<p><strong>Maharashtra Live blog updates:</strong> इमू पक्ष्यांच्या अंड्यांच्या बुकिंगवर गुंतवणुकीचा परतावा देण्याचे आमिष दाखवून ८९.१८ लाखांची फसवणूक. विशेष MPID न्यायालयाकडून खासगी कंपनीच्या तीन पदाधिकाऱ्यांना सहा वर्षांच्या कारावासाची शिक्षा. इंडियन इमू लाइफ प्रायव्हेट लिमिटेडचा संचालक हरीश दीक्षित, व्यवस्थापकीय संचालक मनोज पवार आणि सेल्स मॅनेजर चेतन दाने यांना शिक्षा. २०१०-११ मध्ये कंपनीने इमू पक्ष्यांच्या अंड्यांच्या बुकिंगच्या नावाखाली गुंतवणूक योजना सुरू केली होती. दोन महिने ते तीन वर्षांच्या कालावधीत बोनसच्या स्वरूपात परतावा देण्याचे आमिष. अवघ्या ४५ दिवसांत गुंतवणुकीची रक्कम दुप्पट करण्याचे आश्वासन दिल्याचा गुंतवणूकदारांचा आरोप. एका तक्रारदाराने सुरुवातीला ५.०४ लाख रुपये गुंतवले. २५ दिवसांत एक लाख रुपये परत मिळाल्याने पत्नीच्या नावाने आणखी ४.०४ लाखांची गुंतवणूक केली. मात्र, पुढील परतावा न मिळाल्याने पती-पत्नीने भांडुप पोलीस ठाण्यात तक्रार दाखल केली. कंपनीचे भांडुप येथील कार्यालय बंद झाल्याचे समजल्यानंतर गुंतवणूकदारांनी मुदतपूर्तीची वाट न पाहता पोलिसांकडे धाव घेतली. कंपनीचे कार्यालय बंद झाल्यानंतर सर्वसामान्य गुंतवणूकदारांनी पोलिसांकडे जाणे स्वाभाविक असल्याचे निरीक्षण नोंदवत न्यायालयाने बचाव पक्षाचा युक्तिवाद फेटाळला.</p>
1 day ago
4 
