<p style="text-align: justify;"><strong>Marathwada Graduate Constituency Election:</strong> <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> विधान परिषदेच्या मराठवाडा पदवीधर मतदारसंघाच्या (Marathwada Graduates Constituency) निवडणुकीची घोषणा झाल्यानंतर राजकीय हालचालींना वेग आला आहे. राष्ट्रवादी काँग्रेस अजित पवार पक्षाचे सतीश चव्हाण (Satish Chavan) यांच्याविरोधात राष्ट्रवादी काँग्रेस शरदचंद्र पवार पक्षाकडून (NCP Sharadchandra Pawar) प्रतापसिंह पाटील (Pratapsinh Patil) यांच्या नावाची चर्चा सुरू झाली आहे. प्रतापसिंह पाटील यांनी निवडणुकीच्या अनुषंगाने लातूर (Latur), हिंगोली (Hingoli) आणि नांदेड (Nanded) जिल्ह्यांत गाठीभेटी सुरू केल्याची माहिती समोर येत आहे. त्यामुळे मराठवाडा पदवीधर मतदारसंघातील राजकीय समीकरणांकडे आता लक्ष लागले आहे.</p>
<p style="text-align: justify;">मराठवाडा पदवीधर मतदारसंघाच्या निवडणुकीसाठी 23 ऑक्टोबरला मतदान होणार असून 27 ऑक्टोबरला मतमोजणी आणि निकाल होणार आहे. या पार्श्वभूमीवर विविध राजकीय पक्षांकडून उमेदवारांच्या नावांवर चर्चा आणि निवडणूकपूर्व तयारीला सुरुवात झाली आहे. सतीश चव्हाण हे या मतदारसंघाचे गेल्या तीन टर्मपासून प्रतिनिधित्व करत आहेत. 2020 च्या निवडणुकीत त्यांनी राष्ट्रवादी काँग्रेसकडून विजय मिळवला होता. आता चव्हाण हे अजित पवार यांच्या राष्ट्रवादी काँग्रेसमध्ये आहेत. महायुतीत विद्यमान आमदारांना परत तिकीट दिले जाण्याची चर्चा आहे.</p>
<h3 style="text-align: justify;"><strong>Pratapsinh Patil: प्रतापसिंह पाटलांच्या गाठीभेटींमुळे चर्चांना उधाण</strong></h3>
<p style="text-align: justify;">दरम्यान, महाविकास आघाडीच्या (Maha Vikas Aghadi) पातळीवर मराठवाडा पदवीधर मतदारसंघाची जागा राष्ट्रवादी काँग्रेस शरदचंद्र पवार पक्षाने मागितल्याची माहिती आहे. याच पार्श्वभूमीवर प्रतापसिंह पाटील यांच्या नावाची चर्चा सुरू झाली आहे. प्रतापसिंह पाटील यांनी <a title="लातूर" href="https://marathi.abplive.com/latur" data-type="interlinkingkeywords">लातूर</a>, हिंगोली आणि <a title="नांदेड" href="https://marathi.abplive.com/topic/nanded" data-type="interlinkingkeywords">नांदेड</a> जिल्ह्यांत निवडणुकीच्या अनुषंगाने संपर्क वाढवल्याचे सांगितले जात आहे. त्यामुळे त्यांना उमेदवारी दिली जाणार का, याबाबत उत्सुकता निर्माण झाली आहे. प्रतापसिंह पाटील यांच्या संभाव्य उमेदवारीमुळे सतीश चव्हाण यांच्याविरोधात शरद पवार यांच्या राष्ट्रवादीकडून निवडणुकीची तयारी केली जात असल्याची चर्चा आहे. मात्र, प्रतापसिंह पाटील यांच्या उमेदवारीबाबत अद्याप अधिकृत घोषणा झालेली नाही. त्यामुळे अंतिम उमेदवार कोण असेल, हे पक्षाच्या अधिकृत निर्णयानंतरच स्पष्ट होणार आहे.</p>
<h3 style="text-align: justify;"><strong>Marathwada Graduate Constituency Election: काँग्रेसचाही मराठवाडा पदवीधरच्या जागेवर दावा?</strong></h3>
<p style="text-align: justify;">एकीकडे राष्ट्रवादी शरदचंद्र पवार पक्षाकडून जागेसाठी तयारी सुरू असताना महाविकास आघाडीतील काँग्रेसनेही मराठवाडा पदवीधर मतदारसंघाच्या जागेवर दावा केल्याची माहिती आहे. काँग्रेसकडून याबाबत बैठक घेण्यात आल्याचेही सांगितले जात आहे.</p>
<p style="text-align: justify;">त्यामुळे महाविकास आघाडीत ही जागा नेमकी कोणत्या पक्षाच्या वाट्याला जाणार, याकडे लक्ष लागले आहे. राष्ट्रवादी शरदचंद्र पवार पक्षाकडून प्रतापसिंह पाटील यांच्या नावाची चर्चा आणि त्याचवेळी काँग्रेसकडून जागेची मागणी यामुळे उमेदवार निश्चित होण्यापूर्वी आघाडीच्या पातळीवर चर्चा होण्याची शक्यता आहे.</p>
<p style="text-align: justify;">मराठवाडा पदवीधर मतदारसंघात सतीश चव्हाण यांच्या संभाव्य उमेदवारीची महायुतीकडील बाजू स्पष्ट होत असताना आता महाविकास आघाडीकडून कोणाला मैदानात उतरवले जाते, याकडे राजकीय वर्तुळाचे लक्ष लागले आहे. प्रतापसिंह पाटील यांच्या गाठीभेटी आणि मतदारसंघातील संपर्क दौऱ्यांमुळे त्यांच्या संभाव्य उमेदवारीची चर्चा मात्र चांगलीच रंगली आहे.</p>
<h3 style="text-align: justify;"><strong>Election Schedule: निवडणुकीचे संपूर्ण वेळापत्रक</strong></h3>
<p style="text-align: justify;">अधिसूचना जारी (Notification Date): 29 सप्टेंबर 2026 </p>
<p style="text-align: justify;">उमेदवारी अर्ज भरण्याची अंतिम तारीख (Nomination Last Date): 6 ऑक्टोबर 2026</p>
<p style="text-align: justify;">अर्जांची छाननी (Scrutiny): 7 ऑक्टोबर 2026</p>
<p style="text-align: justify;">अर्ज मागे घेण्याची अंतिम तारीख (Withdrawal Last Date): 9 ऑक्टोबर 2026</p>
<p style="text-align: justify;">मतदानाची तारीख व वेळ (Poll Date & Time): 23 ऑक्टोबर 2026 (सकाळी 8 ते दुपारी 4)</p>
<p style="text-align: justify;">मतमोजणी व निकाल (Counting Date): 27 ऑक्टोबर 2026</p>
<h3 style="text-align: justify;"><strong>राज्य आणि देश-विदेशातील महत्त्वाच्या बातम्या; पाहा व्हिडीओ</strong></h3>
<p><iframe title="YouTube video player" src="https://www.youtube.com/embed/a5B0FhXuLoY?si=MsmZ4Ga56splxC0K" width="560" height="315" frameborder="0" allowfullscreen="allowfullscreen"></iframe></p>
<p style="text-align: justify;"><strong>आणखी वाचा </strong></p>
<p class="abp-article-title"><strong><a href="https://marathi.abplive.com/news/politics/marathwada-graduate-constituency-election-who-exactly-is-to-uphold-the-coalition-dharma-signs-of-a-heated-tussle-brewing-between-the-ncp-and-the-bjp-1440319">मराठवाडा पदवीधर निवडणूक! सतीश चव्हाणांना भाजप घेरणार? जागावाटपावरुन महायुतीत कलगीतुरा रंगणार</a></strong></p>
4 weeks ago
4 
