<p class="PlaygroundEditorTheme__paragraph" style="text-align: justify;"><strong>Nagpur Graduate Constituency Election Results 2026:</strong> नागपूर विभाग पदवीधर मतदारसंघासाठी आज मतमोजणी होत असताना ही निवडणूक रद्द करण्यात यावी, या मागणीसाठी <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> उच्च न्यायालयाचे नागपूर खंडपीठात (High Court) आज सुनावणी होणार आहे. पदवीधर मतदारसंघाच्या निवडणुकीत उमेदवार असलेल्या सचिन काळबांडे यांनी <span class="transliteration">ही</span> याचिका दाखल केली आहे. निवडणुकीच्या नियमाप्रमाणे निवडणूक आयोगाने पदवीधर मतदारसंघासाठी उमेदवारी अर्ज दाखल करण्याच्या अखेरच्या दिवशी म्हणजेच 6 ऑक्टोबर रोजी अंतिम मतदार यादी जाहीर करणे आवश्यक होते. मात्र, अंतिम मतदार यादी 6 ऑक्टोबर रोजी जाहीर न करता 11 ऑक्टोबर रोजी जाहीर केल्याचा आरोप आहे. एवढेच नाही तर अंतिम टप्प्यात 98 हजार मतदारांचे नाव एक गठ्ठा स्वरूपात मतदार यादीत जोडण्यात आल्यामुळे त्या मतदारांच्या पात्रतेची शहानिशा न करता घाई गडबडीत मतदार यादीत (Duplicate Voters) जोडण्यात आली. त्यामुळे मतदार यादी आणि मतदानाच्या प्रक्रियेची पारदर्शकता ध्वस्त झाल्याचा याचिकाकर्त्याचा आरोप आहे. (Nagpur Graduate Constituency Election Results 2026)</p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, अखेरच्या टप्प्यात घाई गडबडीत नावे जोडण्यात आल्यामुळेच हजारोंच्या संख्येने दुबार मतदार होते, आणि त्यामुळेच बोगस मतदान ही झाले, असा आरोप ही याचिकार्त्याने केला आहे. आज दुपारी या याचिकेवर नागपूर खंडपीठात सुनावणी होण्याची शक्यता आहे. दरम्यान, आता निवडणूक अंतिम टप्प्यात असताना न्यायालय या याचीकेला कितपत महत्त्व देते, हे ही पाहण्यासारखे असणार आहे.</p>
<p style="text-align: justify;"><strong>नागपूर विभाग पदवीधर मतदारसंघ मतमोजणी प्रक्रिया (Nagpur Graduate Constituency Election 2026)</strong></p>
<p style="text-align: justify;">1. सर्वात आधी प्रत्येक बॅलेट बॉक्समध्ये ( मतपेटीत) असलेले एकूण मते बाहेर काढून संबंधित मतदान केंद्राच्या अधिकाऱ्याने त्या बॅलेट बॉक्स संदर्भात फॉर्म नंबर 16 (1) मध्ये नमूद केलेल्या संख्येशी प्रत्यक्ष असलेल्या मतपत्रिकांची संख्या जुळवली जाईल.<br />2. त्याच वेळेस प्रत्येक बॅलेट बॉक्स मधील मतांचे 25 - 25 मतांचे गठ्ठे बनवले जाईल... ( गठ्ठे बनवताना मताची घडी (फोल्ड) उघडले जाणार नाही.<br />3. त्यानंतर सर्व गठ्ठे एका मोठ्या हौदमध्ये मिसळले जातील. (म्हणजेच सर्व 1 लाख 65 हजार 541 मतं हौदमध्ये मिसळले जातील..)<br />4. त्यानंतर मतमोजणीच्या प्रत्येक टेबलावर 25-25च्या गठ्ठ्यांच्या स्वरूपात 1000 मतं मोजणीसाठी दिले जाईल (<a title="नागपूर" href="https://marathi.abplive.com/news/nagpur" data-type="interlinkingkeywords">नागपूर</a>च्या मतमोजणीसाठी 84 टेबल असल्यामुळे या पहिल्या फेरीत 84 हजार मतं मोजणीसाठी येतील.) <br />5. पहिल्या फेरीत प्रत्येक टेबलवर आलेल्या 1000 मतांना उघडून त्यामध्ये पहिल्या पसंतीचे मत ज्या उमेदवाराला असेल, ते त्या उमेदवाराच्या नावाच्या पिजन बॉक्समध्ये (उमेदवारांचे नाव असलेले खर्ड्याचे छोटे छोटे बॉक्स) टाकले जातील.<br />6. याच वेळेस अवैध मत बाजूला ठेवले जातील.</p>
<p style="text-align: justify;">7. त्यानंतर दुसऱ्या फेरीत पुन्हा सर्व 84 टेबलावर प्रत्येकी 1 हजार. मतं मोजण्यासाठी दिले जातील..<br />8. पुन्हा पहिल्या फेरी सारखीच प्रक्रिया या फेरीत राबवून पहिल्या पसंती क्रमांकानुसार उमेदवारांच्या पिजन बॉक्समध्ये ते मत टाकले जातील.<br />9. दुसऱ्या फेरीच्या अखेरीस सर्व अवैध मत वेगळे झाल्यामुळे विजयाचा कोटा निश्चित होईल.<br />10. जर पहिल्या दोन्ही फेरीत मिळून एखादा उमेदवार विजयाच्या कोट्यापर्यंत पोहोचला असेल, तर त्याला निवडणूक आयोगाच्या परवानगीनुसार विजयी घोषित केली जाईल.<br />11. जर पहिल्या पसंतीच्या मतांच्या आधारे कोणताही उमेदवार विजयाच्या कोट्यापर्यंत पोहोचण्यास अपयशी ठरल्यास एलिमिनेशन चा राऊंड सुरू होईल.<br />12. एलिमिनेशनच्या राऊंडमध्ये पहिल्या पसंतीच्या मतानुसार सर्वात अखेरच्या उमेदवाराला बाद करत त्याच्या मतांमधील दुसऱ्या पसंतीचे मत कोणत्या उमेदवाराला होते, ते त्या उमेदवाराला हस्तांतरित केले जातील.<br />13 अशा पद्धतीने एखादा उमेदवार विजयाचा कोटा गाठत नाही तोवर एक एक उमेदवाराची एलिमिनेशन करत मतमोजणीची प्रक्रिया सुरू राहील.</p>
<p class="PlaygroundEditorTheme__paragraph"> </p>
4 days ago
1 
