<p><strong><a title="सोलापूर" href="https://marathi.abplive.com/solapur" data-type="interlinkingkeywords">सोलापूर</a> :</strong> ऐन श्रावण महिन्यात आणि सणासुदीच्या काळात सर्वसामान्यांना मोठा झटका बसला असून साखरेचे भाव गगनाल भिडले आहेत. साखरेच्या दरात अचानक मोठी वाढ झाल्यामुळं खळबळ उडाली आहे, 50 रुपये किलोनं विकली जाणारी <a href="https://marathi.abplive.com/topic/sugar">साखर (Sugar)</a> थेट 70 ते 80 रुपये प्रति किलोवर गेली आहे. त्यामुळे, सर्वसामान्य ग्राहकांच्या खिशाला मोठी झळ बसत आहे. इथेनॉल उत्पादनामुळेच साखरेच्या दरात वाढ झाल्याचं सांगण्यात येतय. तर, सरकारकडूनही आता साखर आयात करण्यात येणार असल्याची माहिती आहे. त्यातच, राज्याचे कृषीमंत्री <a href="https://marathi.abplive.com/topic/dattatray-bharne">दत्तात्रय भरणेंनी (Dattatray Bharne)</a> देखील साखरेच्या दरवाढी प्रतिक्रिया दिली आहे. </p>
<p>राज्यातील काही भागात जास्त पाऊस आला आहे, तर काही भागात पाऊस पडलेला नाही त्यामुळे शेतकऱ्यांची चिंता वाढली आहे. धरणात पाणी आहे पण कालव्यांची क्षमता कमी असल्याने गरजेनुसार सर्वत्र पाणी देता येत नाही. आता पावसासाठी विठ्ठलाला साकडे घालावे लागणार, असे राज्याचे कृषी मंत्री दत्तात्रय भरणे यांनी म्हटले. निमगाव येथे वावडी महोत्सवाच्या उद्घाटनासाठी आले असता कृषीमंत्र्यांनी माध्यमांशी बोलत होते. येत्या काळात पाऊस पडला तर साठवण तलाव, पाझर तलाव भरून येतील आणि शेतकऱ्याची चिंता थोडी कमी होऊ शकते, असा विश्वास त्यांनी बोलून दाखवला. यावेळी साखर दरवाढीवरही त्यांनी भाष्य केलं. </p>
<p>सध्या साखरेचे भाव 75 रुपयांपर्यंत गेले असली तरी बँकांच्या कर्जामुळे साखर कारखान्यांकडे साखरेचा साठा पुरेसा नाही. या कारखान्यांकडे जास्तीचा साठा आहे, त्याला याचा फायदा होईल. तसेच, शेतकऱ्यांनाही याचा थोडा फायदा मिळणार असल्याचे भरणे यांनी म्हटले. साखर 75 रुपयांवर गेली असली तर कारखान्यांकडे किती शिल्लक आहे? असा सवाल दत्तात्रय भरणेंनी केला. साखर कारखान्यांकडे साठवणूक क्षमता कमी आहे, साखर दरवाढीचा थोडा फायदा शेतकऱ्यांना देखील होतोय, असे भरणेंनी म्हटले. </p>
<h2>कृषी विभागातील कर्मचाऱ्यांचा आकृतीबंध</h2>
<p>राज्यातील कृषी विभागाच्या कर्मचाऱ्यांचा आकृतीबंध मागे घेतला असून याबाबत मोठा असंतोष होता. हा आकृती बंद करताना भौगोलिक परिस्थितीचा विचार झाला नव्हता. संघटनेच्या मागणीनुसार मुख्यमंत्री आणि दोन्ही उपमुख्यमंत्र्‍यांशी चर्चा केली, आता पुन्हा कर्मचाऱ्यांशी चर्चा करूनच नवीन आकृतीबंध तयार केला जात असल्याचेही यावेळी भरणे यांनी सांगितले.</p>
<h2>मी वरातीत नाचतो, गोट्याही खेळतो </h2>
<p>आपल्यामुळे जर कोणी आनंदी होत असेल ते करण्यास काय चूक आहे. तुम्ही म्हणाल मी मंत्री आहे, पण आजही वरात चालली असताना मुलं नाचत असतील आणि मला बोलवलं तर मीही त्या वरातीत जाऊन मुलांबरोबर नाचत असतो. एखाद्या ठिकाणी लहान मुले गोट्या खेळत असतील आणि त्यांनी मला गोटया खेळण्यासाठी बोलावले तर मी जाऊन त्यांच्यासोबतही खेळत असतो. माझ्या नाचण्याने वरातीमधील मुलांना आनंद होत असेल तर मी का नाचू नये? लहान मुलांसोबत गोट्या खेळल्यानंतर मुलांना आनंद मिळत असेल तर मी का खेळू नये? आयुष्य हे एकदाच मिळत असते आणि मोकळेपणाने स्वतःही आनंदी राहावे आणि दुसऱ्यांनाही आनंद द्यावा असा कानमंत्र दत्तात्रय भरणे यांनी दिला. आज निमगाव येथे वावडी महोत्सव आणि हिरकणी मेळाव्यासाठी आले असता त्यांनी भाषणामध्ये महिला आणि तरुणांशी मोकळेपणाने संवाद साधला.</p>
<h2>हेही वाचा</h2>
<p> </p>
2 months ago
6 
