<p style="text-align: justify;">ठाणे: रक्षाबंधनाच्या पवित्र आणि स्नेहाच्या निमित्ताने मराठी चित्रपट आणि मालिका विश्वातील लोकप्रिय अभिनेत्री आज ठाण्यात उपमुख्यमंत्री <a title="एकनाथ शिंदे" href="https://marathi.abplive.com/topic/eknath-shinde" data-type="interlinkingkeywords">एकनाथ शिंदे</a> यांना राखी बांधणार आहेत. हा विशेष रक्षाबंधन सोहळा आज (२८ ऑगस्ट) दुपारी २:०० वाजता 'आनंद आश्रम', टेंभी नाका, चरई, <a title="ठाणे" href="https://marathi.abplive.com/thane" data-type="interlinkingkeywords">ठाणे</a> येथे अत्यंत उत्साहात पार पडणार आहे. या सोहळ्याला मराठी कलाविश्वातील प्रमुख अभिनेत्री आणि सेलिब्रिटी उपस्थित राहून उपमुख्यमंत्र्यांना शुभेच्छा देणार आहेत.</p>
<p style="text-align: justify;">उपस्थित राहणाऱ्या प्रमुख अभिनेत्री:</p>
<p style="text-align: justify;">दीपाली सय्यद</p>
<p style="text-align: justify;">स्मिता गोंदकर</p>
<p style="text-align: justify;">किशोरी शहाणे विज</p>
<p style="text-align: justify;">विशाखा सुभेदार</p>
<p style="text-align: justify;">शर्मिष्ठा राऊत</p>
<p style="text-align: justify;">गिरिजा प्रभू</p>
<p style="text-align: justify;">जान्हवी किल्लेकर</p>
<p style="text-align: justify;">नम्रता गायकवाड</p>
<p style="text-align: justify;">अर्चना नेवरेकर</p>
<p style="text-align: justify;">नियती राजवाडे</p>
<p style="text-align: justify;">नंदिनी वैद्य</p>
<p style="text-align: justify;">सुषमा जयवंत</p>
<p style="text-align: justify;">मानसी इंगळे</p>
<p style="text-align: justify;">टेंभी नाक्यावरील ऐतिहासिक 'आनंद आश्रम' येथे आयोजित करण्यात आलेल्या या सोहळ्यामुळे राजकीय आणि सांस्कृतिक क्षेत्रातील स्नेहबंध अधिक दृढ होणार आहेत.</p>
<h2 style="text-align: justify;"><strong>Raksha Bandhan: सुप्रिया सुळेंची अजित पवारांसाठी भावूक करणारी पोस्ट</strong></h2>
<p style="text-align: justify;">रक्षाबंधनाच्या पार्श्वभूमीवर राष्ट्रवादी शरद पवार गटाच्या खासदार सुप्रिया सुळे (<a title="Supriya Sule" href="https://marathi.abplive.com/topic/supriya-sule" data-type="interlinkingkeywords">Supriya Sule</a>) यांनी दिवंगत अजित पवार (Ajit Pawar) यांच्याबाबत एक भावूक पोस्ट केली आहे. "आज राखीपौर्णिमा...पण यावेळी तू सोबत नाहीस, ही जाणीव मनाला खूप अस्वस्थ करत आहे. सात महिन्यांपूर्वीची ती भीषण सकाळ आणि तुझं अचानक निघून जाणं...यावर आजही विश्वास बसत नाही, अशी भावूक प्रतिक्रिया सुप्रिया सुळे यांनी दिली. लहानपणापासून एकत्र वाढताना आपली भांडणं, एकमेकांवरचं प्रेम आणि एकमेकांविषयीचा अभिमान हाच आपल्या नात्याचा पाया होता. आजही वाटतं, तू कुठूनतरी अचानक येशील, राखी बांधून घेशील, बहिणींसोबत गप्पागोष्टी करत पुन्हा कुटुंबात रमून जाशील...तुझ्या नसण्याने निर्माण झालेली पोकळी कधीच भरून निघणारी नाही. तू जिथे असशील, तिथून तुझं प्रेम आणि आशीर्वाद असेच सदैव पाठीशी राहू दे..",असं सुप्रिया सुळे सोशल मीडियावर पोस्ट करत म्हणाल्या. </p>
<h2 style="text-align: justify;"><strong>Raksha Bandhan: सुषमा अंधारेंनीही उद्धव ठाकरेंना बांधली राखी</strong></h2>
<p style="text-align: justify;">दरवर्षीप्रमाणे सुषमा अंधारेंनी उद्धव ठाकरेंना राखी बांधली, रक्षाबंधनाचे फोटो शेअर करताना अंधारेंनी म्हटलं की, राखी बांधताना...एक बहीण म्हणून अभिमान वाटला. सर, महाराष्ट्रातल्या लेकिबाळींचा आत्मसन्मान राखण्यासाठी भाऊ म्हणून आपण आम्हाला कायम हवे आहात,.आपण आमचे रक्षण करणारे बंधू आणि <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ाचे कुटुंबप्रमुख आहात. आपल्या सावलीत आम्ही सुरक्षित आहोत. सर सतत हसत रहा.. तणावमुक्त रहा.. आपलं हसतमुख असणं हाच हा विरोधकांसाठी जालीम उपाय आहे..! रक्षाबंधनाच्या हार्दिक शुभेच्छा! आपली बहीण, सुषमा अंधारे.</p>
<p><iframe title="YouTube video player" src="https://www.youtube.com/embed/a5B0FhXuLoY?si=jl6-odynjHhQ5uqU" width="560" height="315" frameborder="0" allowfullscreen="allowfullscreen"></iframe></p>
2 months ago
5 
