Manoj Jarange Defender Car : मनोज जरांगेंनी वापरलेली 'ती' वादग्रस्त डिफेंडर गाडी सोलापूर जिल्ह्यात परतली; गावोगावी गाडीची पूजा, नागरिक म्हणाले, 'गाडीमध्ये ज्या सिटावरती हे आमचं दैवत बसलं होतं....'

<p>सोलापूर : मनोज जरांगे (Manoj Jarange) यांनी पश्चिम महाराष्ट्र दौऱ्यात वापरलेली ती डिफेंडर गाडी अखेर अंतरवाली मधून मूळ मालकाकडे परत निघाली असून सोलापूर जिल्ह्यात या गाडीचे पूजन करून जोरदार स्वागत करण्यात येत आहे. याच गाडीबाबत जरांगे यांच्यावर अनेक आरोप करण्यात येत होते. अजय बारस्कर यांनी ही गाडी जरांगे (Manoj Jarange) यांचीच असल्याचेही सांगितले होते. वास्तविक सांगोला तालुक्यातील चिकमहुद येथील सुभाष भोसले यांनी कर्ज काढून ही गाडी घेतली होती. मनोज जरांगे यांच्या दौऱ्यात आपल्या गाडीचा वापर व्हावा अशी इच्छा त्यांची असल्याने सोलापूर दौऱ्यातच ही गाडी जरांगे यांना वापरायला दिली होती. (Manoj Jarange)&nbsp;</p> <p>मात्र यानंतर या आलिशान गाडी बाबत अनेक वाद सुरू झाले याचा त्रास भोसले कुटुंबीयालाही सहन करावा लागला. त्यांच्या सोन्या चांदीच्या दुकानावर कोलकत्ता आणि सोलापूर जिल्ह्यात विविध यंत्रणांकडून धाडी टाकल्याची ही चर्चा होती. &nbsp;काल मनोज जरांगे यांनी अंतरवाली येथून ही गाडी मूळ मालक सुभाष भोसले यांच्याकडे पाठवून दिली होती. &nbsp;मनोज &nbsp;जरांगे पाटील यांनी ज्या डिफेंडर गाडीमध्ये पश्चिम <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ाचा दौरा केला ती डिफेंडर गाडी आज सोलापूर जिल्ह्यामध्ये आगमन होताच माळशिरस तालुक्यातील संगम या गावी त्या गाडीचे मराठा बांधवांच्या व महिलांच्या वतीने औक्षण करण्यात आले . अगदी ज्या &nbsp;डिफेंडर गाडी मधील सीट आसन वरती सहा कोटी मराठ्यांचे दैवत बसले होते त्या सीट चेही औक्षण करून पूजा करण्यात आली.(Manoj Jarange)&nbsp;</p> <p>संगम येथील गणेश इंगळे यांनी याबाबत माहिती देताना सांगितलं की, "संघर्षयोद्धा मनोजदादा जरांगे पाटील हे ज्या गाडीमध्ये बसले होते, ही डिफेंडर गाडी आज सोलापूर जिल्ह्यामध्ये या गाडीचं आगमन झालेलं आहे. आणि <a title="सोलापूर" href="https://marathi.abplive.com/solapur" data-type="interlinkingkeywords">सोलापूर</a> जिल्ह्यातील संगम या गावी आम्ही या डिफेंडर गाडीचं स्वागत केलंय. महिलांच्या वतीने या गाडीचे पूजन केलं आणि ज्या गाडीमध्ये ज्या सिटावरती हे आमचं दैवत बसलं होतं, या दैवताच्या ज्या सिटावरती दैवत बसलं होतं, त्या सिटाची ही पूजा या महिलांनी केलेली आहे. आणि हे आता गाडी एक दोन मिनिटांमध्ये सांगोला या या ठिकाणी रवाना होत आहे."</p> <h2><strong>अखेर जरांगे पाटील यांना दिलेली डिफेंडर गाडी मालकाने परत नेली</strong></h2> <p>मनोज जरांगे यांच्या सांगणयावरुन अखेर जरांगे पाटील यांना दिलेली डिफेंडर गाडी मालकाने परत नेली. जरांगे यांनी त्यांना गाडी घेवून जा, असे सांगत फोन केला असल्याची माहिती आहे. सुभाष भोसले असे डिफेंडर कारच्या मालकाचे नाव असून ते चिकमहूद, ता. सांगोला येथील रहिवाशी आहेत. त्यांच्याच मालकीची ही गाडी होती. भोसले यांचा सराफा व्यवसाय आणि शेती आहे. मनोज जरांगे पाटील यांच्या निकटवर्तीयांकडे तपास यंत्रणांनी धाडी टाकल्याची चर्चा होती. भोसले यांच्या कोलकत्ता येथील व्यवसायावर देखील केंद्रीय तपास यंत्रणेच्या धाडी पडल्या असल्याची चर्चा दोन दिवसांपूर्वीच झाली होती. त्यामुळे, पुन्हा एकदा भोसले चर्चेत आले होते.</p> <p>डिफेंडर कारच्या चर्चेवरुन झालेल्या टीकेनंतर जरांगे पाटील यांनी प्रतिक्रिया दिली होती. माझ्यावर जळणाऱ्याची संख्या खूप आहे. मी डिफेंडरमध्ये फिरतोय म्हणून टीका आणि गैरसमज समाजात पसरवत आहेत. मात्र, यांच्या आईच्या नवऱ्याने पैसे दिले का? मला जात मोठी करायची आहे म्हणून माझ्यावर माझी जात प्रेम करतीय. तुला काय करायचंय, मी कोणत्याही गाडीत बसेल. माझ्या समाजाचे लेकरं मला लाल दिव्याच्या गाडीत बसलेले बघायचे आहेत, असे म्हणत जरांगे पाटील यांनी टीकाकारांना चांगलाच सुनावलं होतं.&nbsp;</p> <p><iframe title="YouTube video player" src="https://www.youtube.com/embed/a5B0FhXuLoY?si=YPgkPibnmiyuFNuA" width="560" height="315" frameborder="0" allowfullscreen="allowfullscreen"></iframe></p>