Uddhav Thackeray: देशामध्ये हुकूमशाह बनत असेल तर त्याला इथेच गाडणार; गर्जना मोर्चात उद्धव ठाकरेंचा घणाघात, म्हणाले, ज्ञानेश कुमार हे त्यांचे हत्यार!

<p style="text-align: justify;"><strong>Uddhav Thackeray:</strong> मुख्य निवडणूक आयुक्तांच्या कारभाराविरोधात आणि लोकशाही तथा संविधानाच्या रक्षणासाठी आज <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a>त 'गर्जना मोर्चाचे' (Garjana Morcha) आयोजन करण्यात आले. या मोर्चात शिवसेना ठाकरे गटाचे प्रमुख उद्धव ठाकरे (Uddhav Thackeray) आणि मनसे प्रमुख राज ठाकरे (Raj Thackeray) यांनी एकत्र येत केंद्र सरकार आणि केंद्रीय निवडणूक आयोगाच्या धोरणांवर सडकून टीका केली.</p> <p style="text-align: justify;">उद्धव ठाकरे म्हणाले की, हा लढा कोणत्याही एका पक्षाचा, व्यक्तीचा, जातपात, धर्माचा नाही, हा लढा आपल्या स्वातंत्र्याचा लढा आहे. पहिल्यांदा मोदींचे पंतप्रधान झाले तेव्हा त्यांनी मेक इन इंडिया अशी घोषणा दिली होती. आम्हाला मान्य आहे, पण त्यामध्ये हुकूमशाह देखील आपल्या देशात बनत असेल तर त्याला या देशातच गाडून टाकण्यासाठी आज आम्ही उभे राहिलेलो आहोत.</p> <h3 style="text-align: justify;"><strong>Uddhav Thackeray: संपूर्ण देशात 13 कोटी मतदार वगळले</strong></h3> <p style="text-align: justify;">यानंतर राज ठाकरेंनी सांगितलेल्या मतदारांच्या आकडेवारीचा संदर्भ देत उद्धव ठाकरे यांनी निवडणूक प्रक्रियेवर प्रश्न उपस्थित केले. राज यांनी सांगितले की, आपल्या राज्यातील दोन कोटी मतदार वगळले गेले. संपूर्ण देशात 13 कोटी मतदार अचानक या लोकांनी वगळून टाकले. म्हणजे संपूर्ण <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ाची लोकसंख्या यांनी देशाच्या मतदान यादीतून वगळून टाकली, हे मान्य आहे का तुम्हाला? बंगाल, तामिळनाडूमध्ये वगळले. तामिळनाडूमध्ये 70 लाख, बंगालमध्ये 30 लाख. विशेष म्हणजे बंगालमध्ये जे मतदार वगळले गेले, सार्वत्रिक निवडणुकीत त्यातले काही वैध झालेत. आता तिकडे पोटनिवडणूक आहे. या मतदारांना पोटनिवडणुकीमध्ये मतदानाचा अधिकार मिळावा म्हणून तात्काळ सुनावणीसाठी यांचे अर्ज सुप्रीम कोर्टात गेले. तेव्हा सुप्रीम कोर्टाने तात्काळ उत्तर दिले की, ऐकू ना. ही निवडणूक परवा 6 तारखेला होत आहे आणि सुप्रीम कोर्टाने सांगितले, फक्त पोटनिवडणूक आहे, आम्ही 5 तारखेला सुनावणी घेऊ. उद्या सुनावणी घेणार आहे की नाही, अजूनदेखील ठरलेले नाही. जर निर्णय हो दिला, तर परवाच्या निवडणुकीत हे मतदार मतदान करू शकणार आहेत का? याचा अर्थ यांनी सर्व संस्था आपल्या सोबत घेतल्या आहेत.</p> <h3 style="text-align: justify;"><strong>Uddhav Thackeray: ज्ञानेश कुमार यांची नेमणूक ही पक्षपातीपणाने</strong></h3> <p style="text-align: justify;">यापूर्वी निवडणूक आयुक्त नेमले जाताना, पहिला माझा आक्षेप या नेमणुकीलाच आहे. जो आयुक्त संपूर्ण देशाच्या निवडणुकीवर लक्ष ठेवतो, आमच्या देशाच्या राष्ट्रपतींची निवडणूक होते, पण निवडणूक आयुक्तांची निवडणूक होत नाही. नेमणूक कशी होते? पूर्वी त्या कमिटीमध्ये सरन्यायाधीश होते, पंतप्रधान होते आणि विरोधी पक्षनेते होते. या लोकांनी बरोबर सरन्यायाधीश काढून टाकले, विरोधी पक्षनेता ठेवला आणि सरन्यायाधीशांच्या जागी पंतप्रधान म्हणतील तो मंत्री टाकला. म्हणजे कोण तर अमित शाह. राहुल गांधींनी असहमती दर्शवली. त्यांनी सांगितलं, कोर्टामध्ये केस आहे, तोपर्यंत थांबा. पण हे निर्णय घेऊन मोकळे झाले, ज्ञानेश्वर कुमारांना नेमून मोकळे झाले. मग तुमच्यासमोर प्रश्न असेल, त्या कोर्टाच्या सुनावणीचे काय झाले? सुनावणी मागून सुनावणी, अजून बतावणी होतच नाहीये. त्यावेळेला जे सुनावणी सुरू झाली, त्याला अद्याप तारीख मिळत नाही. ज्ञानेश कुमार यांची नेमणूक ही पक्षपातीपणाने केली आहे, असा आरोप त्यांनी यावेळी केला.</p> <h3 style="text-align: justify;"><strong>Uddhav Thackeray: भारतीय जनता पक्षाला सरकार चालवता येत नाही</strong></h3> <p style="text-align: justify;">उद्धव ठाकरे पुढे म्हणाले की, जोपर्यंत काँग्रेसचं सरकार होतं, तोपर्यंत आपण देखील भाजपसोबत वाहत गेलो होतो. मग त्यांनी काँग्रेस एवढा भ्रष्ट सरकार नाही, असं वातावरण केलं. पण आता संपूर्ण इंडिया उभा राहिलेला आहे, इंडिया अगेन्स्ट व्होट चोर. 13 कोटी मतदान तुम्ही अचानक गाळत आहात. बंगालमध्ये आतापर्यंत अवैध ठरलेल्या अर्जांची छाननी झाली, त्यातल्या काही लोकांना वैध ठरवले गेले आणि ती सुनावणी तिकडे सुरू आहे, पण उरलेल्या मतदारांची छाननी होऊन तो निकाल किंवा तपास पूर्ण व्हायला जवळपास 146 महिने लागतील. हे प्रकरण इथपर्यंत थांबत नाही. भारतीय जनता पक्षाला सरकार चालवता येत नाही. प्रशासन आणि भाजप हे दोन विरुद्धार्थी शब्द आहेत. ज्या पद्धतीने तुम्ही सरकार चालवत आहात, त्याला सरकार चालवणे नव्हे, तर सूड उगवणे म्हणतात, अशी टीका त्यांनी केली.</p> <h3 style="text-align: justify;"><strong>Uddhav Thackeray: तुम्हाला उद्या रस्त्यावर फिरणे मुश्किल होईल</strong></h3> <p style="text-align: justify;">काल परवा ठाण्यात आमच्या पूर्णेकर यांची हत्या झाली. तिथले पोलीस काय झक मारत आहेत का? गृहमंत्री कुठे आहेत? देशभर महिला अत्याचाराच्या गोष्टी ऐकू येत आहेत. कुठे आहे तुमचे हिंदुत्ववादी सरकार? हेच तुमचे हिंदुत्व का? ज्ञानेश कुमार हे त्यांचे हत्यार आहे. मतदानाचा अधिकार हे लोक काढून घेत आहेत. या संस्था तुम्ही ताब्यात घेतल्या असतील, प्रशासन तुम्ही ताब्यात घेतले असेल, पण हे रस्ते जनतेच्या मालकीचे आहेत. या रस्त्यावर उद्या तुम्हाला फिरणे मुश्किल होईल, असा इशारा उद्धव ठाकरे यांनी सरकारला दिला.&nbsp;</p> <p style="text-align: justify;"><iframe title="YouTube video player" src="https://www.youtube.com/embed/HNWUFOS80sc?si=AdZFGgVWfYa6lasy" width="560" height="315" frameborder="0" allowfullscreen="allowfullscreen"></iframe></p> <p style="text-align: justify;"><strong>आणखी वाचा&nbsp;</strong></p> <p class="abp-article-title" style="text-align: justify;"><strong><a href="https://marathi.abplive.com/news/politics/raj-thackeray-uddhav-thackeray-mumbai-morcha-raj-thackeray-has-demanded-the-cancellation-of-the-sir-and-that-elections-be-held-using-ballot-papers-1441203">Raj Thackeray Uddhav Thackeray Mumbai Morcha: SIR बेकायदेशीर, माझ्या फक्त 2 मागण्या, दिल्लीतही जाऊन बोला...; राज ठाकरे कडाडले, काय काय म्हणाले?</a></strong></p>