Who is Hamam Al-Hamami: कॅप्टन स्मित मच्छार यांच्यावर हल्ला करणारा हमाम अलहमामी कोण? इस्रायलमध्ये विमान क्रॅश करण्याचा होता प्लॅन

<p style="text-align: justify;"><strong>Who is Hamam Al-Hamami:</strong> दुबईहून (Dubai) इस्रायलला (Israel) जाणाऱ्या विमानात एक अत्यंत धक्कादायक आणि थरारक प्रकार समोर आला आहे. उड्डाणादरम्यान विमानाचा ओमानी को-पायलट हमाम अलहमामी (Hamam Al-Hamami) याने भारतीय वंशाचे कॅप्टन स्मित मच्छार (Captain Smit Machhar) यांच्यावर अचानक प्राणघातक हल्ला केला. कॉकपिटवर ताबा मिळवून हे विमान थेट इस्रायलमध्ये क्रॅश (Plane Crash) करण्याचा त्याचा कट होता, असा खळबळजनक खुलासा तपास अहवालांमधून समोर आला आहे. या घटनेनंतर या ओमानी को-पायलटची पार्श्वभूमी आणि त्याचे कट्टरपंथी कनेक्शन उघडकीस आले आहे.</p> <h3 style="text-align: justify;"><strong>Who is Hamam Al-Hamami: कोण आहे हमाम अलहमामी?</strong></h3> <p style="text-align: justify;">29 वर्षांचा हमाम अलहमामी हा ओमानचा (Oman) नागरिक आहे. त्याचा जन्म संयुक्त अरब अमिरातीमध्ये (UAE) झाला असून, त्याचे वडील ओमानी आणि आई सीरियन आहे. त्याने आयुष्यातील मोठा काळ ओमानबाहेर, विशेषतः सीरियामध्ये घालवला होता. अलहमामी याने फ्लायदुबई एयरलाइन्ससोबत अवघे 8 महिने काम केले होते. यापूर्वी त्याने रॉयल एयर मोरोक्को सोबतही काम केले आहे. 'यरुशलम' या इस्रायली वृत्तसंस्थेनुसार, त्याच्याकडे ओमानशिवाय इतर कोणत्याही देशाचे नागरिकत्व नाही.</p> <h3 style="text-align: justify;"><strong>Who is Hamam Al-Hamami: सीरियात असताना अल कायदाच्या विचारांचा प्रभाव</strong></h3> <p style="text-align: justify;">एका रिपोर्टनुसार, सीरियात राहत असताना हमाम अलहमामीचा कल इस्लामिक कट्टरपंथी विचारांकडे वाढला. तो अल कायदाच्या विचारसरणीने प्रभावित झाला होता आणि या संपर्कात येण्यासाठी तो अनेक धार्मिक नेत्यांनाही भेटला होता. त्याच्याकडून मिळालेल्या साहित्यामध्ये 'फ्री-पॅलेस्टाईन' समूहाचे पॅम्पलेट्स आणि पॅलेस्टाईन समर्थक मजकूर आढळला आहे. तो सोशल मीडियावरही इस्रायलविरोधात विखारी प्रचार करत असे.</p> <h3 style="text-align: justify;"><strong>Who is Hamam Al-Hamami: ओमानमध्ये आधीच होता बॅन, तरीही फ्लायदुबईत नोकरी</strong></h3> <p style="text-align: justify;">'वॉल स्ट्रीट जर्नल'च्या अहवालानुसार, कट्टरपंथी विचारांमुळे ओमानच्या नॅशनल एयरलाइन्सने हमाम अलहमामीला विमान उडवण्यापासून बंदी घातली होती. त्यानंतर त्याला दुसऱ्या विभागात काम देण्यात आले होते. असे असतानाही तो युएईच्या 'फ्लायदुबई' एयरलाइन्समध्ये पायलट म्हणून नोकरी मिळवण्यात कसा यशस्वी ठरला, यावर आता गंभीर प्रश्न उपस्थित केले जात आहेत. तसेच ओमान आणि इस्राईलमध्ये कोणतेही राजनैतिक संबंध नसताना त्याला तेल अवीव्हला जाणाऱ्या विमानाचे उड्डाण करण्याची परवानगी कशी मिळाली, याचीही चौकशी सुरू आहे.</p> <h3 style="text-align: justify;"><strong>Hamam Al-Hamami: विमान इस्रायलमध्ये क्रॅश करण्याचा होता हेतू&nbsp;</strong></h3> <p style="text-align: justify;">तपास यंत्रणांच्या सूत्रांनुसार, कॉकपिटवर ताबा मिळवून विमान इस्राईलच्या हद्दीत नेऊन क्रॅश करण्याचा अलहमामीचा कट होता. मात्र, भारतीय कॅप्टन स्मित मच्छार यांनी दाखवलेले प्रसंगावधान आणि प्रसंगाला तोंड दिल्याने मोठा अनर्थ टळला. सध्या तपास यंत्रणांनी या हल्ल्यामागील मुख्य हेतू अधिकृतपणे सार्वजनिक केला नसला, तरी या घटनेने आंतरराष्ट्रीय विमान वाहतूक सुरक्षेचा प्रश्न पुन्हा एकदा ऐरणीवर आणला आहे.</p> <p style="text-align: justify;"><strong>आणखी वाचा</strong></p> <p class="abp-article-title"><strong><a href="https://marathi.abplive.com/news/world/fly-dubai-incident-marathi-news-details-emerge-about-the-co-pilot-who-attacked-captain-smith-machchhar-name-revealed-after-three-days-1441060">Fly dubai Incident Marathi News: ओमानमध्ये बंदी, बॅगमध्ये फ्री पॅलेस्टाईनच्या चिठ्ठ्या...कॅप्टन स्मिथवर हल्ला करणाऱ्या सह-वैमानिकाबाबत हादरवणारी माहिती, 3 दिवसांनी नाव उघड</a></strong></p>