Manoj Jarange: 'बंडू जाधव तू पाटलांपेक्षा मोठा नाही; मनोज जरांगे पाटलांमुळं तू खासदार, 100 गाड्या तयार, पुन्हा चान्स नाही'; खासदारांच्या विरोधात मनोज जरांगेंसोबत मराठा आंदोलकही आक्रमक

<p style="text-align: justify;">जालना : मराठा समाजाला कुणबी प्रमाणपत्र देण्यात यावे आणि हैदराबाद गॅझेटिअरची अंमलबजावणी करावी, या प्रमुख मागण्यांसाठी अंतरवाली सराटी येथे पुन्हा एकदा मराठा आंदोलक मनोज जरांगे पाटलांनी आमरण उपोषणाला सुरूवात केली. आज (रविवारी, ता ३०) मनोज जरांगे पाटील (Manoj Jarange Patil) यांनी एकनाथ शिंदे यांच्यासह शिवसेनेच्या नेत्यांवर हल्लाबोल केला. एरवी एकनाथ शिंदे (Eknath Shinde) यांच्याविषयी आदराने बोलणाऱ्या मनोज जरांगे यांनी एकनाथ शिंदे यांच्या परभणीतील कार्यक्रमाला विरोध केला. जोपर्यंत कुणबी प्रमाणपत्र मिळत नाहीत, तोपर्यंत इथे यायचं नाही, असे मनोज जरांगे पाटील यांनी ठणकावलं. संजय शिरसाट आणि बंडू जाधव (Sanjay Jadhav) हे दोघे मुद्दाम परभणीत एकनाथ शिंदे यांचा कार्यक्रम घेत आहेत. पण एकनाथ शिंदे यांना सांगावं, तुमचा कार्यक्रम होणार नाही. कार्यक्रम रद्द करा. मी तिकडे आलो तर मोठी पंचाईत होईल. पुन्हा राज्य अस्थिर होईल. मग तुमच्यावर खापर फुटेल, असा इशारा मनोज जरांगे पाटील यांनी दिला. (Maharashtra Politics news)मनोज जरांगेंनी आक्रमक पवित्रा घेतल्यानंतर आता कार्यक्रम रद्द करण्यासाठी मराठा आंदोलक देखील आक्रमक झाले आहेत, यावेळी एका आंदोलकाने बंडू जाधव तू पाटलांपेक्षा मोठा नाही, मनोज जरांगे पाटलांमुळं तू खासदार झाला असा एकेरी उल्लेख करत इशारा दिला आहे.</p> <p style="text-align: justify;">या आंदोलकाने एबीपी माझाला प्रतिक्रिया देताना म्हटलं की, मनोज जरांगे पाटलांनी सांगितलं तर आम्ही तिथं परभणीत जाऊ. परभणीतील मराठा देखील खंबीर आहे, त्यांनी जर कार्यक्रम रद्द नाही केला, आणि पाटलांनी आवाज दिला तर सर्व मराठा तिथं येणार आणि त्यांना <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ात परत फिरायला चान्स नाही. बंडू जाधव खासदार आहे म्हणजे पाटलांपेक्षा मोठा नाही. पाटलांमुळे खासदार आहे तो, पाटलांनी शब्द दिला म्हणून बंडू जाधव खासदार आहे, &nbsp;तो पाटलांपेक्षा मोठा नाही, त्याला कार्यक्रम बंद करावा लागणार आहे, जर कार्यक्रम बंद नाही झाला, पाटील म्हणाले कार्यक्रम उधळून लावा तर आम्ही तिथं जाऊ, १०० गाड्या तयार आहेत, आम्ही तयारी केली आहे, आत्ता आम्ही निघायला तयार आहे, पाटलांनी सांगितलं की एका सेकंदात आम्ही त्यांचा कार्यक्रम ओके करणार असंही आक्रमक झालेल्या मराठा बांधवांनी आपली प्रतिक्रिया दिली आहे.</p> <h2 style="text-align: justify;"><strong>Manoj Jarange: मनोज जरांगेंची एकनाथ शिंदेंसह खासदार बंडू जाधवांवरही टीका</strong></h2> <p style="text-align: justify;">एकनाथ शिंदे यांच्यावर मनोज जरांगे यांनी जहरी टीका केली. एकनाथ शिंदेंची पोरं मोठी झालीत. कधी रिक्षा चालवतो म्हणतो, कधी बैलगाडी चालवतो म्हणतो. त्या बंड्याने (खासदार बंडू जाधव) एकनाथ शिंदेंना परभणीत बोलावले असेल. त्याला माज आला असेल, त्याला माहिती नसेल त्याच्यासाठी मी काय केलं आहे. तो हरामखोर आहे. मराठ्यांचा असून मराठ्यांच्या उरावर नाचत आहे. त्याच्यासाठी काय केलं आहे, हे त्याला माहिती नाही. त्याला घरी बसल्यावर कळेल पुढच्या वेळेला, असा इशारा मनोज जरांगे पाटील यांनी दिला. या सगळ्यानंतर 'एबीपी माझा'ने बंडू जाधव यांच्याशी संपर्क साधण्याचा प्रयत्न केला. मात्र, त्यांच्याकडून कोणताही प्रतिसाद मिळाला नाही. मात्र, आता <a title="परभणी" href="https://marathi.abplive.com/topic/parbhani" data-type="interlinkingkeywords">परभणी</a>त आयोजित केलेल्या शेतकरी मेळाव्यात <a title="एकनाथ शिंदे" href="https://marathi.abplive.com/topic/eknath-shinde" data-type="interlinkingkeywords">एकनाथ शिंदे</a> जाणार का, आणि ते तिकडे गेल्यास मनोज जरांगे पाटील काय करणार, याकडे सर्वांच्या नजरा लागल्या आहेत. यामुळे आता राजकीय वातावरण तापले आहे.</p> <h2 style="text-align: justify;"><strong>Bandu Jadhav: जरांगे पाटलांच्या कार्यक्रम रद्द करण्याच्या मागणीवर बंडू जाधव म्हणाले...</strong></h2> <p style="text-align: justify;">जरांगे पाटलांना माझ्यावर टीका करण्याचा नैतिक अधिकार आहे. अकरा वाजता आपला नियोजित कार्यक्रम आहे. पंधरा दिवसापासून त्याची तयारी सुरू होती. मी त्यांना विनंती केली की, दादा तुम्ही मला रात्री जरी बोलले असते तरीदेखील मी कार्यक्रम कॅन्सल केला असता. आता लोक येऊन बसले आहेत. आता मी कार्यक्रम कॅन्सल करावा असे माझ्या मनाला संयुक्तिक वाटेना. ज्या तुमच्या भावना आहेत त्या माझ्या देखील भावना आहेत. तुमच्यापेक्षा माझ्या भावना वेगळ्या नाहीत. त्यामुळे वेगळं काही सांगण्याची गरज नाही. परंतु नियोजित कार्यक्रम आहे. सर्व यंत्रणा सज्ज झालेली आहे. सर्व लोक आलेली आहेत. कार्यक्रम ऑन द स्पॉट कॅन्सल करा, असे होणार नाही. तुमच्या भावनेचा मी आदर करतो. परंतु, कार्यक्रम कॅन्सल होणार नाही, असे त्यांनी म्हटले.</p> <p style="text-align: justify;">&nbsp;</p> <p><iframe title="YouTube video player" src="https://www.youtube.com/embed/AhsRMnQeQYo?si=wxKr4vBQLBZjfnbp" width="560" height="315" frameborder="0" allowfullscreen="allowfullscreen"></iframe></p>