<p><strong>Maharashtra Live blog updates:</strong> विधानपरिषदेच्या ५ जागांसाठी आज मतदान होतंय...पाच जागांसाठी १८२ उमेदवार रिंगणात उतरल्याने निवडणुकीत कमालीची चुरस निर्माण झालीये. त्यातच महायुतीमध्ये झालेली बंडखोरी आणि पक्षांतर्गत नाराजीमुळे महायुतीच्या अधिकृत उमेदवारांची धास्ती वाढलीेय. तर मविआमध्ये मैत्रीपूर्ण लढत होणार असल्याने या निवडणुकीत कोण बाजी मारणार याकडे सर्वांचं लक्ष लागलंय.. पदवीधरच्या ३ जागांसाठी तर शिक्षक मतदारसंघाच्या २ जागांसाठी ही निवडणूक होतेय.. छत्रपती संभाजीनगर, पुणे आणि नागपूर पदवीधरसाठी तर अमरावती आणि पुणे शिक्षक मतदारसंघासाठी सकाळी ८ ते दुपारी ४ या वेळेत मतदान पार पडणार आहे. छत्रपती संभाजीनगरसाठी ८ जिल्ह्यात मतदान होतंय. पुणे शिक्षक आणि पदवीधरसाठी पुणे,सोलापूर,सातारा,सांगली,कोल्हापूर या ठिकाणी मतदान पार पडणार आहे. अमरावती शिक्षक मतदारसंघासाठी अमरावती, बुलढाणा, यवतमाळ, अकोला, वाशिम इथे मतदान होतंय. तर नागपूर पदवीधरसाठी नागपूर, चंद्रपूर, वर्धा, गोंदिया, भंडारा, गडचिरोली इथे मतदान होत आहे.</p>
<p> </p>
1 week ago
2 
