<p style="text-align: justify;"><strong>Radhakrishna Vikhe Patil on CJP Shivaji Park Protest:</strong> मुंबईतील शिवाजी पार्क (Shivaji Park) येथे कॉकरोच जनता पार्टी अर्थात CJP कडून आयोजित करण्यात आलेल्या आंदोलनाला <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> पोलिसांनी परवानगी नाकारली आहे. पोलिसांच्या या निर्णयानंतरही आंदोलन मागे न घेता CJP चे अभिजीत दीपके यांनी ‘जेल भरो’ आंदोलनाचा इशारा दिला आहे. या पार्श्वभूमीवर जलसंपदा मंत्री राधाकृष्ण विखे पाटील (Radhakrishna Vikhe Patil) यांनी CJP च्या आंदोलनावर टीका केली आहे. </p>
<p style="text-align: justify;">राधाकृष्ण विखे पाटील म्हणाले की, “विशिष्ट वातावरणात एखादं आंदोलन उभं राहतं. नंतर त्यांचा भ्रम होतो की, देशात आमची लोकप्रियता वाढलीय. CJP चं आंदोलन हे आम आदमी पार्टीचं आहे. जे केजरीवाल बोलतात तेच CJP बोलताय. या आंदोलनास कोणताही आधार नाही. फक्त भाजप आणि पंतप्रधानांना विरोध करण्यासाठी हे आंदोलन,” अशी प्रतिक्रिया त्यांनी दिलीय. </p>
<h3 style="text-align: justify;"><strong>Radhakrishna Vikhe Patil: ठाकरे बंधूंच्या आंदोलनावर विखे पाटील काय म्हणाले?</strong></h3>
<p style="text-align: justify;">दरम्यान, ठाकरे बंधूंकडून निवडणूक आयोगाच्या मुद्द्यावर करण्यात येणाऱ्या आंदोलनाबाबतही राधाकृष्ण विखे पाटील यांनी प्रतिक्रिया दिली. “एसआयआरच्या संदर्भात भारतीय निवडणूक आयोगाने स्पष्टीकरण दिलेलं आहे. मग आता आंदोलन कशासाठी करायचं आहे? स्वतःच्या पक्षाची गेलेली प्रतिमा असं कुठलं तरी कारण देऊन उजाळा देण्याचा त्यांचा प्रयत्न आहे. आज राज्यातील दुष्काळासंदर्भात सरकार काम करतंय. अशावेळी त्यांनी आपली ताकद शेतकऱ्यांना दिली तर लोक दुआ देतील. त्यांचे आंदोलन म्हणजे गेलेली पत परत मिळवण्याचा प्रयत्न,” अशी टीका विखे पाटील यांनी केली.</p>
<h3 style="text-align: justify;"><strong>Radhakrishna Vikhe Patil: दुष्काळी मदतीवर विखे पाटील म्हणाले...</strong></h3>
<p style="text-align: justify;">राज्यातील दुष्काळी परिस्थिती आणि सरकारकडून करण्यात येत असलेल्या मदतीबाबतही राधाकृष्ण विखे पाटील यांनी भूमिका स्पष्ट केली. “स्वतः मुख्यमंत्री शेतकऱ्यांच्या बांधावर जात आहेत. उर्वरित काही तालुकेही दुष्काळग्रस्त जाहीर केलीय. सरसकट पंचनामे करण्याच्या सूचना दिल्या आहेत. एनडीआरएफच्या निकषापेक्षा जास्त मदत केली जाणार आहे. कर्जमाफी केली गेली, वीजबिल माफी करण्यात आली. उद्या सुद्धा दुष्काळासाठी न भुतो न भविष्यती मदत सरकार करेल. कितीही राजकारण झालं, कितीही टीका झाली तरीही सरकार काम करतंय. आमचं देणारं सरकार आहे, आम्ही शंभर टक्के लोकांच्या मागे उभे आहोत,” अशी प्रतिक्रिया त्यांनी दिली आहे.</p>
<h3 style="text-align: justify;"><strong>Radhakrishna Vikhe Patil: राम शिंदे नाराज असल्याच्या चर्चेवर विखे पाटलांचं स्पष्टीकरण</strong></h3>
<p style="text-align: justify;">अहिल्यानगर जिल्हा मध्यवर्ती सहकारी बँकेच्या निवडणुकीच्या पार्श्वभूमीवर आमदार राम शिंदे नाराज असल्याच्या चर्चांवरही विखे पाटील यांनी प्रतिक्रिया दिली. “राम शिंदेशी माझं बोलणं झालंय. ते कुठेही नाराज नाहीत. बँक निवडणुकीचे अर्ज भरण्याची प्रक्रिया होऊ दिली पाहिजे. नंतर बरेच दिवस खलबतं करायला वेळ आहे. सहकारी संस्थेत राजकारण नको, हे आम्हीच भाषणं करतो ना? राजकारणाचे जोडे बाजूला ठेवून जिल्हा बँकेची निवडणूक आहे. अर्ज भरण्याची प्रक्रिया पूर्ण झाल्यानंतर आम्ही चर्चा करणार,” असं त्यांनी स्पष्ट केलं.</p>
<h3 style="text-align: justify;"><strong>राज्य आणि देश-विदेशातील महत्त्वाच्या बातम्या; पाहा व्हिडीओ</strong></h3>
<p><iframe title="YouTube video player" src="https://www.youtube.com/embed/a5B0FhXuLoY?si=MsmZ4Ga56splxC0K" width="560" height="315" frameborder="0" allowfullscreen="allowfullscreen"></iframe></p>
<p style="text-align: justify;"><strong>आणखी वाचा </strong></p>
<p class="abp-article-title" style="text-align: justify;"><strong><a href="https://marathi.abplive.com/crime/thane-crime-pradeep-purnekar-death-case-why-meenakshi-shinde-not-visit-purnekar-family-house-marathi-news-1440986">Meenakshi Shinde on Pradeep Purnekar death Case: तुम्ही प्रदीप पूर्णेकरांच्या मृत्यूनंतर कुटुंबीयांच्या सांत्वनासाठी का गेला नाहीत? मिनाक्षी शिंदे म्हणाल्या जायची इच्छा असली तरी....</a></strong></p>
4 weeks ago
4 
