<p style="text-align: justify;"><strong>बारामती :</strong> सोमेश्वर सहकारी साखर कारखान्याची निवडणुकीची (Someshwar Cooperative Sugar Factory election) मतमोजणी आज (सोमवारी, ता 12) सकाळी नऊ वाजता सुरू झाली आहे. माळेगाव या ठिकाणी ही मतमोजणी सकाळी नऊ वाजता सुरू झाली आहे, या निवडणुकीमध्ये 84.25 इतके मतदान झाले असून या निवडणुकीत सुनेत्रा पवारांची प्रतिष्ठा पणाला लागलेली आहे. 21 जागांसाठी काल मतदान झाला, राष्ट्रवादीतून बंडखोरी करत पुरुषोत्तम जगताप यांनी भाजपच्या मदतीने पॅनल उभा केलं होतं, तर उपमुख्यमंत्री सुनेत्रा पवार यांच्या मार्गदर्शनाखाली राष्ट्रवादीचा पॅनल होतं तर दुसरीकडे राष्ट्रवादी काँग्रेस शरदचंद्र पवार पक्षाचे युगेंद्र पवार यांच्या मार्गदर्शनाखाली पॅनल उभा करण्यात आलं होतं, तिरंगी लढत या निवडणुकीमध्ये झालेले आहे यामध्ये कोण बाजी मारणार याकडे सर्वांचं लक्ष लागलं आहे.(Someshwar Cooperative Sugar Factory election) तर सोमेश्वर कारखान्याचा निकाल 21 झीरो होईल असा विश्वास सुनेत्रा पवारांनी व्यक्त केला आहे. आज सहकारी साखर कारखान्याचा संचालक पदाच्या पंचवार्षिक निवडणुकीचा निकाल आहे किती विश्वास वाटतो विजयावर यावर त्या 21 झिरो होईल असं त्या म्हणाल्या आहेत. </p>
<blockquote class="twitter-tweet">
<p dir="ltr" lang="mr">सोमेश्वर कारखान्याचा निकाल 21-0 होईल -सुनेत्रा पवार #BaramatiNews #Result #SomeshwarCooperativeSugarFactory #election #SunetraPawar https://t.co/hpVrAicuSy</p>
— Ankita Shantinath Khane (@KhaneAnkita) <a href="https://x.com/KhaneAnkita/status/2109497882248466759?ref_src=twsrc%5Etfw">October 12, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p style="text-align: justify;">बारामतीतील अत्यंत प्रतिष्ठेच्या मानल्या गेलेल्या सोमेश्वर सहकारी साखर कारखान्याच्या पंचवार्षिक निवडणुकीच्या मतमोजणीला सुरुवात झाली असून, या पार्श्वभूमीवर <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ाच्या उपमुख्यमंत्री सुनेत्रा वहिनी पवार यांनी आपल्या पॅनेलच्या विजयाबद्दल 100% ठाम विश्वास व्यक्त केला आहे. मतमोजणी केंद्रावर उपस्थित माध्यमांशी संवाद साधताना त्यांनी "आमचा सर्वच्या सर्व 21-0 असा स्पष्ट विजय होईल," असा दावा केला आहे. सोमेश्वर कारखान्याच्या निवडणुकीचा निकाल काय लागणार, याकडे संपूर्ण बारामतीसह राज्याचे लक्ष लागून राहिले आहे. मतमोजणीची प्रक्रिया सुरू होताच पत्रकारांनी मतमोजणी आणि विजयाबद्दल विचारले असता, सुनेत्रा पवारांनी अतिशय आत्मविश्वासाने प्रतिक्रिया दिली. </p>
<h2 style="text-align: justify;"><strong>Sunetra Pawar on Someshwar Sugar Factory Election Result : पॅनेलच्या 100% विजयाचा दावा</strong></h2>
<p style="text-align: justify;">पत्रकारांनी सुनेत्रा पवारांना विचारले, "किती विश्वास आहे, तुमचा पॅनेल किती जागा जिंकेल?" यावर उत्तर देताना त्यांनी एका शब्दात "21-0" असा स्पष्ट आणि थेट उत्तर देत सर्वच्या सर्व 21 जागांवर आपल्याच पॅनलचा दणदणीत विजय होईल, असा विश्वास व्यक्त केला. सोमेश्वर कारखान्याच्या संचालक पदाच्या 21 जागांसाठी ही लढत झाली असून, सुरुवातीपासूनच या निवडणुकीत राजकीय वातावरण चांगलेच तापले होते. आता प्रत्यक्षात मतमोजणी सुरू झाल्याने या महासंग्रामात नेमकी कुणाची सरशी होणार, हे थोड्याच वेळात स्पष्ट होणार आहे.</p>
<p><iframe title="YouTube video player" src="https://www.youtube.com/embed/u2dqBPKPK84?si=W-Iqrb7_-6orfVDp" width="560" height="315" frameborder="0" allowfullscreen="allowfullscreen"></iframe></p>
2 weeks ago
2 
