<h3 style="text-align: justify;"><strong>Maharashtra Breaking LIVE: देश-विदेशातील महत्त्वाच्या बातम्यांचा आढावा फक्त एका क्लिकवर... </strong></h3>
<p class="abp-article-title" style="text-align: justify;"><strong><a href="https://marathi.abplive.com/news/politics/maharashtra-vidhan-parishad-result-2026-winner-candidate-list-graduate-teachers-constituency-pune-nagpur-amravati-chhatrapati-sambhajinagar-winner-list-vidhan-parishad-shivsena-bjp-ncp-vijayi-umedvaranchi-yadi-1443654">Maharashtra Vidhan Parishad Result 2026 Winner Candidate List: विधान परिषदेच्या 5 पैकी 3 जागांचा निकाल जाहीर; सर्व विजयी उमेदवार यादीचे अपडेट्स</a></strong></p>
<p class="abp-article-title" style="text-align: justify;">Maharashtra Vidhan Parishad Result 2026 Winner Candidate List: राज्यातील विधान परिषदेच्या पदवीधर आणि शिक्षक मतदारसंघाच्या निकालाकडे (Maharashtra Vidhan Parishad Result 2026 Winner Candidate List) सर्वांचं लक्ष लागलं होतं. गेल्या 30 तासांपासून या निवडणुकांसाठी मतमोजणी सुरू होती. आता, विधानपरिषदेच्या पाचही जागांचे निकाल जाहीर झाला असून महायुतीने 2 जागांवर विजय मिळवला असून एका जागेवर आघाडी आहे, तर महाविकास आघाडीला दोन जागा जिंकता आल्या. पुणे शिक्षक मतदारसंघातुन (Pune Teachers Constituency Result 2026) भाजपचे कौस्तुभ गावडे यांचा विजय झाला आहे. पुणे शिक्षक मतदारसंघात कौस्तुभ गावडे विरुद्ध शिंदेंच्या शिवसेनेचा पुरस्कृत अपक्ष उमेदवार सचिन सानप आणि काँग्रेसचे जयंत आसगावकर यांच्यात लढत झाली. छत्रपती संभाजीनगर पदवीधर (Chhatrapati Sambhajinagar Graduates Constituency Result 2026) मतदारसंघाच्या निवडणुकीत राष्ट्रवादी शरद पवार गटाचे प्रतापसिंग पाटील यांनी विजय मिळवला आहे. तसेच पुणे पदवीधर मतदारसंघात (Pune Graduates Constituency Result 2026) राष्ट्रवादी काँग्रेस (शरदचंद्र पवार) पक्षाच्या हर्षदा देशमुख-जाधव यांनी विजय मिळवला. </p>
<p class="abp-article-title" style="text-align: justify;"><strong><a href="https://marathi.abplive.com/news/politics/vidhanparishad-election-result-2026-nagpur-graduates-constituency-results-congress-leader-harshavardhan-sapkal-criticizes-chief-minister-devendra-fadnavis-and-prime-minister-narendra-modi-1443860">फडणवींसांच्या शहरात भाजपचा सलग दुसऱ्यांदा पराभव, मोदींचा भ्रमाचा भोपळा फुटला, मविआचा 3 जागांवर दणदणीत विजय, हर्षवर्धन सपकाळांचा हल्लाबोल</a></strong></p>
<p style="text-align: justify;">Harshvardhan Sapkal : नागपूर पदवीधर मतदारसंघातून काँग्रेस मविआचे उमेदवार अभिजीत वंजारी यांनी भाजपचे उमेदवार सुधाकर कोहळे यांचा दारुण पराभव केला आहे. यानंतर काँग्रेसचे प्रदेशाध्यक्ष हर्षवर्धन सपकाळ यांनी भाजपवर जोरदार हल्लाबोल केला आहे. RSS चे मुख्यालय, मुख्यमंत्री देवेंद्र फडणवीस व केंद्रीय मंत्री नितीन गडकरी यांच्या शहरात काँग्रेस पक्षाने सलग दुसऱ्यांदा भाजपाचा पराभव केला आहे. पंतप्रधान नरेंद्र मोदी एवढे उतावीळ आहेत की निकालाआधीच काँग्रेसचा झिरो म्हणून अवहेलना केली, अखेर भ्रमाचा भोपळा फुटला असे म्हणत सपकाळांनी जोरदार टीका केली. दरम्यान, नागपूर पदवीधर मतदारसंघाची निवडणूक ही अत्यंत चुरशीची मानली जात होती. या निवडणुकीच्या निमित्ताने राज्याचे मुख्यमंत्री देवेंद्र फडणवीस यांची प्रतिष्ठा पणाला लागली होती. अखेर काँग्रसने भाजपला जोरदार धक्का दिला आहे. </p>
<p class="abp-article-title" style="text-align: justify;"> </p>
2 days ago
4 
