Pune Teacher Constituency: पुणे शिक्षक मतदारसंघातून भाजपचा उमेदवार जाहीर झाल्यानंतरही मंगेश चिवटे शक्तीप्रदर्शनाने उमेदवारी अर्ज दाखल करणार! बंडखोरी की दबावतंत्र? म्हणाले, मला एकनाथ शिंदे साहेबांनी..

<p style="text-align: justify;"><strong>Pune Teacher Constituency: </strong>बहुचर्चित आणि बहुप्रतिक्षित पुणे शिक्षक विधानपरिषद मतदारसंघातून भाजपकडून कोल्हापुरातील श्री स्वामी विवेकानंद शिक्षण संस्थेचे मुख्य कार्यकारी अधिकारी कौस्तुभ गावडे यांना उमेदवारी जाहीर करण्यात आली आहे. त्यामुळे आता शिक्षक पदवीधर मतदारसंघातून कौस्तुभ गावडे विरुद्ध विद्यमान आमदार जयंत आसगावकर यांच्यामध्ये थेट लढत होणार आहे. काँग्रेसकडून जयंत आसगावकर यांना उमेदवारी देण्यात आली आहे. या पार्श्वभूमीवर महायुतीला बंडखोरीचा फटका बसणार का? याची सुद्धा चर्चा रंगली आहे. या मतदारसंघातून शिंदे गटातून दोन माजी ओएसडी उमेदवारीच्या स्पर्धेत होते, मात्र दोघांनाही उमेदवारी मिळालेली नाही. उपमुख्यमंत्री एकनाथ शिंदे यांचे ओएसडी आणि आरोग्यदूत म्हणून ओळख असलेल्या मंगेश चिवटे यांनी या मतदारसंघातून शड्डू ठोकला होता. कोणत्याही परिस्थितीत निवडणूक लढवायचीच असा निर्धार त्यांनी केला होता. मात्र उमेदवारी मिळालेली नाही. हा मतदारसंघ भाजपाच्या वाट्याला गेला आहे. &nbsp;&nbsp;</p> <h2 style="text-align: justify;">शिक्षक मतदारसंघात बंडखोरीचं ग्रहण?</h2> <p style="text-align: justify;"><strong><a href="https://marathi.abplive.com/elections/who-is-kaustubh-gawade-bjp-candidacy-from-the-pune-teachers-constituency-of-the-legislative-council-1441233">दुसरीकडे, उद्योगमंत्री उदय सामंत यांचे माजी ओएसडी सचिन सानप यांनी सुद्धा या मतदारसंघातून शड्डू ठोकला होता आणि ते सुद्धा उमेदवारीच्या रिंगणामध्ये होते</a></strong>. मात्र, कौस्तुभ गावडे यांना उमेदवारी मिळाली आहे. पुणे पदवीधर आणि पुणे शिक्षक असे दोन्ही मतदारसंघ हे भाजपला सुटले आहेत. पुणे पदवीधरमधून स्मिता योगेश जाधव यांना उमेदवारी जाहीर करण्यात आली आहे. दरम्यान, शिक्षक मतदारसंघात बंडखोरीचं ग्रहण लागणार का? याकडे सुद्धा लक्ष असेल मंगेश चिवटे यांनी कोणत्याही स्थितीत उमेदवारी अर्ज शक्तीप्रदर्शनाने दाखल करणार असल्याचं म्हटलं आहे. आज थेऊरमध्ये शिक्षकांचा मेळावा घेतल्यानंतर मंगेश चिवटे यांनी भूमिका स्पष्ट केली.&nbsp;</p> <h2 style="text-align: justify;">शिवसेनेचा मतदारसंघ भाजपच्या वाट्याला गेला</h2> <p style="text-align: justify;">मंगेश चिवटे म्हणाले की, <a title="एकनाथ शिंदे" href="https://marathi.abplive.com/topic/eknath-shinde" data-type="interlinkingkeywords">एकनाथ शिंदे</a> साहेब यांनी आम्हाला अर्ज भरण्याच्या सूचना दिल्या आहेत. येत्या मंगळवारी सकाळी 11 वाजता जोरदार शक्तिप्रदर्शन करत अर्ज दाखल करणार आहोत. शिंदे साहेब जे आदेश देतील, ते आम्हाला शिरसावंद्य आहेत. जो निर्णय देतील तो आमच्यासारख्या कार्यकर्त्यांना अर्थातच मान्य आहे. त्यांनी सांगितले की, भाजपने उमेदवारांची यादी जाहीर केली आहे. शिवसेनेचा मतदारसंघ भाजपच्या वाट्याला गेला आहे. आमची मागणी होती की पुणे पदवीधर भाजपला आणि पुणे शिक्षक शिवसेनेला मिळावा, परंतु तसं झालेलं नाही. त्यांनी सांगितले की, या सगळ्या पार्श्वभूमीवर शिक्षकांचा खूप मोठा आग्रह आहे, शिक्षकांचं खूप मोठं समर्थन आहे आणि त्यांचा एक दबाव आहे की कसल्याही परिस्थितीमध्ये आपण निवडणुकीला सामोरं जायचं. शिंदे साहेबांनी देखील अर्ज दाखल करण्याचे आदेश दिले आहेत, त्यामुळे आम्ही अर्ज भरणार आहोत.&nbsp;</p> <p style="text-align: justify;"><strong>इतर महत्वाच्या बातम्या</strong></p> <ul> <li class="abp-article-title"><strong><a href="https://marathi.abplive.com/elections/who-is-kaustubh-gawade-bjp-candidacy-from-the-pune-teachers-constituency-of-the-legislative-council-1441233">Kaustubh Gawade: पुणे शिक्षक विधानपरिषद मतदारसंघातून भाजपकडून उमेदवारी; स्वामी विवेकानंद शिक्षणसंस्थेचे सीईओ कौस्तुभ गावडे कोण आहेत?</a></strong></li> </ul>