्या दिशेने प्रयत्न सुरू असल्याचेही एकनाथ शिंदेंनी नमूद केले. इलेक्ट्रिक वाहन, बॅटरी तंत्रज्ञान, हरित हायड्रोजन, नवीकरणीय ऊर्जा, फिनटेक, शिक्षण आणि आरोग्य क्षेत्रात ब्रिटिश कंपन्यांसाठी महाराष्ट्रात मोठ्या संधी असल्याचे एकनाथ शिंदेंनी सांगितले.</p>
<h2>सीमा प्रश्नावर ठाम- (Eknath Shinde In London)</h2>
<p>महाराष्ट्र आणि कर्नाटक यांच्यातील सीमावादाचाही संदर्भ यावेळी चर्चेत आला. बेळगावसह सीमाभागातील मराठी भाषिकांच्या प्रश्नाशी महाराष्ट्राची भूमिका जोडलेली असून हा विषय केवळ राजकीय नसून मराठी अस्मितेशी संबंधित असल्याची भूमिका महाराष्ट्रातील सरकारने सातत्याने मांडली आहे असे सांगून उपमुख्यमंत्री शिंदे म्हणाले की महाराष्ट्र-कर्नाटक सीमाप्रश्नावर मराठी भाषिकांच्या हक्कांच्या बाजूने महाराष्ट्र सरकार ठाम आहे आणि याबाबतीत केंद्रीय गृहमंत्री अमित शाह यांच्याशीही चर्चा करणार आहोत</p>
<h2>सरकारमध्ये समन्वय- (Eknath Shinde Marathi News)</h2>
<p>मुख्यमंत्री <a title="देवेंद्र फडणवीस" href="https://marathi.abplive.com/topic/devendra-fadnavis" data-type="interlinkingkeywords">देवेंद्र फडणवीस</a> हे एक कर्तबगार मुख्यमंत्री असून राज्याच्या विकासासाठी त्यांच्याशी संपूर्ण समन्वय ठेवून आम्ही काम करत आहोत असे सांगून उपमुख्यमंत्री एकनाथ शिंदे म्हणाले की, महाराष्ट्राला पुढील काळात मोठ्या प्रमाणावर गुंतवणूक आकर्षित करण्यासाठी सरकारचा भर पायाभूत सुविधा, उद्योग, तंत्रज्ञान आणि रोजगारनिर्मितीवर आहे. ‘नो रिझन ओन्ली डिसिजन‘ म्हणजेच उगाचच कारणं न दाखवता जागीच निर्णय घेण्याची आपली कामाची पद्धत असून त्यामुळे प्रशासनाला वेग आला असल्याचेही उपमुख्यमंत्री म्हणाले</p>
<h2>मराठी उद्योजकांना एकत्र आणणार- (Marathi entrepreneurs together)</h2>
<p>जगाच्या कानाकोपऱ्यात मराठी माणूस उद्योग, व्यवसाय, तंत्रज्ञान आणि विविध क्षेत्रांत काम करत आहे. या सगळ्या शक्तीची एकत्रित ताकद <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ाच्या विकासासाठी वापरली पाहिजे. जगभरातील मराठी माणसांची ‘वज्रमूठ’ बांधण्यासाठी पुढाकार घेण्याची गरज व्यक्त करताना यासाठी एक व्यापक अपेक्स बॉडी उभारण्याच्या दिशेने काम करण्याचे संकेत त्यांनी दिले. याबाबत उद्योगमंत्री उदय सामंत यांच्याशी चर्चा करून पुढाकार घेण्यास सांगणार असल्याचेही त्यांनी स्पष्ट केले.</p>
<h2 class="style-scope ytd-watch-metadata">साहेबांच्या देशात, नव्या वेशात; शिंदेंचा प्रवास थेट ब्रिटन संसदेपर्यंत, VIDEO:</h2>
<p><iframe title="YouTube video player" src="https://www.youtube.com/embed/2DJIQcsuTdk?si=DkgrPKNitz0uCFx3" width="560" height="315" frameborder="0" allowfullscreen="allowfullscreen"></iframe></p>
<h2>संबंधित बातमी:</h2>
<p class="abp-article-title"><strong><a href="https://marathi.abplive.com/news/politics/eknath-shinde-spoke-fluently-in-english-at-britain-s-house-of-lords-the-ladki-bahin-scheme-was-hailed-even-in-london-1438653">ब्रिटनच्या 'हाऊस ऑफ लॉर्ड्स'मध्ये एकनाथ शिंदेचं फाडफाड इंग्रजी; लाडकी बहीण, आई-पत्नीचा उल्लेख, शिवरायांचा जयघोष</a></strong></p>
1 month ago
4 
