<p><strong>Onkar Elephant Sindhudurg सिंधुदुर्ग:</strong> तळकोकणात एक अत्यंत संतापजनक आणि तितकीच धक्कादायक बातमी समोर येत आहे. सिंधुदुर्ग जिल्ह्यात वनविभागाच्या कर्मचाऱ्यांकडून ओंकार हत्तीवर (Onkar Elephant) चक्क आगीच्या मशाली फेकल्या गेल्याचा गंभीर प्रकार समोर आला आहे. वन्यजीव आणि माणसांमधील संघर्ष असो किंवा हत्तीला नियंत्रणात आणण्याची कारवाई, पण या प्रकारे क्रूरता दाखवणे अत्यंत निंदनीय आहे. या घटनेचा व्हिडिओ आता सोशल मीडियावर जोरदार व्हायरल होत असून, प्राणीप्रेमी आणि नागरिकांमधून तीव्र संताप व्यक्त केला जात आहे. (Onkar Elephant Sindhudurg)</p>
<p>वन्यप्राण्यांच्या सुरक्षेची जबाबदारी असणाऱ्या यंत्रणेकडूनच अशा प्रकारे मुक्या प्राण्यावर अत्याचार होत असल्याने तीव्र संताप व्यक्त केला जात आहे. दोषी वनकर्मचाऱ्यांवर तात्काळ कठोर कारवाई करण्याची प्राणीप्रेमी मागणी करत आहेत. सध्या वनविभागाच्या एका कृतीमुळे संतापाची लाट पसरली आहे. ओंकार हत्तीवर कर्मचाऱ्यांनी केलेल्या या अमानुष कृत्याचा व्हिडिओ समोर आल्यानंतर एकच खळबळ उडाली आहे. हत्तीला हुसकावण्यासाठी किंवा नियंत्रणात आणण्यासाठी आगीच्या मशालींचा वापर करणे हा कायद्याचा भंग आहे. विशेष म्हणजे, ज्यांच्यावर वन्यजीवांच्या संरक्षणाची जबाबदारी आहे, तेच रक्षक जर अशा प्रकारे भक्षक बनत असतील, तर सामान्यांनी दाद मागितली कुणाकडे? असा संतप्त सवाल आता विचारला जात आहे. याप्रकरणी आता वरिष्ठ वन अधिकारी काय कारवाई करणार आणि दोषी कर्मचाऱ्यांवर काय बडगा उगारला जाणार, याकडे लक्ष लागून राहिले आहे. (Onkar Elephant Sindhudurg Marathi News)</p>
<h2>ओंकार हत्तीकडून भातशेती, नाचणी शेती, काजू आणि नारळ सुपारीच्या बागेत नुकसान- (Onkar Elephant Sindhudurg)</h2>
<p>तळकोकणात एकीकडे एल-निनोच्या प्रभावामुळे पाऊस झाला नसल्याने भात, नाचणी, भुईमूग शेती पूर्णपणे अडचणीत आली आहे. पावसा अभावी पिक करपू लागली, वाढ खुंटली, उत्पादनात मोठी घट होण्याची शक्यता असताना शेतकऱ्यांसमोर दुसर संकट उभं राहील आहे. ओंकार हत्ती सध्या भातशेती, नाचणी शेती, काजू आणि नारळ सुपारीच्या बागेत फिरून नुकसान करत आहे. सावंतवाडी तालुक्यातील मडूरा गावात हत्ती बिनधास्त भातशेतीत फिरत आहे. त्यामुळे शेतकऱ्यांच्या पदरात थोड का होईना मिळणारं भात पिकाचे मोठ्या प्रमाणावर नुकसान होत आहे. यावर वन विभागाने लवकरात लवकर उपाययोजना कराव्यात, अशी मागणी शेतकऱ्यांकडून होत आहे. दरम्यान, सिंधुदुर्ग आणि गोवा सीमा भागात धुमाकूळ घालणारा 'ओंकार' नावाचा हत्ती गेल्या काही काळापासून सतत चर्चेत आहे. </p>
<h2>हत्तींना मारण्यास, जखमी करण्यास मनाई करणारी तरतूद- (Onkar Elephant Sindhudurg)</h2>
<p>हत्तींच्या संरक्षणासाठी WLPA च्या कलम 43 नुसार हत्ती हा अनुसूची 1 चा प्राणी आहे. वन्यजीव (संरक्षण) कायदा, 1972 आणि हत्ती संरक्षण कायदा, 1879, वन्यजीव (संरक्षण) नुसार त्यांची शिकार करण्यास सक्त मनाई आहे. हत्ती संरक्षण कायदा, 1879 च्या कलम 9 मध्ये वन्य हत्तींना मारण्यास, जखमी करण्यास मनाई करणारी तरतूद आहे. प्राणी क्रूरता प्रतिबंधक कायदा, 1960 मध्ये प्राण्यांना अनावश्यक त्रास देणे हा गुन्हा मानला जातो. या कायद्यानुसार कोणत्याही प्राण्याला अनावश्यक त्रास देणे, मारहाण करणे, छळ करणे किंवा त्यांना वेदना होईल अशा कोणत्याही कृती करणे गुन्हा आहे.</p>
<h2>राज्यासह देश-विदेशातील महत्वाच्या घडामोडी, VIDEO:</h2>
<p><iframe title="YouTube video player" src="https://www.youtube.com/embed/a5B0FhXuLoY?si=NLVxUTUCUdWYxp8b" width="560" height="315" frameborder="0" allowfullscreen="allowfullscreen"></iframe></p>
<h2>संबंधित बातमी:</h2>
<p class="abp-article-title"><strong><a href="https://marathi.abplive.com/news/sindhudurg/twine-bomb-thrown-at-omkar-elephant-bathing-in-river-disturbing-incident-in-sindhudurg-1398382">Omkar Elephant: नदीत आंघोळ करणाऱ्या ओंकार हत्तीच्या अंगावर सुतळी बॉम्ब फेकले, सिंधुदुर्गात चीड आणणारा प्रकार</a></strong></p>
1 month ago
1 
