Sanjay Gaikwad Buldhana : बुलढाण्यात विसर्जन मिरवणुकीत हवेत गोळीबार; संजय गायकवाडांनी केली कारवाईची मागणी, म्हणाले, 'एवढी हिंमत जर लोकांची वाढत असेल तर....'

<p style="text-align: justify;">बुलढाणा : गणेश विसर्जन मिरवणुकीत तरुणांकडून हवेत गोळीबार करतानाचा बुलढाण्यातील एक व्हिडिओ सोशल मीडियावर व्हायरल झाला आहे. तर व्हायरल होत असलेला व्हिडिओ बुलढाणा तालुक्याच्या तांदुळवाडी येथील असल्याची माहिती आहे. पोलिसांनी या प्रकरणी कारवाई करायला पाहिजे अशी मागणी शिवसेना शिंदे गटाचे नेते आमदार संजय गायकवाड (Sanjay Gaikwad Buldhana) यांनी केली आहे. गणपती विसर्जन मिरवणुकीदरम्यान एका युवकाने स्टंटबाजी करत हवेत गोळीबार केल्याचा व्हिडिओ (Sanjay Gaikwad Buldhana) सध्या सोशल मीडियावर चांगलाच व्हायरल होत आहे. <a title="बुलढाणा" href="https://marathi.abplive.com/topic/buldhana" data-type="interlinkingkeywords">बुलढाणा</a> तालुक्याच्या तांदुळवाडी येथील हा व्हिडिओ असल्याची माहिती आहे, आणि काँग्रेसचे प्रदेशाध्यक्ष हर्षवर्धन सपकाळ यांचा फोटो देखील त्या व्हिडिओमध्ये दिसत असून तो काँग्रेसचा कार्यकर्ता असल्याची माहिती आहे. या प्रकरणी पोलिसांनी कारवाई करावी अशी मागणी आमदार संजय गायकवाड यांनी केली आहे. (Sanjay Gaikwad Buldhana)</p> <p style="text-align: justify;">&nbsp;बुलढाण्याचे आमदार संजय गायकवाड, यांनी या प्रकरणी प्रतिक्रिया देताना म्हटलं की, "ते गावामध्ये, शिवसेनेचे सात मंडळ आणि काँग्रेसचं एक मंडळ अशी त्यादिवशी सगळ्यांची रॅली होती आणि हर्षवर्धन सपकाळांचा फोटो आणि त्या मिरवणुकीमध्ये त्यांचा मुलगा हा देखील त्याठिकाणी होता आणि ते करताना एक कोणीतरी तिथे तरूण गाणं वाजवून त्याच्यात रिव्हॉल्व्हरवर फायर करतानाचा व्हिडिओ त्याठिकाणी आलेला आहे, तो आमच्या तांदूळवाडी गावचाच आहे. आणि त्या घटनेनंतर मला वाटतं शिवसैनिकांनी त्याला चोप देखील दिलेला आहे की आमच्या गावामध्ये असली प्रकार नको. पण ही एवढी हिंमत जर लोकांची वाढत असेल आणि मिरवणुकीमध्ये गोळीबार करत असतील, तर पोलिसांनी निश्चितपणे त्याच्यावर कारवाई केली पाहिजे." &nbsp;&nbsp;</p> <h2 style="text-align: justify;"><strong>Video Viral Buldhana : व्हायरल व्हिडीओमध्ये नेमकं काय आहे?</strong></h2> <p style="text-align: justify;">व्हायरल व्हिडिओमध्ये तरुण गाण्याच्या तालावर तालात डान्स करताना आणि विविध हावभाव करताना दिसतो. त्यानंतर तो हर्षवर्धन सपकाळांचा फोटो असलेला 'दादा' असा लिहलेला फोटो असलेला एक मोठा डिजिटल बॅनर दोन्ही हातांनी वर धरून उपस्थितांना दाखवतो. व्हिडिओच्या मध्यभागी, एका डायलॉगनंतर तरूण हातात रिव्हॉल्व्हर धरून हवेच्या दिशेने थेट गोळीबार करताना दिसते. त्यानंतरच्या दृश्यांमध्ये, तरुण पुन्हा तोच बॅनर हातात उंचावून गाण्यावर नाचताना आणि काही लोक कानाला हात लावून डान्सचा आनंद घेताना दिसतात. व्हिडिओच्या शेवटी काही लोक हातात मोठा भगवा झेंडा धरून तो उंचावताना दिसतात. &nbsp;&nbsp;</p> <p><iframe title="YouTube video player" src="https://www.youtube.com/embed/a5B0FhXuLoY?si=16YAhbWng7ejYBNb" width="560" height="315" frameborder="0" allowfullscreen="allowfullscreen"></iframe></p>