नागपुरात भीषण अपघात! म्हाडाच्या बांधकामस्थळी क्रेन कोसळून दोन मजुरांचा मृत्यू, दोघे जखमी

<p><strong>Nagpur:</strong> नागपूरमधील गणेशपेठ परिसरात म्हाडाच्या इमारतीच्या बांधकामस्थळी भीषण अपघात झाला आहे. काम सुरू असताना सुमारे 100 फूट उंच क्रेनचा वरचा भाग अचानक तुटून खाली कोसळला. या दुर्घटनेत चार मजूर जखमी झाले होते. त्यापैकी दोघांचा मृत्यू झाल्याच्या वृत्ताला पोलीस अधिकाऱ्यांनी दुजोरा दिला आहे. तर अन्य दोघे जखमी असून त्यांच्यावर खासगी रुग्णालयात उपचार सुरू आहेत.</p> <p><strong>नेमकं काय घडलं?</strong></p> <p><a title="नागपूर" href="https://marathi.abplive.com/news/nagpur" data-type="interlinkingkeywords">नागपूर</a>मधील गणेशपेठ भागातील म्हाडाच्या निर्माणाधिन इमारतीत काम सुरू असताना क्रेन कोसळल्याची घटना घडली आहे. क्रेनचा वरचा भाग कोसळून झालेल्या अपघातात 4 जण जखमी असल्याची प्राथमिक माहिती मिळाली आहे. म्हाडाने काम शिर्के कन्स्ट्रक्शन कंपनीला दिले असून काम सुरू असताना हा अपघात घडलाय. सुमारे 100 फूट उंच असलेल्या क्रेन चा वरचा भाग तुटून कोसळला. क्रेन काम करत असताना कोसळल्याने क्रेनवर काम करणारे मजदूर अपघातावरून खाली पडले. जखमी 4 मजुरांवर खाजगी रुग्णालयात उपचार सुरू आहे. त्यापैकीच दोघेजण गंभीर असल्याची माहिती आहे.</p> <p>मिळालेल्या माहितीनुसार, म्हाडाने या इमारतीच्या बांधकामाचे कंत्राट शिर्के कन्स्ट्रक्शन कंपनीला दिले आहे. शुक्रवारी बांधकामाचे काम सुरू असताना क्रेनचा वरचा भाग अचानक तुटून कोसळला. यावेळी क्रेनवर काम करणारे मजूर खाली पडल्याने हा अपघात घडला. दुर्घटनेनंतर जखमी मजुरांना तातडीने रुग्णालयात दाखल करण्यात आले. त्यापैकी दोघांची प्रकृती गंभीर असल्याची प्राथमिक माहिती समोर आली होती. मात्र, उपचारादरम्यान दोघांचा मृत्यू झाल्याचे पोलिसांनी स्पष्ट केले आहे. या दुर्घटनेमुळे बांधकामस्थळावरील कामगारांच्या सुरक्षेचा प्रश्न पुन्हा ऐरणीवर आला आहे. क्रेन कोसळण्यामागचे नेमके कारण अद्याप स्पष्ट झालेले नाही. या प्रकरणी पुढील तपास सुरू आहे.</p>