Eknath Shinde Nashik: 'आम्ही कितीही राजकारणी असलो तरी राजसत्तेपेक्षा धर्मसत्ता महत्वाची; राष्ट्राच्या रक्षणासाठी धर्म अन् संस्कृतीचा पाया मजबूत हवा' : एकनाथ शिंदे

<p class="PlaygroundEditorTheme__paragraph" style="text-align: justify;"><strong>Eknath Shinde at Nashik Trimbakeshwar:</strong> अध्यात्मिक ऊर्जेचा हा उत्सव आहे. 180 वर्षानंतर त्रिंखंडी योग आलेला आहे. संत आणि समाजाचा हा संवाद आहे. विकासाचा संवाद आहे. राजकारण आणि समाजकारण राष्ट्राच्या रक्षणासाठी धर्म आणि संस्कृतीचा पाया मजबूत असला पाहिजे. तुमच्यात येऊन मला आनंद झाला. संत महांताची पूजन करून मनाला आनंद मिळाला. रुद्राक्षाची माळ घालून आशीर्वाद मला दिला. अनेक संताचे महाराष्ट्रावर संस्कार आहे, त्यांनी आपल्याला माणुसकी शिकवली धार्मिक, आध्यात्मिक अधिष्ठान मोठे असते. त्यामुळे आम्ही कितीही राजकारणी असलो तरी राजसत्ता पेक्षा धर्मसत्ता महत्वाची असल्याचे सांगत राज्याचे उपमुख्यमंत्री एकनाथ शिंदे (Eknath Shinde) यांनी त्र्यंबकेश्वर येथे आयोजित आनंद कुंभ संत संमेलनात उपस्थितांशी संवाद साधला.</p> <p class="PlaygroundEditorTheme__paragraph" style="text-align: justify;">दरम्यान, उपमुख्यमंत्री एकनाथ शिंदे यांनी त्र्यंबकेश्वर येथे आनंद कुंभ संत संमेलनाच्या व्यासपीठावर उपस्थिती लावत 13 आखाड्यातील संत महंतांशी संवाद साधला. यावेळी उपमुख्यमंत्री एकनाथ शिंदे त्र्यंबकेश्वर ज्योतिर्लिंगाचे दर्शन घेऊन त्यानंतर कुंभमेळ्याच्या तयारीचा आढावा घेणार आहे.</p> <p class="PlaygroundEditorTheme__paragraph" style="text-align: justify;"><strong>Eknath Shinde: मला विचारतात दुष्काळ आहे मग कुंभमेळ्याची गरज काय? पण हे महाराष्ट्राचे सौभाग्य</strong></p> <p class="PlaygroundEditorTheme__paragraph" style="text-align: justify;">पुढे बोलताना उपमुख्यमंत्री एकनाथ शिंदे म्हणाले की, तुम्हा संतांच्या आशीर्वादाने हे कार्य सुरू आहे. लाडकी बहीण, पालखींना मदत करता आली. आपण आज संतांच्या भूमीत आहोत. महाराष्ट्रात दुष्काळ आहे. आता शेतकऱ्यांचे अश्रू पुसण्याचे काम आम्ही करत आहोत. पंतप्रधान मोदी संतांचा मोठा आदर ठेवतात म्हणून अयोध्येत मंदिर साकार झाले. बाळासाहेब ठाकरे यांचे देखील ते स्वप्न होते. कारसेवेत आनंद दिघे यांनी चांदीची वीट दिलेली होती. संकट आले आहे, काही लोक म्हणतात दुष्काळ आहे मग कुंभमेळ्याची काय आवश्यकता?</p> <p class="PlaygroundEditorTheme__paragraph" style="text-align: justify;">पण हे <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ाचे सौभाग्य आहे, त्यांना चांगले काम दिसत नाही. आम्हाला यात राजकारण करायचे नाही. हजारो वर्षांची आपली संस्कृती आहे. श्रद्धा, पर्यटन, व्यापार या माध्यमातून रोजगार येईल. मात्र हे वेगळ्या नजरेतून बघतात, त्यांच्यावर टीका करायची नाही. त्यापेक्षा आपण काम करत राहायचे असेही उपमुख्यमंत्री एकनाथ शिंदे म्हणाले.</p> <p class="PlaygroundEditorTheme__paragraph" style="text-align: justify;"><strong>Eknath Shinde: शेतकऱ्यांच्या मुलांचे लग्न शिवसेना करणार; जिथे कमी पडेल तिथे मी उभा आहे</strong></p> <p class="PlaygroundEditorTheme__paragraph" style="text-align: justify;">पर्यावरण संरक्षण, रोजगार निर्मिती सगळे या कुंभमेळ्यात होणार आहे. गोदावरीचे प्रदूषण कमी करणार आहोत. अनेक संतानी सांगितले काम बाकी आहेत ते सगळे काम पूर्ण होतील. कुठेही भेदभाव होणार नाही, कुंभमेळा यशस्वी करून दाखवू. सरकार ताकतीने उभे आहे. दुष्काळात शेतकरी अडचणीत आलेला आहे. शेतकऱ्यांच्या मुलांचे लग्न शिवसेना करणार हे मी सांगितले आहे. कुंभमेळा यशस्वी करण्यासाठी सरकार सक्षम आहे. आम्ही सगळे तुमच्या सोबत आहोत. जे काम अपूर्ण आहे ते पूर्ण करू. 13 आखाडे यांना भोजनाची व्यवस्था शिवसेना करणार आहे. आम्ही त्याची जबाबदारी घेतो, जिथे कमी पडेल तिथे मी उभा आहे. संतांची सेवा करण्याची संधी आम्हाला मिळत आहे. हिंदुत्वाच्या विचार घेऊन आम्ही चाललो आहे. त्र्यंबकेश्वरचे प्रशासकीय भवन यासाठी निधी देऊ. उपजिल्हा रुग्णालय हे देखील लवकर उभारू, जे व्यावसायिकांचे गाळे चालले आहे त्यांना मदत करू. ज्या शेतकऱ्यांच्या जमिनी भूसंपादन जात आहे, त्यांना देखील भरीव मदत करू, असे आश्वासन देखील उपमुख्यमंत्री <a title="एकनाथ शिंदे" href="https://marathi.abplive.com/topic/eknath-shinde" data-type="interlinkingkeywords">एकनाथ शिंदे</a> यांनी यावेळी दिलं.</p> <p class="PlaygroundEditorTheme__paragraph" style="text-align: justify;">इतर महत्वाच्या बातम्या</p> <ul> <li class="abp-article-title"><strong><a href="https://marathi.abplive.com/news/nagpur/drought-crisis-sparks-row-over-winter-session-costs-ngo-seeks-300-to-400-crore-for-relief-1443605">दुष्काळात हिवाळी अधिवेशनाच्या खर्चावरून नवा वाद? अधिवेशन मुंबईत घ्या, 300-400 कोटी दुष्काळग्रस्तांकडे वळवण्याची मागणी</a></strong></li> </ul> <p><iframe title="YouTube video player" src="https://www.youtube.com/embed/r0vRcbHt9L0?si=MWarHfExdinOkCgw" width="560" height="315" frameborder="0" allowfullscreen="allowfullscreen"></iframe></p>