<p><strong>Maharashtra Live News Updates: </strong>महाराष्ट्र लोकसेवा आयोगाच्या अन्न आणि औषध प्रशासन विभागाच्या परीक्षेत गैरप्रकार समोर आला आहे. औषध निरीक्षक, गट-ब पदासाठी महाराष्ट्र लोकसेवा आयोगामार्फत घेण्यात आलेली संपूर्ण भरती प्रक्रिया रद्द करण्यात आली आहे. यानंतर मुंबई गुन्हे शाखेने बुधवारी याप्रकरणात मोठी कारवाई केली आहे. मुंबई गुन्हे शाखेने एमपीएससीच्या तीन अधिकाऱ्यांसह सहा जणांना अटक केली आहे. एकाच उमेदवाराकडून गैरप्रकार झाल्याचे मान्य करून परिपत्रक काढून महाराष्ट्र लोकसेवा आयोगाचे या सगळ्या प्रकरणावर मौन बाळगलंय. मार्चमध्ये पेपर फुटल्यानंतर आणि या संबंधीची तक्रार प्राप्त झाल्यानंतरही एमपीएसीने पेपर फुटला नाही. असंच सांगितलं. तसेच उमेदवारांच्या मुलाखती घेऊन भरती प्रक्रिया जवळपास पूर्ण केली. मात्र, जेव्हा माध्यमांमध्ये पुरावे आले, तेव्हा एमपीएससीनं पेपर फुटी मान्य केली. त्यामुळे माध्यांमध्ये पुरावे आले तेव्हा एमपीएसीनं डोळे उघडले का? असा सवाल उपस्थित होतोय. या सगळ्या प्रकरणावर एबीपी माझाने एमपीएससीला काही प्रश्न विचारले त्यातल्या एकाही प्रश्नाचे उत्तर एमपीएससी कडून मिळालं नाही... हे सगळं पोलिसांच्या तपासातून अधिकृतपणे समोर आलं. दरम्यान, या सगळ्या प्रकारानंतर एमपीएससीच्या कार्यपद्धतीवरच प्रश्नचिन्ह उपस्थित होत आहेत. </p>
2 months ago
5 
