<p style="text-align: justify;">धाराशिव : धाराशिव येथील आश्रम शाळा संस्थाचालकांनी शिवसेना शिंदे गटाचे नेते आणि सामाजिक न्याय मंत्री संजय शिरसाट यांच्यावर गंभीर आरोप केले आहेत. संजय शिरसाट (Sanjay Shirsat) यांनी पीए पैसे गोळा करायला ठेवले, आश्रम शाळेला 35 लाख मागतात. संजय शिरसाट यांनी पीए भंडारी यांना पैसे गोळा करण्यासाठी ठेवलं आहे. दलित वस्ती सुधार योजनेमध्ये पंधरा लाख घेतले जातात, तर शाळांसाठी 35 ते 40 लाख घेतले जात असल्याचा आरोप त्यांनी केला आहे. सामाजिक न्याय मंत्री संजय शिरसाट संविधानानुसार वागत नाहीत, मुख्यमंत्र्यांनी संजय शिरसाट (Sanjay Shirsat) यांची चौकशी करावी अशी मागणी देखील केली आहे.</p>
<p style="text-align: justify;">संजय शिरसाट यांच्याकडे 75 कोटींचा बंगला, पाच कोटींच्या गाड्या कुठून आल्या चौकशी करा; धाराशिव येथील संस्थाचालक अरुण निटुरे यांची फेसबुक लाईव्ह करत आरोप करत चौकशीची मागणी केली आहे. आश्रम शाळेच्या अनुदानाचे पैसे मंजूर असून वाटप केले जात नाही असा निटुरे यांचा आरोप आहे. मार्च 2019 ला 20 टक्के पैसे मंजूर असून वाटप केले जात नाही, असंही त्यांनी म्हटलंय. तर अरुण निटुरे यांची धाराशिवमध्ये केशेगाव याठिकाणी रमाबाई आंबेडकर आश्रम शाळा आहे. पैसे नसल्याने शाळा तीन वर्षांपासून बंद आहे, व्याजाने पैसे काढून शाळेची दुरुस्ती केल्याची निटुरे यांनी माहिती दिली आहे.(Sanjay Shirsat)</p>
<h2 style="text-align: justify;"><strong>नेमकं काय म्हणालेत संस्थाचालक अरुण निटुरे? </strong></h2>
<p style="text-align: justify;"><a title="धाराशिव" href="https://marathi.abplive.com/news/dharashiv" data-type="interlinkingkeywords">धाराशिव</a> येथील संस्थाचालक अरुण निटुरे यांची फेसबुक लाईव्ह करत म्हटलंय की, "शाळेला पैसे कधी देणार? कधी देणार भाऊ पैसे? आश्रमशाळेचे पैसे देऊन टाका. एवढा पण तळतळाट घेऊ नका संजय शिरसाट साहेब! PA लोकं पैसे गोळा करायला ठेवलेत. तिथं 35-35 लाख रुपये मागतात शाळेला पैसे. अहो एवढं नका घेऊ. तरी म्हणलं, जे एक जिल्हा परिषद सदस्य माणूस एवढा मोठा झालाच कसा? पाच-पाच कोटीच्या गाड्या, 75-75 कोटीचे बंगले, हजारो कोटी रुपये... एवढे येतात कुठून पैसे? आम्ही विचार करत होतो. आमच्या गोरगरिबाचा तळतळाट घेऊ नका. </p>
<p style="text-align: justify;">आम्ही देशोधडीला मिळालेली माणसं आहोत. गोरगरिबाची लेकरं सांभाळतोय आम्ही. आमचे पैसे देऊन टाका, कशाला ठेवता पैसे? तुम्ही अजून 5,000 कोटी कमवा, आम्हाला काय करायचंय? पण आमचे पैसे द्या गोरगरिबाचे, अडवू नका पैसे, खूप पैसे अडवले भाऊ तुम्ही. आणि तुम्ही स्वतःच मोठे व्हायले! लय पैसे तुम्ही गोळा केले, पाच-पाच कोटीची गाडी तुमच्याकडं, आली कुठून? 75 कोटीचा बंगला, आला कुठून? शेतात काम केलंय? का कुठं काय कामाला गेलते? एवढं नका लुटू, द्या गोरगरिबाचं! समाजकल्याण खातं आहे तुमच्याकडं, जरा समाजाची कामं करा. संविधान वाचवा, संविधानाप्रमाणे वागा. अहो 27 वर्ष झालं शाळेचे पैसे अडकवून ठेवलेत, देऊन टाका. निर्णय घ्या, फायली घेऊन बसता! लाज नाही वाटत? असंही त्यांनी व्हिडीओमध्ये म्हटलं.</p>
<p style="text-align: justify;">किती पैसे कमावावे? तर आरती भंडारे साहेब ठेवलाय तुम्ही पैसे गोळा करायला बंगल्यात. लय पैसे गोळा करतोय! एक वसतिगृह 24 मुलांचं... 35 लाख, 40 लाख घेऊन गेलेले आहेत. पुरावा देतो. अजून दुसरे कुठले बी, फडणवीसांना कसा कळत नाही? PA ने पैसे गोळा केले, त्याला गिफ्ट दिलं! बंगल्यामध्ये दुसरं काय चालत नाही, दलित वस्ती 15%! अजून 5% वाढवा. गुत्तेदार मरतो आत्महत्या करून पुन्हा! आणि तुम्ही बसा अजून दोन गाड्या घेऊन भारी-भारी! छान गाड्या घेता तुम्ही, डिफेंडर, मर्सिडीज! काय बंगला 75 कोटीचा! जरा लोकांचं द्या, 75 लाखच द्या! 75 कोटी काय अजून 150 कोटीचं घ्या! अजून <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ाला लुट! कोण तुम्हाला नको म्हणलंय? लुटा! पण गोरगरिबाची कामं करा, असंही पुढे निटुरे यांनी म्हटलंय.</p>
<p style="text-align: justify;">सरकार पण गरिबाची चौकशी करतं. अशा मोठ्या लोकांची चौकशी करत नाही. अरे लाज वाटू द्या लाज! आणि फडणवीस सरकारला कसं कळत नाही? फडणवीस साहेब, लक्ष द्या! एवढी प्रॉपर्टी आली कुठून यांच्याकडं? या समाजकल्याण मंत्र्याकडं? चौकशी करा! वर्ष-वर्ष फायली घेऊन बसतोय! पैसे दिलेले त्याचीच फाईल निघते. जेवढे ऑर्डर निघाल्यात तेवढ्या सगळ्या पैसे देऊन निघाल्यात, फुकट एकी नाही निघाल्यात! आणि भाषणात सांगतो 'पैसे-बिशे कोणाला देऊ नका, पैसे दिले तर काम करत नाही'. असं कोण म्हणलं? भंडारे साहेब कशाला बसलेत तिथं PA? आणि सचिव तुमचा, अर्शदीप कांबळे! सांगितलं की तेवढंच काम करतो, दुसरं नाही काम करत! संविधानाप्रमाणे त्याला दिलेला आहे नोकरी, पण नाही करत तो, नालायक माणूस आहे, असंही पुढे निटुरे यांनी म्हटलंय.</p>
<p style="text-align: justify;">आज आमच्यावर वेळ आलेली आहे आत्महत्या करायची! लाज वाटू दे! करा लवकर काम! लवकर पैसे द्या, 27-27 वर्षे तुमच्या बापानं ठेवले होते का पैसे न द्यायचे? चोरी केली का आम्ही? अरे मेहनत केली आहे, शाळा बांधल्यात, लेकरं सांभाळ्यात, नंबर एक शाळा चालवल्या, गोरगरिबाची लेकरं सांभाळले, त्यांची शी शू काढली! आमचे पैसे देऊन टाका काय असल ते, शासनाकडं ठेवू नका. त्या अनुसूचित जातीच्या शाळा आहेत त्या, आश्रमशाळा आहेत त्या, देऊन टाका पैसे! नाहीतर आम्हाला वीष घालून मारा. शिरसाट साहेब, विचार करा! फडणवीस साहेब, जरा या शिरसाट साहेबाची करा चौकशी! करोडो रुपये आले कुठून यांच्याकडं? जरा गरिबाकडं लक्ष द्या! गरीब मरत आहेत! 10,000 शिक्षक बिनपगारी आहेत ते, 20-20 वर्षे नोकऱ्या करून रिटायर झाले बिनपगारी! तरी तुम्हाला लाज वाटेना पैसे देण्याची? भंडारे डायरेक्ट पैसे मागतो, 35 लाख द्या म्हणतो! कुठून द्यावे आम्ही? लाजी वाटू द्या जरा, असंही निटुरे यांनी आपल्या फेसबुक लाईव्हमध्ये म्हटलं आहे.</p>
<p><iframe title="YouTube video player" src="https://www.youtube.com/embed/a5B0FhXuLoY?si=Tf5EDOZDVyd2esMS" width="560" height="315" frameborder="0" allowfullscreen="allowfullscreen"></iframe></p>
4 weeks ago
1 
