<p><strong>Navnath Ban On Rohit Pawar MPSC Protest Pune:</strong> पुण्यात राष्ट्रवादी काँग्रेस शरद पवार गटाचे आमदार रोहित पवार (Rohit Pawar) यांच्या एमपीएससी आंदोलनाला (MPSC Protest Pune) समर्थन देण्यासाठी मनसेप्रमुख राज ठाकरे (Raj Thackeray) यांनी हजेरी लावली. मात्र यावेळी राज ठाकरेंनी अतिशय परखड शब्दात विद्यार्थ्यांना वस्तुस्थिती समजून सांगितली. दुसरं कोणतंही सरकार आलं तरीही 70 हजार पदांची भरती होणार नाही हे लक्षात ठेवा अशी वस्तुस्थिती राज ठाकरेंनी मांडली.</p>
<p>विशेष म्हणजे रोहित पवारांसमोर (Rohit Pawar) राज ठाकरेंनी ही वास्तवदर्शी भाष्य केलं. 2023 मध्ये मनोज जरांगेंच्या मंचावरही राज ठाकरेंनी अशीच परिस्थितीची जाणीव करून दिली होती. आरक्षणाचा निर्णय हा मंचावर बसून किंवा आंदोलनातून होणार नाही. तर तो न्यायालयातून सुटू शकतो, असं थेट भाष्य राज ठाकरेंनी मनोज जरांगेंच्या मंचावर केलं होतं. त्यामुळे आपण बोलतो ते कटू असतं लोकांना ते हळूहळू कळतं अशा शब्दात राज ठाकरेंनी MPSC च्या विद्यार्थ्यांशी (Raj Thackeray MPSC Protest Pune) बोलताना परिस्थिती मांडली. यावरुन भाजपचे मुख्य प्रवक्ते आणि <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> महानगरपालिकेचे नगरसेवक नवनाथ बन यांनी रोहित पवारांवर टीका केली आहे. <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> लोकसेवा आयोगाचे अध्यक्ष विवेक भीमनवार यांनी त्यांचा राजीनामा मुख्यमंत्री देवेंद्र फडणवीस यांच्याकडे पाठवला आहे, असा मोठा दावा रोहित पवार यांनी केला. यावर देखील भाजपचे मुख्य प्रवक्ते नवनाथ बन यांनी प्रतिक्रिया दिली. लोकसेवा आयोगाच्या अध्यक्षांना राजीनामा राज्यपाल किंवा राष्ट्रपतींकडे द्यावा लागतो. त्यामुळे रोहित पवार अफवा पसरवत आहेत, असं नवनाथ बन म्हणाले.</p>
<h2>राज ठाकरेंनी रोहित पवारांचे कान टोचले- नवनाथ बन (Navnath Ban On Rohit Pawar)</h2>
<p>रोहित पवार लबाड लांडग्याप्रमाणे वागत आहे. रोहित पवारांनी संविधानाचा अभ्यास करावा. विद्यार्थी आणि आजोबांच्या जीवावर रोहित पवार राजकारण करत आहेत. आजोबा होते म्हणून आमदार झाले नाहीतर ग्रामपंचायत सदस्य देखील कोणी बनवलं नसतं. रोहित पवार तुमचे कर्तेृत्व नाही, आजोबांच्या जीवावर आमदार झाले आहात, तुमची लायकी नाही, अशी टीका भाजपचे मुख्य प्रवक्ते नवनाथ बन यांनी केली. राज ठाकरेंनी रोहित पवार यांचे कान टोचले आहेत. एमपीएससी अध्यक्षांना हटवता येणार नाही, हे राज ठाकरेंनी सांगितलं. MPSC अध्यक्षांना पदावरून हटवण्यासाठी राज्यपाल आणि सुप्रीम कोर्टाला सांगून करावे लागेल. 1950 चा नियम आहे. MPSC अध्यक्षांना हटवणे राज्य सरकारच्या हातात नाही, असं राज ठाकरेंनी सांगितलं, असं नवनाथ बन म्हणाले. तुमचे सरकार आल्यावर देखील तुम्ही नीट करु शकत नाही, असंही राज ठाकरेंनी रोहित पवारांना थेट सांगितले. त्यामुळे राज ठाकरे यांनी रोहित पवार यांचे आंदोलनस्थळी जाऊन बिंग फोडले. याबाबत मी राज ठाकरे यांचे आभार मानतो, असं नवनाथ बन म्हणाले. </p>
<h2>रोहित पवार यांना विरोधी पक्षनेतेपद हवंय- नवनाथ बन (NavnatH Ban On Rohit Pawar)</h2>
<p>तुम्ही एका उद्योगपतींचे ड्रायव्हर झाले होते, तेव्हा स्वाभिमान गहाण ठेवला होता, असा हल्लाबोल नवनाथ बन यांनी रोहित पवारांवर केला. 2 कोटी रुपयांचे तुमचे बजेट आहे, ट्रोल धाडीला घाबरणारा कार्यकर्ता मी नाही, असंही नवनाथ बन म्हणाले. आंदोलनाला प्रतिसाद मिळत नाही म्हणून बारामती ॲग्रोचे कर्मचारी आणावे लागले. अहंकार रोहित पवार यांचा आहे, आंदोलन पेटवण्याचे काम केले जात आहे, असंही नवनाथ बन यांनी सांगितले. रोहित पवार यांना विरोधी पक्षनेतेपद हवं आहे, त्यासाठी बिदागी ते जमा करत आहेत. शरद पवार गटात कोणी किंमत देत नाही म्हणून रोहित पवारांनी नवीन दुकान शोधण्याचा प्रयत्न सुरु केला आहे. रोहित पवार चालबाज आहेत, हे काँग्रेस नेत्यांनी ओळखलं पाहिजे, असंही नवनाथ बन यांनी सांगितले. </p>
<h2>मी तुमच्या रागात सामिल व्हायला आलोय-राज ठाकरे (Raj Thackeray On MPSC Student)</h2>
<p>मराठी मुलांच्या नोकरीसाठी राज ठाकरे कोणाचेही पाय धरायला तयार आहे, असे म्हणत राज ठाकरेंनी विद्यार्थ्यांना आश्वासन दिलं. वस्तुस्थिती नीट समजून घ्या, सरकारवर तुमचा दबाव वाढला पाहिजे, मी राजकारण करण्यासाठी आलो नाही, मला ते जमतही नाही. मी बोलतो ते कटू असते, हळूहळू लोकांना कळते, असं राज ठाकरे म्हणाले. अनेक मुलं आहेत जी कर्ज काढून आली आहेत, वडिलांनी कसे पैसे घेऊन त्यांना इथं पाठवलं असेल. तुम्हाला जटील प्रश्नांमध्ये अडकवलं जातंय, यातून पहिलं बाहेर या, असं आवाहन देखील राज ठाकरेंनी विद्यार्थ्यांना केलं. मी तुमच्या रागात सामिल व्हायला आलोय, तुम्हाला आलेला राग हा तात्पुरता असू नये, असंही राज ठाकरे म्हणाले. </p>
<h2>नवनाथ बन काय काय म्हणाले?, VIDEO:</h2>
<p><iframe title="YouTube video player" src="https://www.youtube.com/embed/BArZFiTIDV0?si=D1ilXj9Drr-YN66v" width="560" height="315" frameborder="0" allowfullscreen="allowfullscreen"></iframe></p>
<h2>संबंधित बातमी:</h2>
<p class="abp-article-title"><strong><a href="https://marathi.abplive.com/news/politics/mpsc-agitation-pune-rohit-pawar-says-vivek-bhimanwar-send-resignation-to-devendra-fadnavis-warns-pune-band-maharashtra-cabinet-meeting-marathi-news-1441420">Rohit Pawar MPSC agitation Pune: विवेक भीमनवारांनी फडणवीसांकडे राजीनामा पाठवलाय, आजच्या कॅबिनेटमध्ये निर्णय न झाल्यास पुणे शहर बंद पाडू; रोहित पवारांचा इशारा</a></strong></p>
3 weeks ago
2 
