<p class="PlaygroundEditorTheme__paragraph" style="text-align: justify;"><strong>Manoj Jarange Patil : </strong>मराठा आरक्षणाच्या (Maratha reservation) मुद्यावरुन पुन्हा एकदा राज्यातील वातावरण <span class="transliteration">चांगलंच</span> तापल्याचं चित्र पाहायला मिळत आहे. मराठा आंदोलक मनोज जरांगे पाटील (Manoj Jarange Patil) हे पुन्हा एकदा 29 ऑगस्टपासून अंतरवाली सराटीत आंदोलनाला सुरुवात करणार आहेत. दरम्यान, त्यापूर्वी <span class="transliteration">सरकाराने</span> मराठा कुणबी प्रमाणपत्रा<span class="transliteration">संदर्भात</span> <span class="transliteration">एक</span> <span class="transliteration">मोठं</span> <span class="transliteration">पाऊल</span> उचलल्या<span class="transliteration">ची</span> <span class="transliteration">माहिती</span> <span class="transliteration">समोर</span> <span class="transliteration">आली</span> <span class="transliteration">आहे</span>. कुणबी, मराठा-कुणबी, कुणबी-मराठा जात प्रमाणपत्रासाठी<span class="transliteration">च्या</span> वंशावळ जुळवणी समितीला (Maratha Kunbi Genealogy Committees) आणखी एक वर्षाची मुदतवाढ <span class="transliteration">देण्यात</span> <span class="transliteration">आली</span> <span class="transliteration">आहे</span>.</p>
<p class="PlaygroundEditorTheme__paragraph" style="text-align: justify;"><strong>Maratha Reservation: अपूर्ण जुळवणी त्वरित पूर्ण करण्याचे निर्देश. प्रमाणपत्राचा मार्ग सुकर होणार?</strong></p>
<p class="PlaygroundEditorTheme__paragraph" style="text-align: justify;"><span class="transliteration">मिळालेल्या</span> <span class="transliteration">माहिती</span><span class="transliteration">नुसार</span>, कुणबी, मराठा-कुणबी, कुणबी-मराठा जात प्रमाणपत्र आणि जात वैधता प्रमाणपत्रासाठी वंशावळ जुळवण्याच्या प्रक्रियेसाठी तालुकास्तरावर तहसीलदारांच्या अध्यक्षतेखाली स्थापन करण्यात आलेल्या समितीला मुदतवाढ <span class="transliteration">देण्यात</span> <span class="transliteration">आली</span> <span class="transliteration">आहे</span>. 1 जुलै 2026 ते 30 जून 2027 पर्यंत समितीचा कार्यकाळ वाढवला <span class="transliteration">आहे</span>. राज्यातील काही जिल्ह्यांमध्ये वंशावळ जुळवणीचे काम अद्याप पूर्ण न झाल्याने शासना<span class="transliteration">ने</span> <span class="transliteration">हा</span> निर्णय <span class="transliteration">घेतल्याची</span> <span class="transliteration">माहिती</span> <span class="transliteration">आहे</span>. <span class="transliteration">त्यामुळे</span> <span class="transliteration">आता</span> मराठा कुणबी प्रमाणपत्राचा मार्ग सुकर होणार <span class="transliteration">का</span>? <span class="transliteration">असा</span> <span class="transliteration">देखील</span> <span class="transliteration">प्रश्न</span> <span class="transliteration">विचारला</span> <span class="transliteration">जातोय</span>. <span class="transliteration">तर</span> अपूर्ण जुळवणी त्वरित पूर्ण करण्याचे निर्देश <span class="transliteration">देखील </span><span class="transliteration">यावेळी</span> <span class="transliteration">देण्यात</span> <span class="transliteration">आले</span> <span class="transliteration">आहे</span>.</p>
<p class="PlaygroundEditorTheme__paragraph" style="text-align: justify;"><strong>Maratha Reservation: मराठा आरक्षण मंत्रिमंडळ उपसमितीच्या बैठकीतील निर्देशानंतर समितीला मुदतवाढ</strong></p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, <span class="transliteration">नुकत्याच</span> <span class="transliteration">पार</span> <span class="transliteration">पडलेल्या</span> मराठा आरक्षण मंत्रिमंडळ उपसमितीच्या बैठकीतील निर्देशानंतर समितीला मुदतवाढ <span class="transliteration">देण्यात</span> <span class="transliteration">आल्याची</span> <span class="transliteration">माहिती</span> <span class="transliteration">आहे</span>. 25 ऑगस्ट 2026 रोजी <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> शासना<span class="transliteration">ने</span> <span class="transliteration">या</span> <span class="transliteration">संदर्भात</span> शासन निर्णय जारी <span class="transliteration">केला</span> <span class="transliteration">आहे</span>. <span class="transliteration">तर</span> पूर्वी समितीचा कार्यकाळ 30 जून 2026 रोजी संपला होता. आता आणखी एक वर्षासाठी मुदतवाढ देण्यात <span class="transliteration">आल्याची</span> <span class="transliteration">माहिती</span> <span class="transliteration">आहे</span>.</p>
<div class="lSfe4c r5bEn aI5QMe" style="text-align: justify;">
<div class="SoAPf">
<div class="UqSP2b HSSq5c"><strong>Haribhau Rathod : जरांगे पाटील यांनी ओबीसी उप-वर्गीकरणाची मागणी करावी, माजी खासदार हरिभाऊ राठोड <span class="transliteration">यांचा</span> <span class="transliteration">सल्ला</span></strong></div>
</div>
</div>
<p class="PlaygroundEditorTheme__paragraph" style="text-align: justify;">जरांगे पाटील यांनी 58 लाख नोंदीच्या आधारे कुणबी दाखले देण्यात यावे, अशी मागणी केली आहे. शिवाय <a title="सातारा" href="https://marathi.abplive.com/satara" data-type="interlinkingkeywords">सातारा</a>, कोल्हापूर, दौंड, <a title="पुणे" href="https://marathi.abplive.com/news/pune" data-type="interlinkingkeywords">पुणे</a> या जिल्ह्याचा जी.आर काढून त्यांनाही कुणबी दाखले देण्यात यावी, अशी ही त्यांची मागणी आहे. याचा सरळ- सरळ अर्थ असा आहे की, हळूहळू शंभर टक्के मराठा समाजाला कुणबी दाखले मिळवून ओबीसी करायचे आहे. त्यापेक्षा मराठा समाजासाठी आरक्षणाचा कायदा केला तेव्हा मराठ्यांना ओबीसी घोषित केले आहे, तोच धागा पकडून पाटिल यांनी ओबीसींच्या उपवर्गीकरणाची मागणी करावी, जेणेकरून सर्व मराठ्यांना ओबीसीचे तत्सम घोषित करता येईल, आरक्षणासाठी नोंदी बघण्याची आवश्यकता भासणार नाही आणि जरांगे पाटील यांना वारंवार उपोषण करण्याची गरज पडणार नाही, असे मत माजी खासदार हरिभाऊ राठोड यांनी व्यक्त केले आहे.</p>
<p class="PlaygroundEditorTheme__paragraph" style="text-align: justify;"><strong>इतर महत्वाच्या बातम्या </strong></p>
<ul>
<li class="abp-article-title"><strong><a href="https://marathi.abplive.com/news/maharashtra/ctet-exam-2026-postponed-candidates-can-apply-until-september-1-reopens-application-registration-process-new-dates-marathi-news-1436817">CTET Exam 2026: 'सीटीईटी' परीक्षा पुन्हा लांबणीवर, नव्यानं अर्ज नोंदणी प्रक्रिया सुरू; आणखी किती परीक्षा पाहणार? शिक्षकांचा संतप्त सवाल</a></strong></li>
</ul>
<p><iframe title="YouTube video player" src="https://www.youtube.com/embed/EOQNnvC2yeU?si=aarCDSOOAFr7_ful" width="560" height="315" frameborder="0" allowfullscreen="allowfullscreen"></iframe></p>
2 months ago
5 
