Mira Bhayander Municipal Corporation Priyanka Rajput: पत्रिकेत कुणाचं नाव वर, कुणाचं खाली?; नरेंद्र मेहता-प्रताप सरनाईकांच्या वादात अतिरिक्त आयुक्त अडकल्या, थेट उचलबांगडी

<p><strong>Mira Bhayander Municipal Corporation Priyanka Rajput:</strong> मिरा-भाईंदर महानगरपालिकेच्या (Mira Bhayander Municipal Corporation) एका कार्यक्रमाच्या निमंत्रण पत्रिकेत स्थानिक लोकप्रतिनिधी आणि परिवहन मंत्री प्रताप सरनाईक (Pratap Sarnaik) यांच्या नावाचा राजशिष्टाचार व ज्येष्ठता क्रमानुसार आवश्यक तो उल्लेख करण्यात आला नव्हता. या राजशिष्टाचार भंगाच्या कथित उल्लंघनाची राज्य शासनाने गंभीर दखल घेतली. राजशिष्टाचार विभागाचे सचिव आणि नगरविकास विभागाने केलेल्या चौकशीत दोषी आढळल्यानंतर, प्रियंका राजपूत (Priyanka Rajput) यांची मिरा-भाईंदर महापालिकेतून तडकाफडकी बदली करण्यात आली आहे. प्रियंका राजपूत यांची अतिरिक्त आयुक्त पदावरून बदली करून वसई-विरार शहर महानगरपालिकेत उपायुक्तपदी नियुक्ती करण्यात आली आहे. त्यांच्या जागी सचिन बांगर यांची नियुक्ती करण्यात आली आहे.</p> <h2>नेमकं प्रकरण काय? (Mira Bhayander Municipal Corporation Priyanka Rajput)</h2> <p>महापालिकेच्या शासकीय कार्यक्रमांच्या निमंत्रण पत्रिकांमध्ये राजशिष्टाचाराचे पालन न केल्याप्रकरणी राज्य शासनाने कारवाई केली आहे. निमंत्रण पुत्रिकेत मंत्री प्रताप सरनाईक यांच्या आधी स्थानिक आमदार नरेंद्र मेहता आणि मिरा-भाईंदरच्या महापौर डिंपल मेहता यांचं नाव छापण्यात आलं होतं. त्यामुळे नरेंद्र मेहता आणि प्रताप सरनाईकांच्या वादत अतिरिक्त आयुक्त अडकल्याचं दिसून आलं. यानंतर चौकशी समितीच्या अहवालानंतर अतिरिक्त आयुक्त प्रियंका राजपूत यांची मीरा-भाईंदर महापालिकेतून बदली करण्यात आली असून, त्यांची वसई-विरार महापालिकेत उपायुक्तपदी नियुक्ती करण्यात आली आहे. त्यांच्या जागी सचिन बांगर यांची अतिरिक्त आयुक्तपदी नियुक्ती करण्यात आली आहे.&nbsp;</p> <h2>15 एप्रिल आणि 5 मे रोजी नेमकं काय घडलेलं? (Pratap Sarnaik vs Narendra Mehta)</h2> <p>15 एप्रिल रोजी झालेल्या क्रीडा संकुलाच्या लोकार्पण सोहळ्याच्या निमंत्रण पत्रिकेत परिवहनमंत्री प्रताप सरनाईक यांचा राजशिष्टाचारानुसार उल्लेख न केल्याची तक्रार करण्यात आली होती. तसेच 5 मे रोजीच्या कामगार दिन सत्कार समारंभाच्या पत्रिकेतही अधिकृत मंजुरी व प्रोटोकॉलचे पालन झाले नसल्याचे चौकशीत निष्पन्न झाले. या दोन्ही प्रकरणांच्या चौकशी अहवालानंतर शासनाने बदलीचा निर्णय घेतला.</p> <h2>प्रताप सरनाईक काय म्हणाले? (Pratap Sarnaik On Priyanka Rajput)</h2> <p>मंत्री प्रताप सरनाईक यांनी प्रशासनातील अधिकाऱ्यांनी शासकीय नियम आणि राजशिष्टाचाराचे काटेकोर पालन करणे आवश्यक असल्याचे सांगितले. शासकीय कार्यक्रमांमध्ये राजशिष्टाचार पाळणे हा केवळ मंत्र्याचा किंवा एखाद्या व्यक्तीचा सन्मान नसून लोकप्रतिनिधींच्या संविधानात्मक पदाचा सन्मान असल्याचे प्रताप सरनाईकांनी स्पष्ट केले. प्रशासकीय कामकाजात नियमबाह्य पद्धतीला स्थान नसावे आणि प्रोटोकॉलचे उल्लंघन भविष्यात होऊ नये, अशी अपेक्षाही प्रताप सरनाईकांनी व्यक्त केली.&nbsp;</p> <h2>राज्यासह देश-विदेशातील महत्वाच्या घडामोडी, VIDEO:</h2> <p><iframe title="YouTube video player" src="https://www.youtube.com/embed/a5B0FhXuLoY?si=Lf_rtYaZdWZ7zP0y" width="560" height="315" frameborder="0" allowfullscreen="allowfullscreen"></iframe></p>