<p><strong>Maharashtra Live blog updates:</strong> दुष्काळ फक्त शेतीपुरता उरला नाही. शेतीवर अवलंबून असणाऱ्या उद्योगधंद्याना ही दुष्काळाचा फटका बसतोय. शेतीला आधार असलेला कुक्कुटपालन हा मोठा व्यवसाय. मात्र आता त्या व्यवसायाची आर्थिक घडी विस्कटतेय. एकीकडे दुष्काळामुळे पशुखाद्यांचे भाव प्रचंड वाढले आहेत. तर दुसरीकडे त्याच दुष्काळामुळे वाढत्या तापमानाने आणि आर्थिक कोंडी झाल्याने अंड्यांची मागणी कमी झाली परिणामी दर गडगडले आहेत. त्यामुळे कुक्कुटपालन व्यवसाय करणारे शेतकरी, व्यावसायिक अडचणीत आले आहेत. ज्या काळात मकासह इतर पशुखाद्य दर स्वस्त असतात त्याच काळात ते प्रचंड वाढले आहेत. तर अंड्यांचे दर वाढणाऱ्या काळामध्ये त्याला भाव नाही. बँकांकडून कर्ज घेऊन व्यवसाय उभा करणारे तरुण देखील यामुळे हताश आहेत. पुढील काळात ही परिस्थिती त्यांच्या हाताबाहेर जाण्याची भीती व्यक्त करत सरकारने लक्ष देण्याची मागणी व्यावसायिकांनी केली आहे. </p>
3 weeks ago
2 
