Hingoli Earthquake: हिंगोलीत पुन्हा भूकंपाचा सौम्य धक्का; 3.3 रिश्टर स्केलची नोंद, नागरिकांमध्ये घबराट, कोणतंही नुकसान नाही; केंद्रबिंदू नेमका कुठे?

<p><strong>Hingoli Earthquake:</strong> हिंगोली जिल्ह्यात (Hingoli Earthquake) आज पुन्हा एकदा भूकंपाचा सौम्य धक्का जाणवला आहे. सकाळी 7 वाजून 46 मिनिटांच्या सुमारास जिल्ह्यात 3.3 रिश्टर स्केल तीव्रतेच्या भूकंपाची नोंद झाली. या भूकंपाचा केंद्रबिंदू हिंगोली जिल्ह्यातील गढाळा गावाच्या शिवारात भूगर्भात सुमारे 7 किलोमीटर खोलीवर आहे. भूकंपाचा धक्का जाणवल्यानंतर नागरिकांमध्ये काही काळ भीतीचं वातावरण निर्माण झालं. मात्र, या भूकंपामुळे कोणतीही जीवितहानी झाल्याची माहिती समोर आलेली नाही. हिंगोली जिल्ह्यांमध्ये मागील काही दिवसांपासून सातत्याने भूकंपाचे धक्के जाणवत आहेत. जुलैमध्ये देखील अशाच प्रकारचा सौम्य धक्का नागरिकांना जाणवला होता.&nbsp;</p> <h3>सकाळी 7.46 वाजता भूकंपाचा धक्का</h3> <p>हिंगोली जिल्ह्यात आज सकाळी 7 वाजून 46 मिनिटांनी भूकंपाचा सौम्य धक्का जाणवला. या भूकंपाची तीव्रता 3.3 रिश्टर स्केल इतकी नोंदवण्यात आली आहे. भूकंपाचा केंद्रबिंदू गढाळा गावाच्या शिवारात असून जमिनीपासून सुमारे 7 किलोमीटर खोलीवर या भूकंपाचं केंद्र असल्याची माहिती आहे. भूकंपाचा धक्का जाणवल्यानंतर काही भागातील नागरिकांमध्ये घबराट निर्माण झाली होती. मात्र, भूकंपाची तीव्रता सौम्य असल्याने कुठलंही मोठं नुकसान झाल्याचं वृत्त नाही. प्रशासनाकडून परिस्थितीवर लक्ष ठेवण्यात येत आहे.</p> <h3>जीवितहानी किंवा मोठं नुकसान नाही</h3> <p>या भूकंपामुळे आतापर्यंत कोणतीही जीवितहानी झालेली नाही. कुठलंही नुकसान झाल्याचंही समोर आलेलं नाही. संबंधित यंत्रणांकडून परिस्थितीची माहिती घेतली जात आहे. हिंगोली जिल्ह्यात यापूर्वीही भूकंपाचे सौम्य धक्के जाणवले आहेत. त्यामुळे आजचा धक्का जाणवल्यानंतर नागरिकांमध्ये पुन्हा एकदा चिंता निर्माण झाली. मात्र, प्रशासनाने नागरिकांनी घाबरून जाऊ नये, असं आवाहन केलं आहे. हिंगोली जिल्ह्यात मागील काही महिन्यांपासून सातत्याने भूकंपाचे धक्के जाणवत आहेत. आज पुन्हा एकदा भूकंपाचा सौम्य धक्का जाणवला. 25 जुलै रोजी सायंकाळी सहा वाजून 50 मिनिटांनी हिंगोलीत 3.1 रिश्टर स्केल तीव्रतेचा भूकंप झाला होता. आज (3 ऑक्टोबर) रोजी 3.3 रिश्टर तीव्रतेच्या भूकंपाचा धक्का होता.</p> <p><strong>हेही वाचा:</strong> <a href="https://marathi.abplive.com/news/hingoli/aundha-nagnath-temple-to-remain-closed-for-a-month-from-october-5-know-why-darshan-is-suspended-hingoli-news-1441030"><strong>प्रसिद्ध तीर्थक्षेत्र औंढा नागनाथ मंदिर महिनाभर बंद; 5 ऑक्टोबरपासून दर्शन नाही, जाणून घ्या नेमकं कारण काय?</strong></a></p>